Ụhịrẹyị 21:2 - IWE ỌNỊNỊ

² Ọza ọ nyẹngụ e ro ka ịsị ọnị aa mẹ ọ vọrọ, ama Ẹnẹyịmavara ọ zama ayị ọza re nị.

Ụhịrẹyị 21:2 ပူးပေါင်းရင်းမြစ်များ

Ijoovu 31:6

Ohomorihi ọ̀ sị ịzẹyịza mẹ̀ ọkarẹyị anị, o vee re ka ọnị ẹ yị rị ịvị.

Ahẹ Ụgama 36:2

Ee vene ẹngụ anị, ee ro ka iruvo ka iruvo anị ọ yị vaa tụ́ ẹhẹ ịnị ebira odivi anị ana vaa mẹ ka à nyị ịhyẹrẹ anị.

Ụhịrẹyị 12:15

Ọnụra vị ene ro ka ọnị yẹ ịrẹyị, ama ọnịrẹyọyẹ ọọ dọ ajuwe ọza nị.

Ụhịrẹyị 16:2

Avaba ịsa ọnị ọzaā mẹ vị ọnị o rò ka ọ̀ vọrọ, ama Ẹnẹyịmavara e re ayị ọza nị.

Ụhịrẹyị 16:25

Ọza ọ̀ọ nyẹngụ e rò ka oze anị ọ gẹ nị ama dị ahịka ọ sị ọ ne vu nị.

Ụhịrẹyị 17:3

Ịra aā sịị zama isiriva ọnịrị igooru re dị a yẹ ana vị obooro anị nị, ama Ẹnẹyịmavara vị anaā zama ayị ọzaa re.

Ụhịrẹyị 20:6

Ọzọza vị anaa kà a ka ọnị ọ wụra chị ayị za, ama ene kụkụ zụ re ọza ana wụra chi ayị tụra kẹ?

Ụhịrẹyị 24:12

Asị ụ kà a ka ẹ yị nyị awụ rị ịnị anị agụvị ka Ohomorihi ọ yẹ ayị́ ọzọza, di e re ọzọza nị. O vee sí ọzọza atọ ịsị ọnị ọ̀ mẹ̀.

Ụhịrẹyị 30:12

Aza ẹnyị vị ene ro ka ẹnị ẹ gụ ịnị eyi ẹnịnị, ama ẹnịnị e divi anka ụsẹmụsẹ ịnị ututu.

Ijeremaya 17:10

Ẹnẹyịmavara kà, ọnị ịnyara kẹnẹ ọọ gara ayị ọza, dị ọnị zama a re nị. Ebira ọzọza ọnịrị ịsị ọzọza aa mẹ ọọ́ mẹmẹ yà, avọọ ọnị mẹẹ mẹ ẹ hi wa nị.

Ịdanịyẹrị 5:27

Iruvo ỊTẸKẸẸRỊ ọ vị ka, asị ohinọyị zama re ịnị ịngọ, ê re ka â gẹsẹ aanị, ẹ yị nyị ịsị ọ vị.

Iruuku 16:15

Dị Ijeesu kà a yị wa ka, “Ẹwụ nịnị ọọ̄ jị ịhị yị ẹngụ awụ nịnị éyi ọza nị. Ama Ohomorihi ộ yẹ ayị awụ nịnị. Ịsị aza ro ka ịsa ẹtẹẹtẹrẹ ọ vị nị, ịsa kẹnẹ-kẹnẹ ọ vị ini eyi Ohomorihi nị.

Anigaratiya 6:3

Àa nyị ọza ene ro ka áa nyị ịsị ọnị vị, ịnị ụmẹ ana ahịka ẹ yị nyị ịsị ọ vị, ọza ọnọọ ee vene ẹngụ anị.

Ijemiisi 1:22

Asị u vene ẹngụ awụ nịnị, dị ahịka ụ waa wụ́ ịrẹyị ọnọọ kẹnẹ nịnị nị; wa rẹẹ mẹ̀ ẹ nịnị bẹẹ.

Ẹtore 2:23

Ọnị vaa wụ̀ aza ana aa saasa a, dị avaba anịragụ Ohomorihi ẹ̀ yẹ ka ẹmaa yẹ ariro aza ọnịrị ịsa ana ayị anị sì nị. Mị vaa sị ọgụ ụkọrọ awụ nịnịị yị wụ nịnị.

1 Ịsamụwẹrị 16:7

Dị Ẹnẹyịmavara va hị́ Ịsamụwẹrị dị ọ ka asị ụ re eyi ịrẹsụ anị ọnịrị ọ mẹmẹ hụ, agụvị ka ẹ yị vị avọọ ọnị mẹẹ̄ nyị ọza rị ohinọyị. Ọ kà a yị vị ọza mèe re ẹtẹ ọnịị̄ re ẹtẹ. Ọ kà ọza vi ene eē re ẹhẹẹhẹ, ama ọnị Ẹnẹyịmavara vi ene eē re ayị ọza.