10 Ụ vaa yẹ ịrẹyị, dị ayị awụ e hine.
Ịsa ọnị Ohomorihi ka ọnị saasa a ụmẹ tụra ụmẹ nị. Ọnị sị ụvọ za ẹtẹẹrẹ nị.
Maa jẹ ịrajẹ agụvị ịsa ẹnị Ẹnẹyịmavara mẹ, navọ ahịka ịrẹyị ene zee wu eyi m mee ro ịnị ayị amị nị.
Ịrẹyị ọnị ụụ̄ kà ô hine mị ẹtẹẹtẹrẹ, ộ hyakụ hine mi huna ẹhụ.
Ọda awụ ẹ vị ogu amị pooro nị, ẹnị aa sị ayị amii hine nị.
Ịsa ọnị ụ ka ụ vaa mẹ vị ana aa sị ayị amii hine. Maa jẹ anka ọza ene ne hèé ogu ọbanyị avọọ nị.
Ẹnẹyịmavara, mâ dà sì ịrẹyị ọda awụ kẹnẹ. Mmiī roo nọ ịnị anị pooro nị.
Ọkarẹyị Ẹnẹyịmavara ô zoza huna igooru A yi nyị igooru ịnị ẹhẹ eni e zụ si juwe anị. Avọọ ọ mẹ̀ re hine hu ẹhụ nị, ẹhụ ene ee sì ini ụpaha.
Ọnị ọọ̄ si eyi obeduu hweyi nị, dị ọ mẹ̀ ka ezweyi ẹ yẹ ịsa, dị ẹ yẹ ịrẹyị.
Ọza ana yẹ ịrẹyị vị eneē ro ịrẹyị ama ọnụra ẹ yị nyị ịrẹyọyẹ.
Ayị awụ vee hine, wàa tamayị ịrẹyị ẹnẹẹ, dị wa sị jị ịrẹyị ahụ yị ọza nị.
Ọ kà asị mị ne ịrẹyọyẹ ta agụvị vị o sere mị. Màa sị ụvọ za a ọ̀ vaa dọ mị tụ.
Ọ kà, ọnị ộ wụ avaba ịrẹyị ẹnẹ Ẹnẹyịmavara kà yị ọnị. Ẹnẹyịmavara Ohomorihi Ochẹtẹẹngụ, awụ ọnị vị nọ, agụvị avọọ, ịrẹyị awụ ọ mẹ ka ayị anị oo hine dị ọnị ọọ jẹ ịrajẹ nị.
Navọ ịrẹyị Ikirisiti ọ̀ yà ịnị ayị awụ nịnị ẹtẹẹtẹrẹ. Waa jị ahẹ ụga irenyi-irenyi nịnị. Waa jị ahẹ kụ́ Ohomorihi avọ nịnị.
