Ụhịrẹyị 2:19 - IWE ỌNỊNỊ

¹⁹ Ọza anaa nọ ịdị anị ẹ yị vaa há, ẹhẹ anị ọ yị vaa nọ orubo.

Ụhịrẹyị 2:19 ပူးပေါင်းရင်းမြစ်များ

Ahẹ Ụgama 16:11

Ụ vaa sịị zụ̀ mị oze ana vọrọ ka ma zị dị ma yàra Màa yà ịda awụ, ọnọọ vaa mẹ ka maa jẹ ịrajẹ dị ịnẹ amị òo hine pooro kẹnẹ nị.

Ahẹ Ụgama 81:12

Avọọ dị mị hụrẹ wa ụvọ ka ebira odivi ẹnị ẹ̀ẹ ka ẹnị aa mẹ, ẹ̀ẹ mẹ̀ ẹ nị.

Ụhịrẹyị 4:18

Ọnịrẹyịzẹyịza ọọ̄ ma hụrẹ ayịnẹ. Ẹhẹ anị ọ mā nyị ọjịrẹka.

Ụhịrẹyị 5:11

Ịjị ẹngwẹngụ anị ọ̀ọ vẹ, di u wee tii ịrẹsụ ode, dị ụ ta mẹ pẹpẹpẹ ee zii isu.

Ụhịrẹyị 5:6

Ọ sị ha hụrị oze ẹhẹ obooro, dị ọ kụkụ e vu na kẹnẹ nị, ọ yị yẹ ịsa aa mẹ̀.

Ụhịrẹyị 6:32

Ọnọrụ ana aa sị ose ọza ọ yị yẹ ịrẹyị. Ẹngụ anị kẹnẹ aa va nẹtẹ nị.

Ịrẹyị Ọzwọzịsa 7:26

Ọ kà ọnị ọ sị yẹ ka ọnyẹnẹẹ anaā sẹ̀ ịrẹka o divi huni iswọọza nị. Ọ̀ọ ka ọnị oo sì ịrẹyị awụ, ịrẹpa aa vàa zi wụ nị. Ọ̀ọ ha ụvọ kara awụ, vị aa sịị mẹẹ anka aa sị ẹba sụ ọza avọọ nị. Aza anaā mẹ ịsị ọnị Ohomorihi sị kẹnẹ ẹ zụ ha hụrẹ ẹ ụvọ nị, ama ịrẹpa anị vị ana vaa za aza anaā mẹ̀ ebira odivi.

Ijeremaya 13:23

Anetiyopiya nịnị ẹ́ẹ́ zụ vara ụpẹngụ ẹnịnị àvị ẹzụ ọ zụ vara achẹrẹ anị nị? Ẹnịnị ẹẹ zụ vara a, ẹẹhẹ, ẹwụ nịnị ana ahịka udivi kẹnẹ ụụ mẹ nịnị aanị nị, ẹwụ nịnị rẹ va zụụ kọsẹ ọyịza ọyị mẹ kẹ.

Ihoseya 4:14

Ẹnẹyịmavara kà ọnị ẹ yị vaa sị̀ ụya rị wa agụvị ka anọrụ ẹnịnị vị anaa na irehi ori ne pe ọsẹrẹka sụ̀. Anka ụhịrẹyị mẹẹ kà a, “aza ẹnẹ ẹ yị yẹ ịrẹyị vị ene ee vu.”

Anihiburu 6:18

Ịrẹyị ẹẹva ẹnẹẹ ẹ mā vara. Ohomorihi oyi re zụ cheeche ịnị anị. Agụvị avọọ, ẹyị ene zwe na tẹ̀ ịdị anị, yaa nyị ọtụtụrụma ẹtẹẹtẹrẹ ka ya sị ụvọ za oni Ohomorihi raà sị tụ́ ọvịdị ayị geri-geri. Ịsa ọnọọ ị sị eyi tụ́ ịnị anị nị.