Ụhịrẹyị 21:16 - IWE ỌNỊNỊ

¹⁶ Ọza ene yi ịzẹyịza tịtẹ vị ana gụrị usu.

Ụhịrẹyị 21:16 ပူးပေါင်းရင်းမြစ်များ

Ahẹ Ụgama 125:5

Ama ịhị wàa kụ́ aza edivii kwooze, ẹnịrị aza ẹnẹ ẹ̀ yị mā và tụra oze awụ, ụ vaa kụ́ụ kwooze nị. Anisirẹrị vị ana vaa nyị ẹngwọọrọ.

Ahẹ Ụgama 49:14

Ẹnịnị vi ene vee sú kẹnẹ anka atẹmẹ avọọ Di Iswọọza kụ́ wa aa nọ ini ikuta Ọza ana aa mẹ̀ ebira ana vọrọ ọ vaa nyị ẹbẹẹba ẹnịnị Ịjị eyi ọ̀ọ sị nị̄ nị Aza edivi vị ana vaa vụụ hi ini ikuta. Ẹnịnị ẹ yị kụkụ vaa yà anka ụbanyị ẹnị ẹ vịdị nyị tụ́ ini irehi ẹnịnị ana vịdị vavọọ zoza.

Ụhịrẹyị 11:19

Ọnịzẹyịza vị anaa mẹ̀ ẹhẹ ozoza ama ọza ọhịmị o mē ku orubo.

Ụhịrẹyị 13:20

Ọza anaā zị ògù ọyẹrẹyị vị ana yẹ ịrẹyị ama ọza ene e pe ọnụra za ọta vị anaā mẹ ẹngụ anị ịrẹyị.

Ụhịrẹyị 19:16

Ọza anaa saasa ọda Ohomorihi vị enee ku orubo, ọza anaa sị eyi wụ́ ịrẹyị anị vene vee su ne ta.

Ụhịrẹyị 2:13

ene reè ne ịzẹyịza ta naa ra ẹhẹ odivi.

Ụhịrẹyị 5:23

Ụra ọbanyị ẹngụ ẹnịnị ee vu wa ẹtẹ, dị eyọhụrẹ ẹngụ ẹnịnị aa wụ̀ wa ha nị.

Ụhịrẹyị 9:18

Ama anọrụ ana ngụ ọ ụvọ ẹ yị yẹ́ ka aza ana vịdị na ịzọọ vị ene su. Aza ana vịdị ngụ irehi anị aa sụ̀ aara ịdị aneku.

Ezikẹẹrị 18:24

Ama ọza ọyịza ọ̀ọ và hụụnị ebira ọyịza anị, dị ọ́ naa mẹ̀ ebira odivi anaa nyị ọnị ịhyẹrẹ ana ọza odivi aa mẹ nị, ọza ọnọọ ọ́ọ́ zụ yara kẹ? Éyiye de. Ẹ́ yị nyị ebira ọyịza ọnị ọ́ vịdị mẹ ana a vaa tamayị anị. Vị́ o vee sú nị, agụvị ka ẹ yị vị ana mẹ ịzẹyịza ọnịrị agụvị ka ọ vanaa mẹ̀ ebira odivi.

Ịzẹhwanaya 1:6

Ẹnẹyịmavara kà aza ana va hụ ịrẹma anị, dị ẹ yị kụkụ họ̀ ọnị use ka ọnị ọ zụ ẹnị oze vee re ẹẹva.

Anẹhwẹsọsị 2:1

Ịyẹẹyẹ, wê vịdị wusu nịnị agụvị akamawụ ọnịrị ịvị ọnị ụ waa mẹ nịnị.

Anihiburu 10:38

“Aza anị ana àa vị ọnịzẹyịza vaa yàra, agụvị ka ẹ́ẹ sị ayị tụra ọnị. Ama àa nyị ọza ana kà nọ ịrẹma, ayị anị o yi vee hinee tù ọọ.”

1 Ịjọọnụ 2:19

Aza ẹnẹẹ vị ana hụụ ịdị ayị agụvị ka ẹyịrị wa ẹ́ yị vị ọnya. Ẹyịrị wa ọ̀ọ yaanị vị ọnya, ẹnịnị vị ana yaanị yà pe yị. Ama ẹ́ẹ hụụ ịdị ayị agụvị dị ọzọza è ree ka ẹyịrị wa ẹ́ yị vị ọnya.

Ijudi 1:12

Wàa kụ gụ aa rị ịsa ịnị oze ana sị zụ ka wee sì ịrẹyị ẹngụ nịnị, ịdọtị ẹ vị tụ́ ịnị akakana awụ nịnị nị. Sị ẹ vẹ? Agụvị ka ẹnịnị vị anaā rị ịsa anka ọza ọnị ụhị ọ̀yị ma nyị avọọ. Ẹngụ ẹnịnị kẹnẹ ee ro ịrẹyị anị nị. Ẹnịnị vị ana sị mẹẹ anka eguhi ana ahị aa kụ́ụ zịịzị, oni orihi anị ọ̀ yị mā zụ̀. Ịrẹyị ẹnịnị vị osusu anka ọchị ene wusu hụrị ụmọrụmọ, di e si o hu ne ta, dị ọ̀ yị kụkụ zụ tụ́ ẹtụtụ ịnị ụmẹ anị.