Ụhịrẹyị 19:12 - IWE ỌNỊNỊ

¹² Ọyịkụ ohinọyị vị eneē chire ẹtẹ angwa, ama ebira ọyịza anị vị anaa sị ẹtẹ rọ̀.

Ụhịrẹyị 19:12 ပူးပေါင်းရင်းမြစ်များ

Oyinyima 27:28

Ohomorihi vee chire eguhii hi aarẹ awụ, dị ọ mẹ̀ ka ịsa ịnị aarẹ awụ ọnịrị eche awụ ò zoza ẹtẹẹtẹrẹ.

2 Ịsamụwẹrị 23:4

Irima ẹngụ aza ẹnẹẹ, vị ana sị mẹẹ ẹtohweyi ẹnịnị. Ẹnịnị vị ana sị mẹẹ ọ́yị ana yaa tụ̀ụ vẹ. Ọyị ẹnẹnẹ ẹnẹ ẹ̀ yị nyị eguhi ana dà kú ọ. Aa zẹtẹ ini orihi ana yaā zụ̀ hi avị eteesu.

Ẹsịta 1:12

Ịjị ezi ahụ ohinọyị na kà ụtụ yị Ivasiti, dị ọ ka ọnị ọ yị nọ nị. Ebira ọnị ọ mẹ aanị vị ana nyayịnẹ du ohinọyị ayị ẹnẹmẹhị.

Ẹsịta 7:8

Ohinọyị mẹ̀ và hụụnị ụbazị na ngụ ịzị ẹ yà ee hu eche, di o ve tù ka Ịhamanị ọ tana tụra aha ọyị yaatụ Ẹsịta nị. Dị ohinọyị ka, “oo! eyi amị ụ wa ngụ tù ose mi ịnị eehi amị bẹẹ nị!” Di ohinọyị wụsẹ mẹ̀ ọkarẹyị yọ, dị a wụsẹ sị ịsa ku Ịhamanị eyi nị.

Ahẹ Ụgama 133:3

Vị ọ rẹ sị mẹẹ ka vi eguhi eneē chire hi ịrẹsụ ataba Ihamọnị avọọ ee chire hi ịrẹsụ ataba nị. Ịzọọ Ẹnẹyịmavara yà kà a ka ọnị vaa mẹ ka à ka ọnị vaa mẹ ka ò zee yị aza anị. Ize ọnọọ ọ vị ka ẹnịnị vaa yàra pooro zịna-zịna.

Ahẹ Ụgama 72:6

Ohomorihi ọ̀ navọ ohinọyị ọ̀ va sị ẹngụ aza hunẹnẹ anka orihi mẹ̀ẹ zụ̀ dọ ọ sị ẹtẹ hunẹnẹ avọọ.

Ụhịrẹyị 20:2

Hi angwa ohinọyị ana a kụ ayị anka ọza meē hí angwa idu avọọ, ọza ene e du ohinọyị ayị vi ene si ẹngụ anị usu.

Ụhịrẹyị 28:15

Ọdọvịdị odivi vị eneē chire onosiye nịnị angwa anka idu à vị ọdụmị anaa tụra ka uye naa avọọ.

Ịrẹyị Ọzwọzịsa 8:4

Ohinọyị ọọ nyị ụkata ọnị ọ sịị mẹ ọda. Ẹnẹ zụ họ̀ ọ ka sị ẹ vẹ dị ọ maanị mẹ?

Ayịsaya 18:4

Ẹnẹyịmavara ộ kà a mị ka aanị ọnị màa jịị jẹẹ hẹẹ ịzị ọnị yà, dị ọnị ee re anka eguhi mẹ̀ tangwa chire ịrahụ ịnị ụmẹ ọyị ama aa ha àa mẹ̀ ịsa ịnị aarẹ avọọ nị. Ọ kà dị ọnị vavọọ ee yii re ẹtẹ hẹẹ anka ọyị mẹ tangwaa ha ụmẹ ọọdụ avọọ.

Ịdanịyẹrị 5:19

Ộ nyị ụbanyị pooro ne tu ka avaba anịrẹsụ ẹtẹ vị enee hí angwa anị. Ọza enee ze e eyi ọ zụ wụ ọ, ọza ọnị ọ̀ọ ka ọ̀ọ mẹ ẹhẹ dị a mẹ ẹhẹ. Ọza enee ze e eyi, dị ọ kà udi anị hịrẹ, ẹ̀ yị vị avọọ dị ọ mẹ̀ ụhị nyị ọ.

Ịdanịyẹrị 6:24

Dị ohinọyị ọnọnị mẹ ọda ka à na zá avaba aza ana sị ịrẹyị Ịdanịyẹrị va tụ ịrẹka nị. Ịzẹyịza dị a na zá wa nị. Dị a kụ wa beri ezi ẹnịnị ọnịrị ose ẹnịnị, dị e ne wa và hí ịnị ụsị ana kụ idu nịnị hi nị. Dị a naa nyị ka ê tu ẹtẹ idu za wa, dị ẹ nà wa rị chẹ́kẹ̀-chẹ́kẹ̀ nị. Ẹchụkụ ẹnịnị ikonyara ẹ yị hyakụ vẹtẹ.

Ihoseya 14:5

Ọnị vaa ya yị Anisirẹrị nịnị anka orihi ini ẹtẹ ọyịwụ avọọ nị. Ẹnịnị vaa ha anka ododo, di e hi ẹpa anka ọchị ini iruku Ịrẹbanọnị avọọ nị.

Imika 5:7

Anisirẹrị ana vọ vi ene vee hi ịnị anẹkụra ọrụrụ. Ẹnịnị vaa sị ẹngụ azaa hunẹnẹ anka eguhi ọnịrị orihi. Ẹngụ enyi ẹnẹẹ Ẹnẹyịmavara sịị sị ẹngụ avịị hunẹnẹ nị. Ohomorihi ọ ka ẹ̀ vavọọ yà nị, ẹ yị vị ọza.

Iwe Ọhụhị Imosiisi ana aa hị́ Ọyịvatụrọda 33:28

Avọọ Anisirẹrị nịnị ra ịnị ẹngwọọrọ, dị akụ ọnịrị eche ẹnịnị nyayịnẹ mẹ̀ yị wa nị. Avọọ ihinẹba mẹ̀ zụ orihi yị wa nị.