Ụhịrẹyị 2:9 - IWE ỌNỊNỊ

⁹ Wàa wụ́ ịrẹyị Ẹnẹyịmavara, ụ vaa yẹ ịsị ẹ vọrọ, dị waa mẹ ịzẹyịza, dị waa mẹ̀ ebira ozoza.

Ụhịrẹyị 2:9 ပူးပေါင်းရင်းမြစ်များ

Ahẹ Ụgama 119:105

Ịrẹyị awụ vị ana sị mẹẹ anka ozotupa avọọ oni mee sii re ẹtẹ. Etohweyi ana aa si oze zụ̀ mị ọ vị nị.

Ahẹ Ụgama 119:99

Ọda awụ vị ọnị miī roo nọ ịnị anị pooro. Ẹ raà mẹ ka eyi amị ò hweyi tù ịsa huna aza ana hyakụ aa zụ̀ mị ịsa.

Ahẹ Ụgama 25:12

Ọza ana àa si ụbanyị yị Ẹnẹyịmavara, dị Ẹnẹyịmavara ọnị raa sịị zụ̀ ọ oze ana vọrọ ka ọ̀ zị.

Ahẹ Ụgama 32:8

Di Ohomorihi kà ọnị vaa zụ̀ mi oze ana a vọrọ ka mị va zị. Ọ kà ọnị pè mii jị uwe, di ọnị ee sere mị

Ụhịrẹyị 28:5

Aza ọhịmị ẹ yị yẹ ịsị ẹ vị ịzẹyịza, ama aza anaa yẹ Ẹnẹyịmavara ẹ yẹ tu ẹtẹ nị.

Ụhịrẹyị 4:12

Wàa zị ụsẹ, ẹ yị nyị ịsị ẹ vaa jẹ oze awụ. Wèe zwe echi, wẹ yị vaa tụ ahụ.

Ụhịrẹyị 4:18

Ọnịrẹyịzẹyịza ọọ̄ ma hụrẹ ayịnẹ. Ẹhẹ anị ọ mā nyị ọjịrẹka.

Ụhịrẹyị 8:20

Oze ana vọrọ dị ọ vị ịzẹyịza ọnịị̄ zị nị.

Ayịsaya 35:8

A vaa nyị oze ọbanyị ọnya ịzọọ, ana a hị́ “Oze Ọnịnị”. Aza ana aa mẹ̀ ebira odivi ẹ yị vaa zị oze ọnọọ pàá. Aza edivi ana aa mẹ ụra ẹ yị vaa zị oze ọnọọ.

Ayịsaya 48:17

Ohomorihi ọnịnị Anisirẹrị, Ẹnẹyịmavara ẹnẹdọha awụ nịnị ka, Ọnị ọ vị Ẹnẹyịmavara Ohomorihi ẹnịnị ene si ka ọnị ọ zụ wa ịsa agụvị o zoza yị wa, dị ọnị ọ zụ wa oze ọnị a vọrọ ka ẹẹ zị nị.

Ijeremaya 6:16

Ẹnẹyịmavara ộ kà a yị aza anị ka, jẹẹ ịzị oze va gẹ nịnị dị we re. Họ̀ use oze ịyẹẹyẹ nịnị, ka ịzị oze ọyịza ọnọọ ya, dị wa và tụraa nịnị, ka ọ va rọ wụ nịnị ẹngụ. Ama ẹnịnị ka heyiye, ẹnị ẹ yị zị avọọ.

Ịjọọnụ 14:6

Dị Ijeesu tụ́ ọọ ohi, dị ọ ka, “Ẹma vị oze ọnọọ nị, ẹma vị ịzẹyịza nị, ẹma rẹẹ̄ mẹ ka ọza ọ̀ yàra nị. Ẹ yị nyị ọza ana nyẹngụ nọ ịdị Ada amị, ẹ̀ yị vị oze amị ọ zị.