Ụhịrẹyị 18:21 - IWE ỌNỊNỊ

²¹ Ịrẹyị irenu ọza ọ nyị ụkata ọyị mẹ ka ọza ọ yara, dị ọ rẹ zụ wụ̀ ọza nị. Agụvị avọọ wàa ka irenu awụ ọ ma tịtẹ, ịsị ẹ̀ẹ jịnẹ vẹ ịnị anị dị ụ sị ẹngụ dọ.

Ụhịrẹyị 18:21 ပူးပေါင်းရင်းမြစ်များ

Ahẹ Ụgama 12:5

Ama Ẹnẹyịmavara vaa hụ agụvị ọkụmị ọnịrị aza anaaa mẹ ẹchakaa yị, dị ọnị kwẹẹtẹ. Ọ kà ọnị vaa kwẹẹtẹ agụvị aza ene ee nowu ka à ba ẹnị owu ọnịrị agụvị oniruwa nịnị Ọ kà ọnị vaa dọ wa hụụnị ụvọ aza ana aa chamayịị yị wa.

Ụhịrẹyị 10:31

Ọza ọyịza vị anaa kà ịrẹyọyẹ ama irenu anaa kà ọhịmị vị ene vee vú ẹtẹ.

Ụhịrẹyị 11:30

Ọnịrẹyịzẹyịza sị mẹ anka ọchị anaa tụ́ ẹtụtụ anị avọọ nị. Ọza ọhịmị vị anaa wụ̀ ọza.

Ụhịrẹyị 12:13

Ịrẹyị irenu aza ọhịmị ọọ va ịrẹpa zi wa nị, ọnịzẹyịza vị ana a ha hụụnị akanya.

Ụhịrẹyị 21:23

Wàa sị irenu awụ kwoku, wẹ yị vaa ngụ ịrẹyị.

Ayịsaya 3:10

Kà a ka vi o vee zee yi ọza ana aa mẹ̀ ebira ana vọrọ nị, agụvị ka ẹ vaa rị ọgụ ebira ẹnẹ ẹ̀ẹ mẹ.

Ayịsaya 57:19

Mâ sị ẹngwọọrọ yị avaba aza; aza ene hi aha ẹnẹẹnẹ ẹnịrị aza ana gụrị ẹtẹ. Mị vaa mẹ avaba aza amị ụkụ.

Ihoseya 10:13

Ama ebira odivi ọnị ê chire ẹ vaa ha nị. Ireche ọ vaa vị ẹtụtụ ọnị ẹ vaa rị nị.

2 Anịkọrịntị 11:15

Ezi ahụ anị ẹ̀ẹ rẹ vaa vara ẹngụ ẹnịnị ezi ahụ ịrẹyịzẹyịza, yẹ yị zụ kà ka ẹ sị mẹ baaba. Ịnị ụmẹ ọdịrẹma, ẹ rẹ vaa rị ọgụ ụkọrọ ẹnịnị.

2 Anịkọrịntị 2:16

Yị aza ene ee vu ẹtẹ, vị ị sị mẹẹ anka ịsa agụ ene sú, ana agụ anị rẹẹ̄ wụ̀ ọza avọọ nị. Ama yị aza ana vọ, vị ịsị mẹẹ anka ịsa ana yàra, ana agụ anị rẹẹ̄ mẹ ka ọza ọ̀ yàra avọọ nị.

Anẹhwẹsọsị 4:29

Asị ụ rẹ̀ kà ịrẹyị odivi nịnị! Ama waa kà ịrẹyị ọyịza ana vaa gụ aza ụvọ nịnị, dị aza ana aa wụ́ ịrẹyị awụ nịnị, è zụ re ọgụvọ ịnị anị.

Anikorasi 4:6

Re ka waa sị ịrẹyọyẹẹ kà ịrẹyịị yị aza, dị ịrẹyị awụ nịnị òo hine aza. Ọza ana àa họ̀ wụ nịnị use ịrẹyị, yẹ ụ mẹmẹẹ tụ́ ọọ ohi nịnị.

2Ipita 2:18

Ẹnịnị vị anaā sịị ẹngụụ tụ́ ẹba, dị ẹyaa kà ịrẹyị ụra kẹnẹ, dị ẹ rẹ yaa sị oyisì odivi ọchẹngụ ẹnịnịị vene aza, ana ahịka oò yi kù ẹnẹ ẹ tụ̀ hụụnị ụvọ aza ene si nyeeyi hụrị oze Ohomorihi.