Ụhịrẹyị 2:6 - IWE ỌNỊNỊ

⁶ Ẹnẹyịmavara ọọ̄ mẹ̀ ka ọza ọ yẹ ịrẹyị, dị ọ nyị eyohweyi nị.

Ụhịrẹyị 2:6 ပူးပေါင်းရင်းမြစ်များ

1 Ohinọyị 10:24

Avaba ohinọyị ịnị ẹtẹ ọnọọ vi ene ee sì ka ẹnị ẹ̀ wụ́ ịrẹyị irenu Isoromọnị, dị ẹ wụ́ ịrẹyị ịrẹyọyẹ oni Ohomorihi si tụ́ ịnị ayị anị.

1 Ohinọyị 3:12

Re! Ịsị u họ̀ use aanị, maa mẹ̀ ẹ wụ. Mị vaa sị ịrẹyọyẹ ọnịrị eyohweyi yị wụ. Ụ vaa yẹ ịrẹyị ana ahịka ẹ yị nyị ẹngụ awụ da. Ịrẹma awụ, ẹ yị mā rẹ vana nyị ẹngụ awụ.

1 Ohinọyị 3:9

Aarịhịnị navọ wa sị ịrẹyọyẹ yị mị dị ma zụ yẹ irenyi ana yà ịnị akakana ọyịza ọnịrị odivi. À yị vị avọọ ẹnẹ zụ mẹ̀ ọkarẹyị aza awụ ana maanị dẹngụ aanị?”

1 Ohinọyị 4:29

Ohomorihi ộ sị ịrẹyọyẹ yi Isoromọnị ẹtẹẹtẹrẹ. Ộ yẹ ịrẹyị obodaasụ ana ahịka ẹ yị nyị ẹngụ anị.

1 Ịtọpa 22:12

Ẹnẹyịmavara, Ohomorihi awụ ọ̀ navọ eyi awụ o ve hu eyi, dị ọ sị ịrẹyọyẹ wụ dị wa va sị mẹ ohinọyị yị Anisirẹrị nịnị zị oze ọda anị.

Ẹzịra 7:25

Dị Atazazasisi rẹ ka, “Ẹzịra ọ sị ịrẹyọyẹ ọnị Ohomorihi sị yị ọ nyị ọdọvịdị ọnụkọrọ ana vaa mẹ ịjọva ẹtẹ ọnọọ nị. Dị aza ẹnẹẹ ẹ̀ vị aza ana yẹ ọda Ohomorihi dị ẹ zụ zụ ọ yị aza ana vọ.

Inehemaya 7:5

Ohomorihi amị ộ sị tụ mị ayị ka ma hị́ ọdọvịdị ẹkụra nịnị ẹnịrị aza ana vọ gụ agụvị dị à chẹrẹ ịrẹha aza tịtẹ nị. Ịrẹma anị mi vee re iwe ana a chẹrẹ ịrẹha ovwoovu-ovwoovu Aniju nịnị ana dọ ọvịdị va hụrị Ịbabịrọnị vẹ eehi hi nị.

Ijoovu 12:13

Ohomorihi ọ vị uruku ịrẹyọyẹ ọnịrị ụkata ana a sị mẹ̀ ẹ nị.

Ijoovu 12:16

Ọnị ọ nyị ụkata tụra ọza ene vene ọza ọnịrị ọza oni o vene ịrẹsụ nị.

Ijoovu 22:22

Ijoovu ọ wụ́ ịrẹyị ọnị Ohomorihi, dị ọ sị ọ tụ ịnị ayị anị.

Ijoovu 32:8

Ama a nyị ụhwẹ ịnị ẹngụ aza, ụhwẹ Ohomorihi Ochẹtẹẹngụ ana mẹ̀ ka ọza ọ nyị ịrẹyọyẹ yọ nị.

Ahẹ Ụgama 119:104

Ọda awụ ọ raà mẹ ka ma yẹ ịrẹyị, agụvị avọọ ebira odivi vị ana aa nyị mị ịhyẹrẹ.

Ahẹ Ụgama 119:34

Navọ wa sị ịrẹyọyẹ mị, dị ma sị ụvọ za ọda awụ dị maa sị avaba ayị amịị saasa a.

Ahẹ Ụgama 119:98

Ọda awụ vị ọnị mị sị tụ́ ịnị ayị pooro. Ẹ raà mẹ ka ma yẹ ịrẹyị huna ọnịvị amị nịnị.

Ahẹ Ụgama 19:7

Ọda Ẹnẹyịmavara ộ gụ ọ zụ sị ụkata ọza vị ọwọọwa Ọda Ẹnẹyịmavara ộ nị̄, ẹ yị nyị ireche ịnị anị.

Ahẹ Ụgama 19:8

Avaba ọda anị vị ana vọrọ, ọza ana sị eyi pe è, ẹ vaa jẹ Ọda Ẹnẹyịmavara ộ gụ, ọ zụ sị eyi ọza hweyi.

Ahẹ Ụgama 51:6

Wê sì ka ọza ọ̀ọ kà ịzẹyịza obooro Navọ kwogwo wa sị ịrẹyọyẹ tụ́ ịnị ayị amịị mị.

Ahẹ Ụgama 94:10

Ohomorihi ọọ̄ pa aza ene hi ịnị ẹhẹ nị, wéé ro ka ọ yị vaa sị ụyaa rị wa? Ọnị ọ rẹẹ̄ sị ịsaa zụ̀ aza anị, ọza óó zụ ro ka ọnị ọ yị yẹ ịrẹyị?

Ọyịkụra 31:3

Ma raà sị Ụhwẹ amịị yọ ẹtẹẹtẹrẹ ka ọ̀ yẹ eyi ụkọrọ dị ọ̀ rẹ yẹ ịrẹyị dị ọ̀ zụ mẹ avaba ụkọrọ ana nyị ụkẹkẹ.

Ụhịrẹyị 6:23

Ịrẹyị ọnị ẹ yaa sị zụ ọza vị ana sị eyi ọzaa hweyi tu ịrẹyị, dị ohuvọ ọnị ẹ tụ́ ezii mẹ ka ọza ọ yẹ tu ẹhẹ nị.

Ịrẹyị Ọzwọzịsa 2:26

Ọza ana ayị Ohomorihi oo hine tù ọọ̄ sị ịrẹyọyẹ ọnịrị ayohinee yị, dị ọ mẹ ka ọ̀ yẹ ịsa nị, ama ọza odivi vị ọnị Ohomorihii mẹ ka ọọ kụ oguu gụ, dị ọ̀ va hụrẹ wa ụvọ yị ọza ene zee ọnị eyi. Ọsọnị bẹẹ rẹ vị osusu, vị ọza aa dụ ahị kẹnẹ nị.

Ayịsaya 54:13

Ẹmị ụvọta vaa zụ̀ ezi ewu ịsa. Mị vaa mẹ ka ò ze yị wa ẹtẹẹtẹrẹ, dị mị sị ẹngwọọrọ yị wa.

Ayịsaya 8:20

Ọza ana àa kà ịrẹyị dị ọ̀ yị kà a anka ọda ọnịrị ịrẹyị Ohomorihi mẹ̀ kà a nị, ẹnịnị ẹ yị nyị ẹtohweyi.

Ịdanịyẹrị 1:17

Ohomorihi ộ mẹ̀ ka ezwọọmụha ẹẹna ẹnẹnị ẹ̀ yẹ ịrẹyị ẹtẹẹtẹrẹ, dị ẹ rẹ zụ kọsẹ ịsa irenyi-irenyi. Dị ọ rẹ sị ụkata yị Ịdanịyẹrị ka ọ̀ zụụ ka iruvo etore ọnịrị ụra nị.

Ịdanịyẹrị 2:21

Ọnị ọọ̄ jị ụmẹ ọnị avaba ịsa sịị mẹ ịnị ẹhẹ nị. Ọnị ọọ̄ sị ohinọyị nịnị rị nị. Ọnị o reē chi waa hụrị udi ẹnịnị nị. Ọnị ọọ̄ sị ịrẹyọyẹ yị aza ana yẹ ịrẹyị nị. Ọnị ọọ̄ mẹ̀ ka aza ana yẹ ịsa ẹ̀ yẹ ẹ nị.

Ịdanịyẹrị 2:23

Ịdanịyẹrị ka, “mâ kụ Ohomorihi ohiku amị nịnị avọ, dị mị rẹ sị ụgaa yọ nị, agụvị ka ọ raà sị ịrẹyọyẹ ọnịrị ụkata yị mị”. Ô tu ẹnị ohi ịrẹyị ọnị ẹnị họ̀ use anị, dị ọ kà a yị ẹnị ịsa ọnị ohinọyị ee sị ka ọnị ọ̀ yẹ nị.

Iruuku 21:15

Mị vaa sị ịrẹyị tụ́ wụ nịnị irenu, dị mị rẹ sị ịrẹyọyẹ wụ nịnị, ana ahịka ọnịvị awụ nịnị ẹ yị va zụụ jẹẹ pe wu nịnị, e yi re ve zuu yi ịrẹyị ọnị ụ wàa kà nịnị.

Ịjọọnụ 6:45

Ọnịsẹ nịnị ệ chẹrẹ ẹ tịtẹ ịyẹẹyẹ ka: ‘Ohomorihi ọ vaa zụ̀ avaba aza ịsa nị.’ Avaba ọza ana àa wụ́ ịrẹyị Ada amị, dị ẹ rẹ kọsẹ ị́dị anị nị, ẹ vaa ká mịị vẹ.

Ijemiisi 1:17

Avaba ẹyịza ene zoza ana gụ vanaā hụụ ịdị Ohomorihii vẹ. Ịdị Ada ayị ana mẹ ẹtohweyi hi ini ihinẹba ẹẹ̄ hụrẹẹ vẹ nị. Ohomorihi ọ mā vara, o mē re jesi dị ọ̀ navọ yị tụ́ ịnị ịrahụ.

Ijemiisi 1:5

Ama àa nyị ọza awụ nịnị ẹnẹ ẹ̀ yị nyị ịrẹyọyẹ, ọza ọnọọ ọ̀ da ịpẹ anị yị Ohomorihi. Ohomorihi vaa sị ịrẹyọyẹ yọ, agụvị ka ọnị ọọ̄ sị ayị ọnyaa sị ịsaa yị ọza, dị ọ́ yị rị uhuhu nị.