Ụhịrẹyị 18:10 - IWE ỌNỊNỊ

¹⁰ Ịrẹha Ẹnẹyịmavara vị ana sị mẹẹ aha ọyị tẹ, ọnịzẹyịza òo zwe nị ịzọọ ọ sị ha.

Ụhịrẹyị 18:10 ပူးပေါင်းရင်းမြစ်များ

Oyinyima 17:1

Ẹkụhị ọnya Ẹnẹyịmavara o re ne tù Abụramị. Ịjọnọọọ, Abụramị ọ sị gụ ịrayị ẹnarẹwụ tụra ịhịịna. (909) Dị ọ kà a yị Abụramị dị ọ ka Ọnị ọ vị Ohomorihi Ochẹtẹẹngụ nị. Ọ kà Abụramị ọ̀ọ wụ́ ịrẹyị anị, asị ọ mẹ̀ ebira ene divi.

Oyinyima 32:11

Dị ọ ka aarịhịnị kwogwo, ọ̀ dọ ọnị hụụnị ụvọ Iisọ ẹnẹbẹnị anị. Ọ kà angwa anị vi ene ee hí ọnị. Ọ nyayịnẹ va wụ ẹnị và ha. Ọ kà ọ zụ wụ ọnyị ezi ẹnẹnị beri ezi ẹnịnị.

2 Ịsamụwẹrị 22:2

Ẹnẹyịmavara ee sere mi nị. Ịda anị ọ vị aha ẹvagu ọkatẹngụ ọnị mị na tẹ̀ tụ́ nị.

2 Ịsamụwẹrị 22:3

Aha ẹvagu nganganga Ohomorihi amị vị, Ịda anị mị zwe na tẹ̀, ọnị ee sere mi nị. Ụkata anị aa sị dọ mị tụ́ nị, ịda anị ọ vị aha ẹvagu ọnị mị na tẹ̀ tụ́ nị.

2 Ịsamụwẹrị 22:51

Ọza ọnị ọ sị rị ohinọyị, ọnị ọ vị ẹnẹdọha amị nị. Mị ka ọza ọnị sị nyị, vi o nị o sì ịrẹyị anị pooro. Mị ka Idevidi ọnịrị ezi anị ịrẹma-ịrẹma vị ọnị ọnị sì pooro.

Ahẹ Ụgama 144:2

Ọnị ọ vị Ohomorihi amị nị. Ô sì ịrẹyị amị, ịda anị mi zwe na tẹ̀ nị. Ọnị ọ sị mị tẹ ka asị a nyị ịsị ẹ zụ kanyị mị vụrụ-vụrụ, dị aa dọ mịị tụ́ nị. Ịda anị mi zwe na tẹ̀ nị. O reè hụ́ anẹkụra ẹtẹ yị mị.

Ahẹ Ụgama 18:2

Ẹnẹyịmavara ẹwụ ee sere mi nị Ịda awụ ọ vị aha ẹvagu ọkatẹngụ ọnị mị na tẹ̀ tụ́ nị. Ẹwụ aa dọ mịị tụ́ nị Ohomorihi amị vị aha ẹvagu nganganga ịda anị mi zwe na tẹ̀ nị Ẹwụ ee sere mi nị Ụkata anị aā sịị dọ mịị tụ́ nị Ịda anị ọ vị aha ẹvagu ọnị mịị̄ naa tẹ nị.

Ahẹ Ụgama 20:2

Ohomorihi ana yà ini eehi anị Ịzayọnị ọ̀ navọ ọ̀ va gụ wụ ụvọ.

Ahẹ Ụgama 27:1

Ẹnẹyịmavara aa sị ẹtohweyi zụ̀ mị nị. Ọnị aa dọ mịị ha nị agụvị avọọ ẹ yị nyị ọza ọnyọọnyị oni mee hí angwa anị. Ọnị ọ rẹ ẹ̀ yị zẹẹ ka à nyị ịsị ẹ mẹ̀ mị nị agụvị avọọ m mè yị hí angwa ọza ọnyọọnyị nị.

Ahẹ Ụgama 91:14

Ẹnẹyịmavara kà ọnị vee sere wụ dị ọnị aa dọ wụụ tụ́ agụvị ka wê sì ịrẹyị anị, dị ụ rẹ yẹ ka ọnị ọ vị Ohomorihi nị.

Ahẹ Ụgama 91:2

Ẹnị ẹẹ̄ kà a ka Ẹnẹyịmavara, ịda awụ mị tẹ dị à yị nyị ịsị ẹ zụ mẹ mị nị. Ohomorihi amị, mị vaa sị ayị tụra wụ

Ọyịkụra 6:3

Ộ kà ọnị ộ sị ẹngụ zụ̀ Abụrahamị ọnịrị Ayiziiki ne beri Ijekọvụ kà ẹnịnị ệ yẹ ka ọnị ọ vị Ohomorihi Ochẹtẹẹngụ nị. Ọ kà ama ọnị ọ yị sị ẹngụ anị zụ̀ wa ka ẹ̀ yẹ ka ọnị ọ̀ rị Ẹnẹyịmavara nị.

Ụhịrẹyị 14:26

Ọza eneē hí angwa Ẹnẹyịmavara vị ọnị oō sere ọnịrị ovwoovu anị.

Ụhịrẹyị 29:25

Ọza ene e hí angwa ọza vị ana a va ịrẹpa zi ẹngụ anị, ama ọza ana sị ayị tụra Ẹnẹyịmavara ọ sị ha.

Ayịsaya 26:4

Sị ayịị tụra Ẹnẹyịmavara pooro; agụvị ka vi o vee sere yi pooro nị.

Ayịsaya 57:15

Ẹma vị Ohomorihi ọnịnị ana nẹba nị. Ẹma yàra pooro zịna nị. Aha ana nẹba dị ọ vị ọnịnị mị ra nị. Ama mị rẹẹ raa pe aza ana ka ẹngụ ẹnịnị chi, di e ro ịnẹ varẹma. Ọ vaa mẹ ka ma mẹ ka ayị ẹnịnị ọ̀ vana nẹtẹ, dị ẹ rẹ nyị ọyịtureyi.

Ayịsaya 9:6

A sị ozi ọnya ma yị! A raà sị ozi ọnọrụ ọnya yị! Ozi ọnọọ ọ vaa nyị ịjọva nị. A vaa hị́ ọ Ohyozirenu, Ọpọzajuwe, Ohomorihi Ochẹtẹẹngụ, Ada ana yà ịzọọ pooro zịna-zịna, Ohinọyị ẹngwọọrọ.

Ijeremaya 23:6

Ịjị ọọ raa rị ohinọyị, ẹngụ anị Ijuda nịnị vee hi ahị, dị Anisirẹrị nịnị nyị ẹngwọọrọ. Ịrẹha anị ọ vaa rị Ẹnẹyịmavara ọ vị Amẹtẹrẹ Ayị nị.

Ihabaku 3:19

Ẹnẹyịmavara Ochẹtẹẹngụ ọ vị ụkata anị nị. Ọ vaa sị ụkata yị ọnị jẹẹ anka epeni, dị ọnị aa zị ụsẹ ịrẹsụ ataba.

Imatiwu 1:23

“Re, ozwoorihi ọnya ẹnẹ ẹ̀ẹẹ̀ yị yẹ ọnọrụ vee zyẹẹ, dị ọ ma ozi ọnọrụ ọnya. A vaa hị́ ịrẹha anị Ẹmanụwẹrị oni iruvo anị vị Ohomorihi yà beri eyi.”

Ẹtore 1:8

Ohomorihi Ananyị yị Ochẹtẹngụ, ọnị ọ yà ịzọọ hụrẹ ụmọrụmọ dị a va yẹ aa mẹ ẹhẹ nị. Ọnị ọ yị yà ịzọọ booro aanị nị, ọ rẹ vaa vaa vẹ ịnị ẹhẹ ọnọnị. Ọ kà, Ọnị ọ vị ọnịpaapa ọnịrị ọdịrẹma nị.

1 Ịsamụwẹrị 17:45

Di Idevidi tụ́ Anihwirisiti ọnọọ ohi dị ọ ka, “Wa sị ụhwọ ọnịrị ọha irenyi-irenyi aa tụra ka mị vẹ, ama ẹmị vị ana sị ayị tụra Ohomorihi Ochẹtẹẹngụ di mee vee tù wu. Ọnị ọ vị Ohomorihi isoja Anisirẹrị ọnị ụ maanị aa sịị mẹ ịyẹyẹ nị.

1 Ịsamụwẹrị 30:6

Ayị Idevidi o si du ẹtẹẹtẹrẹ agụvị ka aza anị ẹnị ẹ rẹ kụkụ sị eyi va kà a ka ẹnị ee ne e ịrẹta. Ayị vị ana raa kụ́ ẹnị ka asị ozi ẹnịnị za. Ama Ẹnẹyịmavara ana vị Ohomorihi oni Idevidi aa hẹkẹ ộ sị ụkata yọ.