Ụhịrẹyị 20:6 - IWE ỌNỊNỊ

⁶ Ọzọza vị anaa kà a ka ọnị ọ wụra chị ayị za, ama ene kụkụ zụ re ọza ana wụra chi ayị tụra kẹ?

Ụhịrẹyị 20:6 ပူးပေါင်းရင်းမြစ်များ

Ahẹ Ụgama 12:1

Ẹnẹyịmavara, navọ kwogwo wa gụ yị ụvọ kụkụ nyị ọza ana aa mẹ ịzẹyịza ọ! Ọnịzẹyịza ệ ta hụụ nị ẹhẹ.

Ahẹ Ụgama 12:2

Ireche kẹnẹ aza kuku ee chee yị ẹngụ nị Ẹnịnị vi ene ee vene aza ama dị ẹ yaa kụ́ hworo-hworo.

Ụhịrẹyị 20:5

Ayị ọza ọ nyịnẹ hụụnị ịkangga, ama ọza ọnị eyi anị hweyi ọ zụ yẹ nị.

Ụhịrẹyị 25:14

Ọza anaa ka ịrẹyị, dị ọ yị mẹ̀ ẹ sị mẹ anka eguhi osusu avọọ nị.

Ụhịrẹyị 27:2

Navọ ọzẹnẹsa ọ ga wụ, asị ẹwụ ụvọta ga ẹngụ awụ. Anusoze ọ yẹ akụ ọ̀ọ hụ và nị.

Ịrẹyị Ọzwọzịsa 7:28

ama vị va ngụ ọyaanị, ọnị ẹ yị va yẹ. Ọnị ọọ yẹ ka àa kụ aza ẹnị akahị gụ a vaa nyị ọnọrụ ikonya ịnị ẹnịnị, ama ọnị ẹ yị re ọnyẹnẹẹ ikonyara.

Ijeremaya 5:1

Ẹnẹyịmavara kà, ẹwụ nịnị Anijerusarẹmị, ọ̀ ngụ avaba ẹkụra awụ nịnị dị we re. Ngụ avaba orere awụ nịnị zị dị we re, àa nyị ọza anaa mẹ̀ ịsa ana vọrọ dị aa mẹ ịzẹyịza hi Ohomorihi. Àa nyị, ọnị Ẹnẹyịmavara vaa vagu wụ nịnị.

Imika 7:1

Ẹma sị dà me yi re ẹpẹ sị va o. Ịrẹyị amị sị mẹẹ anka ọ́za ọnị ụngwẹ aa kụ̀ ọnị e yi re ẹtụtụ ana vọrọ ka ọ há rị ịrẹsụ ọchị avọọ nị. A raà há avaba ẹtụtụ ọchị ene hi ịzọọ ụmẹ avọọ. Ẹ yị nyị ana vọ vụrụ-vụrụ.

Imika 7:2

Aza ana a mẹ ịzẹyịza ee ta hụrẹ ẹhẹ. A mẹ̀ vavọọ kụ́ wa, ikonya ọ yị vẹtẹ ịnị anị. Avaba aza ee bè ẹngụ, ẹnịnị ee sì ka ẹnị ẹ̀ dọ ẹngụ ụhwẹ. Ẹnịnị vị ana nyị ịrẹpa ẹnẹ ẹ yaa vàa zi ẹngụụ zị.

Imatiwu 6:2

Agụvị avọọ, wàa mẹ ẹyịza, asị ụ nọọ ẹngụ awụ, anka ónogevegeve nịnị mẹ̀ẹ̄ mẹ ini irehi ahẹkẹ Aniju ọnịrị ini orere ka aza ẹ̀ẹ ga ẹnị. Ịzẹyịza mị kà wụ nị, ẹ sị ọgụ ẹnịnị dọ da.

Iruuku 18:11

Dị Anihwarisi ọnọọ kwẹẹtẹ jẹẹ aha anị irenyi, dị ọ maanị aa mẹ̀ aduwa nị ka: ‘Ohomorihi, mâ kụ́ wụ avọ ka mẹ yị yà aza ana vọ mẹ̀ yà: aza anaā họ́họ̀ha, dị ẹyaa mẹ irikichi, dị ẹ rẹ yaa sẹ̀ ịrẹka. Mẹ yị hyakụ yà anka ọdẹkẹhirehi ọnọnị bẹẹ.

Iruuku 18:28

Dị Ipita ka, “Re, avaba ịsa ẹ́yị navọ tịtẹ, dị yaa dụ wụụ zị nọ.”

Iruuku 18:8

Dị ma kà a wụ nịnị ka o vee jintuu mẹ̀ ịsa ana vọrọọ yị wa. Mị ka ee, ịhị ẹmị Ozi ọza onigirima ọ̀ọ vavẹ, méé kuku vee tù ka aza ẹ sị sị ayị tụra mị ịnị ẹhẹ?”

Iruuku 22:33

Dị Ipita ka, “Ananyị yị, ma sị ẹngụ tenyi ka à za ẹmịrị ẹwụ tụ́ ịnị ẹngwa, dị à hyakụ wụ ẹmịrị ẹwụ bẹẹ.”

Ịjọọnụ 1:47

Ịjị Ijeesu re ka Inatanẹrị aa vẹ ịda anị, di Ijeesu kà ịrẹyị ini oze anị ka, “Anisirẹrị obooro yọ! Ọnịzẹyịza obooro ọ vị̀ nị.”

2 Anịkọrịntị 12:11

Maa kà ịrẹyị anka ọnụra avọọ, ama ẹwụ nịnị ọ mẹ ka ma maanị wo oto, di maa ga ẹngụ amị nị. Ẹwụ nịnị a vọrọ ka ọ̀ọ ga ẹmị nị, ẹ̀ yị daka nyị ịsị mị vị, aza ọnị ụ sị mẹ ọga ezirẹma Ijeesu nịnị avọọ, e yi huna mị ini oze ọnyọọnyị.