Ụhịrẹyị 19:21 - IWE ỌNỊNỊ

²¹ Aza ẹ zụ mẹ aro ọrụrụ-ọrụrụ tụ ịnị ayị ama ịsị Ẹnẹyịmavara oo si ọọ̄ vaa mẹ nị.

Ụhịrẹyị 19:21 ပူးပေါင်းရင်းမြစ်များ

Oyinyima 50:20

Dị ọ rẹ ka ẹnịnị vi ene ro ka ọnị ẹ̀ mẹ̀ ọnị ịrẹyị ọhịmị nịnị, ama Ohomorihi ọ sị ọ vara ọyịza. Ọnị ọ mẹ ka aza ọrụrụ-ọrụrụ ẹ zụ ha aanị nị;

2 Ịsamụwẹrị 17:14

Ịjị Abịsarọmị ọnịrị avaba Anisirẹrị maanị wụ́, dị ẹ ka iwọjị Ihusayi ana vị Anaakị ọ gẹ hụụnị iwọjị Ahitohwẹrị nị. Ẹnẹyịmavara ọ vavọọ mẹ ka asị a dọ iwọjị Ahitohwẹrị ene zoza aanị, agụvị ka ee sì ka ịrẹyị odivi ò tù Abịsarọmị.

Ẹsịta 9:25

Ama ịjị Ẹsịta va ha ohinọyị eyi tu ebira odivi Ịhamanị, dị ohinọyị mẹ̀ ọda ana a chẹrẹ ka ịsị odivi oni o ro tụra Aniju ọ̀ vẹ ịrẹsụ anị nị. Di e zu Ịhamanị ọnịrị ezi anị gẹ ọchị nị.

Ijoovu 23:13

Ama Ohomorihi ọ mā vara. Ẹnẹ zụ za a ka asị ọ mẹ ene zee eyi?

Ahẹ Ụgama 21:11

Ẹnịnị vaa gẹ eyi, di e yee sì oze ka ẹnị ẹ̀ mẹ wụ́ ịrẹyị odivi ama ẹnịnị ẹ yị va zụụ mẹ̀ ẹ.

Ahẹ Ụgama 83:4

Ẹ ka à vẹ dị ẹnị ẹ̀ wụ̀ wa va ha, di asị a kụkụ tamayị ka Anisirẹrị ẹnị rẹ yà ịnị anẹkụra ene hi ẹhẹ.

Ụhịrẹyị 12:2

Ayị Ẹnẹyịmavara hine tu ọza ọyịza ama ọza ọhịmị ene ro ịrẹyị odivi vị ọnị ọ sị ụya rị.

Ụhịrẹyị 16:1

Ọyịkà vị ọza, ama ọyịmẹ̀ vị Ẹnẹyịmavara.

Ụhịrẹyị 16:9

Ọyịkà vị ọza, ọyịmẹ̀ vị Ẹnẹyịmavara.

Ụhịrẹyị 19:22

Ịsị aza è sị ịnị ụvọ ọza ọ vị ka à zụ sị ayị tụra wụ nị. Ọza anaa rị ụya ọọ̄ dahi huni onireche nị.

Ụhịrẹyị 21:1

Ayị ohinọyị sị mẹ anka okuha ịnị ụvọ Ẹnẹyịmavara avọọ nị. Ịzị o zee eyi kẹnẹ ọ vaa ịrẹsụ ka nị.

Ụhịrẹyị 21:30

Ẹ nyị ịsị ịrẹyọyẹ ọnịrị eyohweyi ọza vị ọvịdị Ẹnẹyịmavara.

Ịrẹyị Ọzwọzịsa 7:29

Ọ kà ọnị ọ sị yẹ ka Ohomorihi vị ana sị ebira obooro tụ aza vẹ ẹhẹ ama dị ẹ ha tụ oze ẹnịnị.

Ayịsaya 14:24

Ẹnẹyịmavara ọ sị ọ ka, ọ si eku hí tụ́ ọ ka ẹ yị nyị ịsị aa vara ka ẹ yị vị ọnị mẹ̀ kà a â yà. Ọ kà ọnị mẹ̀ kà a gẹdẹ-gẹdẹ ọnị vaa mẹ̀ ẹ nị.

Ayịsaya 46:10

Hụrẹ oyinyima mịị̄ kà a ịsẹ ẹ vaa mẹ nị. Hụrẹ ụmọrụmọ mị kà a ịsị ẹ vaa mẹ nị. Mị ka, ịsị mị ka ọ vaa mẹ, vaa mẹ. Mị vaa mẹ ịsị mi sì ka maa mẹ̀.

Ijeremaya 44:29

Ẹnẹyịmavara kà ọnị vaa sị zụ̀ wụ nịnị ka ọnị vaa sị ụyaa rị wụ nịnị ịzị ẹnị; ọnịrị ka, ọnị mẹ kà a ka ọnị vee vu wu nịnị ẹtẹ avọọ, avọọ ọ́ mẹ vaa vị ịzẹyịza nị.

Ezikẹẹrị 20:32

Wa sị ẹngụ tenyi nịnị ka ẹwụrị anẹkụra ana vọ ẹ̀ vị ọnyọọnya dị waa vàa ku ẹtẹ yị ọchị ọnịrị ịrẹta nịnị. Ama ẹ́ yị vaa vị wụ nịnị mẹ.

Ịdanịyẹrị 4:35

Inebukadineza ka, ẹ yị nyị ịsị avaba anẹhẹ vị̀ eyi Ohomorihi. Anggẹẹrị ene hi ẹbẹẹba ọnịrị avaba anẹhẹ vị ene hi ịnị ụvọ anị. Ọnị ọ vị ọmẹrẹyị ọnị ọza ẹ yị ma họ̀ ka sị ẹ vẹ nị. Ẹ̀nẹẹ nọ ọ ịrẹvụ?

Anẹhwẹsọsị 1:11

Avaba ịsa vị ana vaa mẹ anka Ohomorihi mẹ̀ mẹ eto anị tịtẹ. Agụvị Ijeesu, Ohomorihi ọ sị yị nyị ka ya vị aza anị, agụvị ka avọọ o mè sì ọ nị. Ộ vịdị mẹ eto anị tịtẹ ka

1Ipita 2:8

Ịrẹta ọnị ọzaā tụ́ ahụ ịnị anị dị ọ hyẹdụ ọ vị nị. Ệ vavọọ hyẹdụ, agụvị ka ẹnịnị ẹ́ yị dọ ịrẹyị Ohomorihi wụ. Avọọ Óhomorihi mẹ̀ vịdị mẹ eto anị tịtẹ nị.

Ijudi 1:4

Agụvị ka aza ẹnyị ẹnẹ ẹ̀ yị yẹ Ohomorihi ệ tangwa sị ngụ ịnị akakana ịragụ awụ nịnị. Aza ẹnẹnị ẹ́ raà vara ayamva Ohomorihi tụ́ ịnị ịsị e sị eyi ka, dị ẹyaa mẹ ịsị e ze wa eyi nị. Ẹnịnị ê yi Ijeesu Ikirisiti tịtẹ, ana ahịka ọyịnyara ọ vị ọga ayị, dị ọ vị Ananyị yị nị. Á sị ọ chẹrẹ tịtẹ hụrị ụmọrụmọ ka ọza ana àa maanị mẹ, vị́ Ohomorihi vaa jị ịvịị yọ nị.