Ụhịrẹyị 21:1 - IWE ỌNỊNỊ

¹ Ayị ohinọyị sị mẹ anka okuha ịnị ụvọ Ẹnẹyịmavara avọọ nị. Ịzị o zee eyi kẹnẹ ọ vaa ịrẹsụ ka nị.

Ụhịrẹyị 21:1 ပူးပေါင်းရင်းမြစ်များ

2 Ohinọyị 19:33

Ọnị Ẹnẹyịmavara ọ sị ọ ka, ka; oze ọnị ọ́ zị vẹ, ọ́ va zịị varẹma nị. Ẹ yị vaa jị ahụụ ngụ ẹtẹ Ijerusarẹmị.

Ẹzịra 1:1

 nyị ụmẹ ọnya aanị ọnị ọnọrụ ọnya ana aa hị́ Ịsayịrọsị sị vị ohinọyị Ipesiya. Ịnị ịrayị ịpaapa ọnị ọ rị ohinọyị, Ẹnẹyịmavara ộ mẹ̀ ka ịrẹyị anị ọnị Ijeremaya vịdị ka yị Anisirẹrị ọ sẹ. Ẹnẹyịmavara ộ kụ́ hi Ịsayịrọsị ayị ka, ọ mẹ̀ ọda, dị aa chẹrẹ ẹ tịtẹ, dị aa nọ̀ ọ ịnị avaba ẹtẹ anị nị.

Ẹzịra 1:2

Ịzẹyịza, dị Ịsayịrọsị ka Ẹnẹyịmavara, Ohomorihi ana nyị ẹbẹẹba ọ raà sị ịjọva avaba ẹhẹ chire ọnị ụvọ. Dị ọ nyị ọnị ka ọnị ọ da irehi anị tụ Ijerusarẹmị ịnị ẹtẹ Ijuda nị.

Ẹzịra 6:22

Ẹkụhị ịhịmba ẹ̀ sị tịtẹ rị eche akara ẹnẹ ẹ yị nyị owu nị. Dị avaba aza aa jẹ ịrajẹ agụvị ka Ẹnẹyịmavara ọ raà mẹ wa ayị ohinẹ. Ộ mẹ ka ohinọyị Asiriya ọ̀ gụ wa ụvọ ịnị ụkọrọ irehi Ohomorihi Anisirẹrị ọnị e tenyi dà.

Inehemaya 1:11

Dị ọ ka, Ananyị yị ọ̀ navọ ọ̀ wụ́ aduwa anị ọnịrị aduwa ezi ahụ ana vọ anaa sị ụbanyị yị ọ. Ẹnẹyịmavara ọ̀ gụ ọnị ụvọ ịnị ịsa ọnị ọnị ọ̀ọ họ̀ use anị hụụnị ụvọ ohinọyị. Ọ̀ mẹ ka ohinọyị ọ̀ nyị ayamva yị ọnị. Ịnị ụmẹ ọnọọ, Inehemaya ọ vị ọza ene si eyi pe ịsọyịrị ohinọyị.

Inehemaya 2:4

Dị ohinọyị họ̀ ọ use ka ịsị e si ka ọnị ọ mẹ tụ ọ? Dị Inehemaya mẹ̀ aduwa hi Ohomorihi ana nyị ẹbẹẹba.

Inehemaya 2:8

Dị ọ ka ohinọyị ọ rẹ sị iwe ọsa yị ọnị na yị Asahwi ana sị eyi pe uruku anị. Dị Asahwi ọ kụ ipako yị ọnị dị a sị mẹ̀ ukere oze irehi ana gụrị irehi Ohomorihi, ọnịrị oze ẹkụra ene hi ịnị ọvọ. Ọchị anaa vọ dị ọnị ọ kụ́ da irehi ọnị ọnị vaa ra. Dị ohinọyị mẹ avaba ịsa ọnị ọ họ̀ use anị agụvị ka Ohomorihi ọ sị ụvọ tụ ọ yị ọ.

Ẹsịta 2:17

Ẹsịta mè tù ịzọọ, di ohinọyị sì ịrẹyị Ẹsịta hụụnị anẹẹ ana vọ nị. Dị ọ nyayịnẹ ngụ ayị Ẹsịta hụụnị avaba ezwoorihi ana vọ hi ịzọọ nị. Dị ọ sị amu ohinọyị kú Ẹsịta nị. Dị ọ sị Ẹsịta mẹ ose anị tụ́ udi Ivasiti nị.

Ahẹ Ụgama 105:25

Ohomorihi ộ mẹ̀ ka Anijipiti ẹ̀ kụkụụ kụ́ ayị Anisirẹrị, dị ẹ hyakụ ee vene wa bẹẹ nị.

Ahẹ Ụgama 106:46

Dị ọ mẹ ka avaba aza ana za wa ọrịhị ẹ̀ vayị ẹnịnị nị.

Ahẹ Ụgama 114:3

Ókū ịkịịkẹ mè re ka ẹ yaa vẹ, dị ọ kụ́ ahụ nya iruvo nị. Di Okuha Ịjọdanị ọnị rẹ sị varẹma nị.

Ahẹ Ụgama 114:5

Ẹwụ òkū, sị ẹ vẹ di wee zwe? Sị ẹ vẹ dị ụ sị varẹma, ẹwụ Ijodani?

Ahẹ Ụgama 74:15

Ẹwa mẹ ka okuha ọnịrị orosi nịnị ee sì nị Dị ụ rẹ mẹ kà enyi eneē vidii sì pooro, ọ̀ wụ nị.

Ahẹ Ụgama 93:4

Ẹnẹyịmavara ọ vị ohinọyị ene hu keekere tụ́ ẹbẹẹba nị, Ộ nyị ụkata huna avaba òkū ana aa dà vụụ-vụụ.

Ọyịkụra 7:3

Dị Ẹnẹyịmavara kà ama ọnị vaa mẹ ka ayị Ihwarawo ọ̀ katẹngụ. Ọnị ọ̀ọ daka mẹ̀ ụkọrọ ịvọpa irenyi-irenyi ịnị ẹtẹ Ijipiti.

Ụhịrẹyị 16:1

Ọyịkà vị ọza, ama ọyịmẹ̀ vị Ẹnẹyịmavara.

Ụhịrẹyị 16:9

Ọyịkà vị ọza, ọyịmẹ̀ vị Ẹnẹyịmavara.

Ụhịrẹyị 20:24

Ẹnẹ ka ọnị ọ yẹ oze ẹhẹ anị kẹ? Ẹnẹyịmavara kẹnẹ ọọ̄ zụ ọza oze nị.

Ayịsaya 43:19

Sị eyi pe ẹtẹ ka, maa naa mẹ̀ ịsa ọwọọwa. Ó si nyima aa mẹ da, wee re e nịnị booro aanị. Mị vaa tụ́ oze tụ ịnị ụnọmị, dị mị mẹ okuha ene enyi ee sì ịnị anịị wụ nịnị ịzọọ.

Ayịsaya 44:27

Ẹ̀ma mẹ ọda ka òkù ọ̀ wụ nị. Mị vaa mẹ irehu awụ nịnị ẹ̀ wụ.

Ijeremaya 39:12

È ne si Ijeremaya, dị ẹ̀ sị ụvọ ozoza za a. Ọ kà asị a mẹ̀ ẹ ịrẹyị, ama ịsị oo họ̀ use anị kẹnẹ, ọ̀ mẹẹ yị ọ.

Ịdanịyẹrị 4:35

Inebukadineza ka, ẹ yị nyị ịsị avaba anẹhẹ vị̀ eyi Ohomorihi. Anggẹẹrị ene hi ẹbẹẹba ọnịrị avaba anẹhẹ vị ene hi ịnị ụvọ anị. Ọnị ọ vị ọmẹrẹyị ọnị ọza ẹ yị ma họ̀ ka sị ẹ vẹ nị. Ẹ̀nẹẹ nọ ọ ịrẹvụ?

Odeyi 7:10

dị ọ dọ ọ tụ́ hụụnị avaba ụyọrị anị nị. Ohomorihi ộ sị ịrẹyọyẹ yị Ijosẹẹhụ, ộ mẹ̀ ka Ihwarawo, ọnị ọ vị ka ohinọyị Anijipiti ò sì ịrẹyị anị. Dị Ihwarawo sị Ijosẹẹhụ mẹ ọga Anijipiti ọnịrị avaba irehi anị nị.

Ẹtore 16:12

Dị anggẹẹrị ọhụhịnọnyị ọnị rẹ và ene hi ịnị ịchacha hi ini okuha Iyuhureti ana banyị nị. Dị enyi anị wụ, ka oze ò tenyi tịtẹ yị ohinọyị nịnị ana yà eyi ọnị ọyịị̄ zịị hụrẹẹ vẹ nị.

Ẹtore 16:4

Anggẹẹrị ọhụta ọnị ọ rẹ và ene hi ịnị ịchacha ene hi ịnị ịchacha anị hi ini okuha ọnịrị avaba enyi ẹtẹ, dị ẹnị rẹ vara anya nị.