Ụhịrẹyị 19:11 - IWE ỌNỊNỊ

¹¹ Ịrẹyọyẹ vị anaa sị ayị ọzaa nẹtẹ, ọza anaa sị eyi hụụnị ịrẹyị aā sị ụbanyị yị nị.

Ụhịrẹyị 19:11 ပူးပေါင်းရင်းမြစ်များ

2 Ohinọyị 5:12

Ịrẹma ọnọọ, ọ ka, aanị ka, ẹ yị vị okuha ene hi Ịdamasịkọsị ana aā hị́ Abana ọnịrị Ịhwapa e zoza huni okuha ẹnyẹẹnyị ẹtẹ Isirẹrị? Á vị ọnị ẹ̀ yị yaanị zụ hụ enyi ịnị ẹnịnị, dị ẹngụ anị ọ̀ taa?

Ụhịrẹyị 11:13

Onireche vị ana a kụ ọza uruvo hi ẹhẹ, ama ọza ana wụra chi ayị za vị ana a sị̀ ịrẹyị tẹ.

Ụhịrẹyị 12:16

Ọnụra vị ana hụra kụ ayị ịrẹyị ama ọza ana yẹ ịrẹyị ọ mā wụ ụhụ.

Ụhịrẹyị 14:29

Ọza ana yẹ ịrẹyị ọ yị mā hụra ku ayị ama ọnọyịkụ vị ana a sị ututu anị zụ̀.

Ụhịrẹyị 15:18

Ọnọyịkụ vị anaā kụ́ ahankata hi ẹtẹ ama ọza ọnị ayị anị nẹtẹ oo ji ịrazị nị.

Ụhịrẹyị 16:32

Ọza ọnị ayị anị nẹtẹ o huna ọza ana nyị ụkata nị; ọza ana zụ sị ụvọ za ẹngụ anị o huni ọza ana nyị avaba ẹkụra nị.

Ụhịrẹyị 17:14

Ịraazị óo nyima, vị ọ sị mẹ anka ọza òo rere à há akata yị enyi avọọ nị, agụvị avọọ, và hụụnị ịrẹyị dị ọ va sụ ịraazị.

Ụhịrẹyị 20:22

Asị ụ kà a ka wee si atọ odivi ọnị ọza mẹ wụ, sị chire Ẹnẹyịmavara ụvọ, o vee si atọ yị wụ.

Ụhịrẹyị 20:3

Ọza enee zwe yị ịrẹyị vị ana sị ụbanyị yị ẹngụ anị, ama ọnụra kẹnẹ o si ka ọnịrị ọza ẹ zyaazị nị.

Ụhịrẹyị 25:21

Ụngwẹ àa kụ ọnịvị awụ, dị ịsa yọ vị ọ rị ọ, onyi àa kụ ọ, ka enyi yọ dị o hu ọ.

Ụhịrẹyị 29:11

Ọnụra vị anaā sịị ọyịkụ anị tụra eyi ama ọnịrẹyọyẹ vị anaā vayị nẹtẹ.

Anẹhwẹsọsị 4:32

Ama waa ngụ ayị ẹngụ nịnị, dị ụ waa vayị ẹngụ nịnị, dị ụ wa rẹẹ vagu ẹngụ nịnị, anka Ohomorihi mẹ̀ hụ agụvị Ikirisiti dị ọ vagu wu nịnị.

Ijemiisi 1:19

Ẹwụ nịnị ẹyịnyara amị oni mi sì, tamayị ọsọnị nịnị: Ọzọza ọ̀ọ wụ́ ịrẹyị, ama asị ụ zẹẹ ka ịrẹyị òo juntuu hụrẹ wụ nịnị irenu. Asị u re juntu kụ́ ayị nịnị.