Ụhịrẹyị 21:13 - IWE ỌNỊNỊ

¹³ Ọza ọnị ẹ yị gụ onosiye ụvọ, ọ yị vee re ọnọgụvọ anị.

Ụhịrẹyị 21:13 ပူးပေါင်းရင်းမြစ်များ

Inehemaya 5:13

Ẹ́ mẹ̀ sị eku hị́, dị mị và oku awuru amị ịnẹ vẹ ẹhẹ, dị mị banyị ọ, dị mị ka; aanị Ohomorihi mẹ̀ vaa banyị ẹhẹ aza ẹnẹ ẹ yị mẹ̀ ịsị e wo oto anị aanị ha nị. Ohomorihi vaa tụ ẹngụ aza ẹnẹẹ avosusu, dị a dọ wa irehi ẹnịnị nị. Dị avaba ịragụ ana gụ tụ ọ ohi ka aamị nị. Dị ẹ sị ụga yị Ẹnẹyịmavara, dị ẹ mẹ̀ ịsị e wo oto anị nị.

Ijoovu 29:12

Ọnị ọ gụ onosiye nịnị ene na owu va za ọnị. Avọọ ọnị mẹ rẹ mẹ ọgụvọ yị ezi-oku nịnị ẹnẹ ẹ yị nyị ọnọgụvọ nị.

Ahẹ Ụgama 18:41

E yee nowu, ama e yi re ọza ba wa owu Ê nowu na za Ẹnẹyịmavara ama o yi tụ́ wa ohi.

Ahẹ Ụgama 58:4

Ẹ nyẹngụ sị ịrẹyị ẹnịnị wụ̀ ọza anka ẹchịpa ẹ́wụ́ mẹ̀ẹ wụ̀ ọza avọọ Ịrẹyị ẹnịnị àaa wụ̀ ọza kẹnẹ, àa ka ọ̀maa. Vị ọ sị mẹẹ anka ịrẹrụ ẹwụ odivi ẹnẹ ẹ̀ yị mā wụ́ ahọ̀nọ avọọ nị nyị ọza mẹ̀ yara mẹ irere na za, ana aā mẹ̀ ẹ.

Ụhịrẹyị 1:28

Ịrẹyọyẹ kà, ẹ́ vaa hị́ ọnị ịnị ụmẹ ọnọọ, dị ọnị e yi tu wa ohi. Ẹ vaa sị avaba ẹngụ-ẹngụ si ọnị, di e yi re ọnị.

Ụhịrẹyị 28:27

Ịsa ẹ yị vaa zwọ ọza anaā sịị ịsa yị onosiye ama ọza anaa sị eyi jịnẹ ẹ vị ana vaa dọ ozirenu ọrụrụ-ọrụrụ.

Imatiwu 6:14

Wàa vagu aza ịnị ịvị ẹnẹẹ mẹ hi wu nịnị, Ada awụ ẹbẹẹba ọnị rẹ vaa vagu wu nịnị bẹẹ.

Imatiwu 7:2

Ẹngụ ọkarẹyị ọnị ụ wàa mẹ yị aza, Ohomorihi rẹ vaa mẹẹ yị ẹwụ nị. Ịsị ụ wàa sị mọ ịsa yị ọza, a rẹ vaa sị mọọ yị wụ nịnị nị.

Iruuku 13:25

Ịjị adarehi ọ̀ọ sị kwẹẹtẹ dị ọ sị oze gu nị, dị ẹwụ nịnị kụkụ jẹẹ ẹhẹ aa sị ụvọọ ká oze ka: ‘Ananyị yị! Ananyị yị! Na oze yị!’ Di o tụ́ ohi dị ọ ka: ‘Mẹ yị yẹ ịzị ụ hụrẹ vẹ nịnị. Hụrẹ mi eyi, ẹwụ nịnị enebira odivi ẹnẹnị!’

Odeyi 7:57

Dị anikootu nịnị sị ụvọ ẹnịnị kú ụtọ, di e nowu zẹtẹ nị. Di e dudu zwe ne tù ọ,

1 Ịjọọnụ 3:17

À kà a ka ọza ọ́ọ nyị ịsa rị ụvọ, dị o re ọdọwụ ọsa mee re osiye, ama dị ọ sị ụvọ anị kwoku yọ nị, ọza ọnọọ ọ́ọ́ zụ kà a ka oni o sì ịrẹyị Ohomorihi?