Ụhịrẹyị 18:22 - IWE ỌNỊNỊ

²² Ọza ọ jịrị ọnẹẹ nyị ọ́ sị ịsị ozoza hee. Ẹnẹyịmavara ọ da sì ịrẹyị anị kẹnẹ.

Ụhịrẹyị 18:22 ပူးပေါင်းရင်းမြစ်များ

Oyinyima 2:18

Di Ẹnẹyịmavara Ohomorihi va ka, “O yi zoza ka ọnọrụ ọnọọ ọ̀ vị ọnịnya. Maa mẹ ọnọgụvọ ọnya ene reri ọ yọ.”

Oyinyima 24:67

Dị Ayiziiki sị Irebeka nọ ịnị ajẹngụ Isera ọnyị anị, dị ọ sị ọ mẹ ose anị nị. Ayiziiki ô sì ịrẹyị anị. O yi kuku sụ ùnè agụvị ọnyị anị ene sú.

Oyinyima 29:28

Di Ijekọvụ ka ooho nị. Ịjị a sị eche Iriya rị mẹ ọsẹ ọnya, di Ịrabanị sị Irechẹrị ozi anị ọsa yị Ijekọvụ dị ọ nyị ọ nị.

Ụhịrẹyị 12:4

Ọnẹẹ obooro ọ vị okurẹsụ ọva anị nị ama ọnẹẹ ana mẹ̀ ụhị nyị ọva anị sị mẹ anka ịtahụ ọ̀ọ tụra ọza avọọ nị.

Ụhịrẹyị 19:14

Ada ọza ò zụ da irehi, dị ọ mẹ ogu yị ọ ama Ẹnẹyịmavara kẹnẹ ọ zụ sị ọnẹẹ obooro yị ọza nị.

Ụhịrẹyị 3:4

Wàa vavọọ aa mẹ, ayị Ohomorihi ọnịrị aza vee hine tu wu, dị ụ nyị ụbanyị.

Ụhịrẹyị 8:35

Ộ ka aza ana nyị ịrẹyọyẹ ẹẹ̄ mẹ ẹhẹ obooro nị. Ayị Ẹnẹyịmavara vee hine tu wa.

Ịrẹyị Ọzwọzịsa 9:9

Ọpa ụmẹ ọnị Ohomorihi ọ̀ọ sị yị wụ ka wa mẹ ịnị ẹhẹ osusu ọnọnị, ẹwụrị ose wu ọnị u sì ịrẹyị anị ọọ mẹ ẹhẹ dị wa mẹrị ẹngụ nịnị, ka ọnị Ohomorihi gà tu wu ịnị ẹhẹ ọnịrị ịnị ụkọrọ ọnị waa mẹ ọ vị ọnọọ nị.

Ihoseya 12:12

Ijekọvụ ô zwe na ngụ ẹtẹ Aramị ịzị ộ mẹ̀ ụkọrọ ana a sị sị ọnẹẹ ga a, ọnẹẹ o sere atẹmẹ yị ọza nị.

1 Anịkọrịntị 7:2

Ama agụvị ịrẹkọyịsẹ, ọzọza ọ̀ nyị ọnẹẹ anị, dị ọnẹẹ ọzọza ọ̀ va ọnọrụ anị.

Iruutu 4:10

Ẹma kụkụ nyị Iruutu ana vị Animowabi ana vịdị vị ose Imahironi nị. Ose emi ọ kụkụ vị nị. Ozi ọnị ọ̀ọ na ma ọnị ọ vaa sịị hị́ ịrẹha ada anị ene sú nị. Ọsọnị ọ vaa mẹ ka asị anda ẹnịnị ọnịrị anẹkụra amị hi ayị ada anị ịzị ọvịdị ra nị. Ẹwụ nịnị ọ vị onivenu amị ajịnị nị o!”