Ụhịrẹyị 19:14 - IWE ỌNỊNỊ

¹⁴ Ada ọza ò zụ da irehi, dị ọ mẹ ogu yị ọ ama Ẹnẹyịmavara kẹnẹ ọ zụ sị ọnẹẹ obooro yị ọza nị.

Ụhịrẹyị 19:14 ပူးပေါင်းရင်းမြစ်များ

Oyinyima 24:44

Dị ọnị ka Ọ̀ọ kà a ka oni ò hú, dị ọ rẹ ka ọnị aa ká enyi yị ịnyaakụmị anị nị, dị ọnị yẹ ka ọnị Ẹnẹyịmavara sì ka ò nyị na yị ozi ọga anị nị.

Oyinyima 24:7

Abụrahamị rẹ ka Ẹnẹyịmavara Ohomorihi ana mẹ ẹbẹẹba ọnị ọ sị ọnị hụụ ịda ada anị ọnịrị hụụnị ẹtẹ ịzị a yà ma ọnị nị. Ọ kà ọnị ọ hị́ eku dị ọ kà a yị ọnị ka ozi anị ịrẹma-ịrẹma ọnị vaa sị ẹtẹ ọnọnịị yị nị. Abụrahamị Ọ vaa tụ́ anggẹẹrị anịị saasa a, dị ọ̀ na nyị ọnẹẹ hụụ ịzọọ va yị ozi anị.

Ụhịrẹyị 13:22

Ọza ọyịza vị ana a navọ ogu tịtẹ yị ezi ọnịrị ẹmazị anị. Ama ogu ọza ọhịmị ọnịzẹyịza vaa sị mẹ ẹhẹ nị.

Ụhịrẹyị 18:22

Ọza ọ jịrị ọnẹẹ nyị ọ́ sị ịsị ozoza hee. Ẹnẹyịmavara ọ da sì ịrẹyị anị kẹnẹ.

Ụhịrẹyị 3:6

Tamayị Ẹnẹyịmavara ịnị ịsa tụra ịsa ọnị waa mẹ̀, ọ vaa sị oze zụ wụ.

2 Anịkọrịntị 12:14

Ụpẹ ọhụta oni mee vee hee wu nịnị yị. Mẹ yị yị vaa vị ẹnyaa tụra wụ nịnị. Ẹwụ nịnị ụvọta mi sì nị, ẹ yị vị ịsa awụ nịnị. Àa ka à na kà, ozi ọ mā tẹ aza ana ma ụkadara, aza ana ma ozi ẹẹ̄ tẹ ozi ụkadara nị.

Iwe Ọhụhị Imosiisi ana aa hị́ Ọyịvatụrọda 21:16

Ịhị àa gà ogu anị, a sị ọ sị ịsa ana a vọrọ ka ọ̀ sị yị ozi ana vị ọzọkụ yị ana vị ozweyi, agụvị ka ọnyị anị o sì ịrẹyị anị hu nị.

Ijemiisi 1:17

Avaba ẹyịza ene zoza ana gụ vanaā hụụ ịdị Ohomorihii vẹ. Ịdị Ada ayị ana mẹ ẹtohweyi hi ini ihinẹba ẹẹ̄ hụrẹẹ vẹ nị. Ohomorihi ọ mā vara, o mē re jesi dị ọ̀ navọ yị tụ́ ịnị ịrahụ.

Ijosuwa 11:23

Ijosuwa ộ dọ avaba ẹtẹ anka Ẹnẹyịmavara mẹ ọda yị Imosiisi. Dị Ijosuwa sị ẹtẹ ọnọọ yị Anisirẹrị ka ọ vị ẹẹnịnị nị. Dị ọ ga yị wa ịrẹsụ. Agụvị avọọ ẹnịnị tụ́ ụhwọ́ hụụnị ịrẹkụ ọyị kụ nị.

1 Ịsamụwẹrị 25:3

Ịrẹha ọnọrụ ọnọọ ọ rị Ịnabarị nị. Di ose anị ọnị rị Abigẹrị nị. Abigẹrị oni ô zoza, avọọ ọ mẹ̀ rẹ yẹ ịrẹyị nị. Ama ọva anị ana vi Anịkarẹbị ọnị vị ọza kẹnẹ-kẹnẹ, dị ọ rẹ vị ọnọyịha nị.