Ụhịrẹyị 20:3 - IWE ỌNỊNỊ

³ Ọza enee zwe yị ịrẹyị vị ana sị ụbanyị yị ẹngụ anị, ama ọnụra kẹnẹ o si ka ọnịrị ọza ẹ zyaazị nị.

Ụhịrẹyị 20:3 ပူးပေါင်းရင်းမြစ်များ

Oyinyima 13:7

Di aza ana aa kụ́ ịsụpa Abụramị rị ọnịrị aza ana aa kụ́ Ịrọọtị rị kụkụ aa zyaazị nị. Ụmẹ ọnọọ Anikenaani ọnịrị Aniperizi nịnị ẹnị re hi ịnị ẹtẹ ọnọọ.

Oyinyima 13:8

Ẹkụhị ọnya di Abụramị va hị́ Ịrọọtị dị ọ kà a yọ ka: Ẹ yị vọrọ ka ọnịrị ọ ọ̀ọ zyaazị. Ọ kà a yị rẹ vọrọ ka aza ana aa kụ́ ịsụpa ọnịrị ọ rị ẹ̀ẹ zyaazị. Ọ kà ộ yẹ ka anda ẹnị vị nị.

2 Ohinọyị 14:9

Ama Ijehowazi maanị va ohi varẹma tụ́ ne tu Amaziya ohinọyị Ijuda ka, “Â nyị ụmẹ ọnya ọnị avị ikeyi-ikeyi ọnya ịnị ataba Ịrẹbanọnị tụ́ ne tu ọchị Isida ka, ‘Sị ozi ọnẹẹ awụ ga ozi emi de.’ Uye odivi ọnya ô parahu, dị ọ́ sị ahụ pịrị avị ọnọọ zẹtẹ nị.

Ụhịrẹyị 14:17

Ọza anaā kụ ayị baaba vị ana a mẹ̀ ụra ama ọnịrẹyọyẹ vị ana vayị nẹtẹ.

Ụhịrẹyị 14:29

Ọza ana yẹ ịrẹyị ọ yị mā hụra ku ayị ama ọnọyịkụ vị ana a sị ututu anị zụ̀.

Ụhịrẹyị 16:32

Ọza ọnị ayị anị nẹtẹ o huna ọza ana nyị ụkata nị; ọza ana zụ sị ụvọ za ẹngụ anị o huni ọza ana nyị avaba ẹkụra nị.

Ụhịrẹyị 17:14

Ịraazị óo nyima, vị ọ sị mẹ anka ọza òo rere à há akata yị enyi avọọ nị, agụvị avọọ, và hụụnị ịrẹyị dị ọ va sụ ịraazị.

Ụhịrẹyị 18:6

Ịrẹyị irenu ọnụra vị anaā chị ịraazị, ịrẹyị ọnị ọza sị dọ arụhwọtọ ọ kà nị.

Ụhịrẹyị 19:11

Ịrẹyọyẹ vị anaa sị ayị ọzaa nẹtẹ, ọza anaa sị eyi hụụnị ịrẹyị aā sị ụbanyị yị nị.

Ụhịrẹyị 21:24

Ọza anaa sị ẹngụ tụ ẹba vene wu, dị aa mẹ̀ ọjịnọka.

Ụhịrẹyị 26:17

Ọza ene ji na ngụ ịrẹyị ọnịrẹyị sị mẹ anka ọza ene ne tụra irezi ọzọga ụtọ avọọ nị.

Anẹhwẹsọsị 4:32

Ama waa ngụ ayị ẹngụ nịnị, dị ụ waa vayị ẹngụ nịnị, dị ụ wa rẹẹ vagu ẹngụ nịnị, anka Ohomorihi mẹ̀ hụ agụvị Ikirisiti dị ọ vagu wu nịnị.

Ijemiisi 3:14

Ama wàaa kụ́ ụhị ịnị ayị awụ, dị ụ wáa nyị ẹngụrẹyị, dị ahịka ẹngụ awụ nịnị kẹnẹ u ree sì ọyịzaa yị nị, ẹ́ yị vọrọ ka waa nyị irenu, dị ụ wa navọ ịzẹyịza tịtẹ di u wee cheeche.

Ijemiisi 4:1

Sị ẹẹ̄ kụ́ ịrẹkụụ vẹ, sị ẹẹ̄ mẹ ka waa zyaazị nịnị? Iruvo ịrazị awụ nịnị ọ vị ka ayị awụ nịnị ọ yị nẹtẹ agụvị oyisì odivi ẹngụ awụ nịnị.