Ụhịrẹyị 17:23 - IWE ỌNỊNỊ

²³ Ọmọkarẹyị odivi vị eneē wèree dọ ochirerenu, dị ọ yị kụkụ mẹ ịzẹyịza.

Ụhịrẹyị 17:23 ပူးပေါင်းရင်းမြစ်များ

Ọyịkụra 23:8

Asị ụ dọ ochirerenu. Ochirerenu vi eneē gu ọza eyi. Ọza anaā vịdịị ka ịzẹyịza ọ̀ọ na sị ochirerenu dọ, ọ yị kụkụ zụ kà ịzẹyịza.

Ụhịrẹyị 17:8

Ochirerenu vị ana sị mẹ̀ ẹ anka ẹsụ avọọ, waa sị yị ọza, ịsị ụ waa ka waa mẹ kẹnẹ ụ waa mẹ̀ ẹ nị.

Ụhịrẹyị 18:16

Ọza anaa mẹ ẹyịza vị ọnị oze tụ yị na ngụ ọvịdị aza ọkọọka.

Ụhịrẹyị 21:14

Were-were sị ẹyịza na yị ọza anaa kụ ayị hi wụ agụvị ayị anị ọ nẹtẹ.

Ịrẹyị Ọzwọzịsa 7:7

Ịzẹyịza, ọza ọ̀ọ ka ọnị ọọ yẹ ịrẹyị dị aa mẹ ẹvaya yị ọza nị, ọnụra ọ vị nị. Avọọ ochirerenu mee du ọzaa ha nị.

Ayịsaya 1:23

Ọdọvịdị awụ nịnị vị ana aa kụ̀ụ hịrẹ mị, dị ahịka ẹnịrị oyi aa mẹ ụmẹ nị. Ochirerenu vi eni ee hine wa, dị ẹ yaa dụ ịsa ọnị ịsa gógògò. Ozi ahụ ẹ̀ẹ za ịrẹyị nọ ini ikootu, ẹnịnị e mē tụ́ ohi. Osoku ọ̀ọ va sị ịrẹyị ne tù wa ini ikootu, ẹ yị vaa ngụ ẹngụ ịrẹyị ọnọọ.

Ayịsaya 5:23

Ọza ọ̀ọ rị ịvị ịrẹyị di o ve chire wụ nịnị irenu, dị ụ jị ịvị yọ nịnị, dị ahịka ọza ana yaanị rị ịhị ọ kụkụ rị vị nị.

Ezikẹẹrị 22:12

Aza ẹnyị awụ nịnị aa dọ ọza ẹkẹhị naa wụ̀ ọza. Aza ẹnyị ọ̀ọ sị ẹkẹhị rèré ọnọhụva anị Anisirẹrị, dị ẹ dọ ọtụrọsarẹsụ ọdẹngụ tụ ọ. Avọọ ẹ́ maa me ehunaa yị ẹngụ dị ẹyaa sịị nyị ẹkẹhịị hu avọọ nị. Ẹnẹyịmavara Ananyị ụkata hu ka, ayị anị ô hí wa.

Ezikẹẹrị 22:27

Ẹnị ọdọvịdị ene hi ịnị ịjọva vị ana sị mẹẹ anka akatapooro ana wụ̀ uye, di aa na rị avọọ. Ẹnịnị vị anaā wụ̀ aza agụvị ẹnị ẹ̀ sị nyị ẹkẹhị.

Imika 3:11

Ohinọyị awụ nịnị vị anaā dọ ochirerenu àaa mẹ̀ ọkarẹyị. Ohirẹsụ irehi Ohomorihi vị ana aa mẹ̀ ụkọrọ ka ọnị ọ̀ dọ ẹkẹhị kẹnẹ. Ọnịsẹ ẹnị raa kà ịsẹ ka ẹnị ẹ̀ sị dọ ẹkẹhị. Ama ẹ yaa kịị kà a kà Ẹnẹyịmavara jẹẹ ẹnị ịrẹma. Ẹ ka Ẹnẹyịmavara jẹẹ ẹnị ịrẹma ẹ yị nyị ịrẹyị ene vee tù ẹnị.

Imika 3:9

Ẹwụ nịnị ọdọvịdị anovwoovu Ijekọvụ ò batọ. Mị ka ẹwụ ọdọvịdị Anisirẹrị ene è yi mē sì ịzẹyịza è batọ dị ẹ̀ wụ́ ịrẹyị amị.

Imika 7:3

Ịsị ẹnịnị yẹ eyi anị, ọ vị ebira odivi nị. Ohinọyị ọnịrị ọmọkarẹyị aa dọ ochirerenu. Ịsa aza ana nyị ụkata sì, ịsa ọnọọ ẹ vaa mẹ nị Avọọ ọ maa mịị mẹ, dị ẹ vabẹ, dị ẹ yaa gẹ eyi zi nị.

Iwe Ọhụhị Imosiisi ana aa hị́ Ọyịvatụrọda 16:19

A sị u sima ịrẹyị ka waa mẹ̀ ọkarẹyị nịnị. A sị ụ nyị ọza remeyi nịnị, dị a sị ụ dọ ochirerenu o. Agụvị ka ochirerenu vi eneē gù ọza eyi, ẹ yị nyị ọza mẹ ye ịrẹyị dị ọ nyị ịzẹyịza na za.

1 Ịsamụwẹrị 12:3

M mẹ̀ jẹẹ aanị, àa nyị ọza ana ka mâ mẹ̀ ọnị ịrẹyị odivi, ọ̀ kà a ọvịdị Ẹnẹyịmavara ọnịrị eyi ohinọyị ọnị ọ nyị wụ nịnị. Áá nyị ọza ana ka mâ sị ọnị imaaru? Máá sị ịkẹrịkẹtẹ ọza ọnyị ọza ọnyị? Áá rẹ nyị ọza ana ka mâ mẹ̀ ọnị rị? Ẹnẹ zụ kà ka mâ mẹ ẹchaka yị ọnị da? Áá nyị ọza ana zụ kà a ka mâ dọ ochirerenu ka asị mi kuku zụ re ịzẹyịza? Áá nyị ọza ana zụ kà ka â nyị ọnị mị mẹ ịnị ịsa ẹnẹnị, ọ̀ kà a di mi si ọ ụta varẹma.”

1 Ịsamụwẹrị 8:3

Ama ezi Ịsamụwẹrị ẹnẹẹ ẹ yị sị ebira ada ẹnịnị Ịrẹyị ẹkẹhị kẹnẹ ọ jị wa areyi nị; ẹ yaa dọ ochirerenu, di eyee sima ọkarẹyị mẹ nị.