Ụhịrẹyị 19:23 - IWE ỌNỊNỊ

²³ Ọza ene hí angwa Ẹnẹyịmavara vee ku orubo dị ọ mẹ ẹhẹ anị ịnị ẹngwọọrọ.

Ụhịrẹyị 19:23 ပူးပေါင်းရင်းမြစ်များ

Ahẹ Ụgama 103:17

Ama Ẹnẹyịmavara vi eneē sì ịrẹyị aza eneē hí angwa anị pooro zịna-zịna. Ịsa ana vọrọ ọọ̄ mẹ yị ezi ẹnịnị ịrẹma-ịrẹma nị.

Ahẹ Ụgama 19:9

Waa sị ụbanyị yị Ẹnẹyịmavara, ịsị e zoza ọ vị ọnọọ nị. Ụbanyị Ẹnẹyịmavara eni e zụ zizi ọ ịnị ẹhẹ kẹ!

Ahẹ Ụgama 25:13

Ẹngụ aza ẹnẹẹ e yi vee re osiye pooro Ohomorihi vaa sị ẹtẹ ọnị ọ kà yị ezi anị nị.

Ahẹ Ụgama 85:9

Mâ yẹ kaakara ka Ohomorihi vaa dọ aza ene hí angwa anịị tụ́, dị ẹ̀ yẹ ịnị ẹtẹ ayị ka Ohomorihi yà pè ẹnị.

Ahẹ Ụgama 90:14

Navọ ẹnẹnẹ-ẹnẹnẹ yee re ka wê sì ịrẹyị ayị ịnị ịzẹyịza, dị ọnọọ ọ̀ há ọnọọ ọ̀ há yị ịnẹ. Ọnọọ vaa mẹ ka ayị ayị òo hine, dị yaa jị ahẹ pooro ịnị ẹhẹ ayị.

Ahẹ Ụgama 91:10

agụvị avọọ ẹ yị nyị ịsa odivi ene vee tù wụ, mị ka ẹ yị nyị ịrẹyị odivi ana vaa gụrị ịzị ụ yà.

Ahẹ Ụgama 91:16

Ọ rẹ ka ọnị vaa sị ụhwẹ ọgọdọọ yị wa, dị ọnị dọ wa tụ́.

Ụhịrẹyị 10:27

Ọza ene hí angwa Ẹnẹyịmavara vị ene ku orubo ama ẹhẹ aza ọhịmị vị ana vaa da ẹjịjị.

Ụhịrẹyị 11:19

Ọnịzẹyịza vị anaa mẹ̀ ẹhẹ ozoza ama ọza ọhịmị o mē ku orubo.

Ụhịrẹyị 12:21

Ọza ọyịza e mē re odivi ama ọza ọhịmị vị anaā vị ọnịrị ẹngụkata ọrụrụ-ọrụrụ.

Ụhịrẹyị 19:22

Ịsị aza è sị ịnị ụvọ ọza ọ vị ka à zụ sị ayị tụra wụ nị. Ọza anaa rị ụya ọọ̄ dahi huni onireche nị.

Ụhịrẹyị 22:4

Ọza ene hí angwa Ẹnẹyịmavara dị ọ ka ẹngụ chi, ọọ̄ ka hịrẹ, dị ọ mẹ ka o zee yọ, di oku orubo.

Ụhịrẹyị 3:24

Wàa yaayịtẹ angwa e yi vee hi wụ; wàa hụtẹtẹ ara ọyịza-ọyịza ụ vaa sụ̀ nị.

Ịmarakayị 4:2

Ama ẹwụ nịnị ana dọ ịrẹyị amị wụ, mị va sị ụkata ọnị mịī sịị dọ ọza ha sị wụ nịnị kwẹẹtẹ, dị mị mẹ ụkụ awụ nịnị anka ọyị mẹ ha dị ọ mẹ ọza ụkụ avọọ. Ụ vaa jẹ ịrajẹ di u ku iriga anka ozi imaaru ana jịnẹ hụụnị ịga avọọ.

Imatiwu 5:6

Aza ene enyi aa kụ̀, dị ụngwẹ aa kụ̀ ka ẹnị ẹ̀ zụ mẹ ịzẹyịza vaa daa jẹ, agụvị ka Ohomorihi vaa vayị ẹnịnị.

Odeyi 9:31

Dị avaba anịragụ Ohomorihi ene hi Ijudiya ọnịrị Igariri ne beri Ịsamarịya nyị ẹngwọọrọ yị ụmẹ chee nị. Ẹnịnị aa vịra, ệ nyị angwahi Ohomorihi, Ụhwẹ Ọnịnị aa mẹ ọgụvọọ yị wa, dị ẹyaa rụrụụ hu avọọ nị.

Aniroomi 8:28

Yâ yẹ ka avaba ịsa ana àa mẹ, vị oni Ohomorihiī mẹ ka ọ̀ vị ọyịza yị aza ene sì ịrẹyị anị; ọnọọ vị ka aza ọnị ọ sị hị́, anka ọ mẹ̀ mẹ eto anị.

1 Itimoti 4:8

Ọza èee tenyi ọchẹngụ anị, ọ́ọ nyị ọgụ chee. Ama ọza èee tenyi ebira ini oze ene zé Ohomorihi eyi, ọ́ọ nyị ọgụ ini oze tụra oze; agụvị ka ọ vaa mẹ ka ọza ọnọọ ọ̀ ra ẹhẹ obooro ịnị ẹhẹ ọnọnị ọnịrị ịnị ẹhẹ ana aa vẹ.

2 Itimoti 4:18

Ananyị yị rẹ vaa dọ mịị hụrẹ ụvọ avaba ịsa odivi, dị ọ sị mị hẹẹ na ngụ ịzị ọ yà aa mẹ ịjọva ẹ́bẹẹba. Ọnị ọ nyị ụbanyị pooro zịna-zịna nị. Aamị.