Ụhịrẹyị 17:17 - IWE ỌNỊNỊ

¹⁷ Ọtọta vị eneē su usu ẹngụ, ama anda vị anaā sịị ụvọ pe ẹnya yị ẹngụ ịrẹyị òo tu ọza.

Ụhịrẹyị 17:17 ပူးပေါင်းရင်းမြစ်များ

2 Ịsamụwẹrị 1:26

Ijonatani, ọhụva amị, isu awụ ộ zị mị Ewee re sì ịrẹyị amị pooro, ọnị ọza ọ̀ yị zụ ka. Wâ hyakụ sì ịrẹyị amị hụụnị ọnẹẹ mè zụ sì ịrẹyị ọza

2 Ịsamụwẹrị 15:21

Di Itayi tụ́ ohi dị ọ ka, Taarụ, ọnị ộ sị Ẹnẹyịmavara ọnịrị ịrẹsụ ohinọyị tẹ ivenu ka aha tụra aha oni ohinọyị ọ̀ọ yà ịzọọ ọnị raa yà nị. Ọ kà ọ̀ọ daka tù iisu, ọnịrị ohinọyị yọ nị.

Ẹsịta 4:14

Ọ kà à kà a yọ ka òo sị irenu anị kú oku, dị ẹ yị tụ́ ohi nị, ọnọgụmvọ vaa hụrẹ aha ọsa vẹ, dị ọ va dọ Aniju nịnị tụ́. Ama ọ̀ yẹ ka ọnịrị ovwoovu ada anị vi ene vee vú ẹtẹ. Ọ rẹ ka ẹnẹ yẹ ẹyịyara ahịka agụvị ụmẹ ẹngụkata ọnọnị a sị sị Ẹsịta tụ́ udi ọnọnị ịdị ohinọyị nị.

Ụhịrẹyị 16:28

Aza ọhịmị vị anaā kụ ọza ịrẹsụ nya ẹngụ; ẹ́ẹ sị ireche jị ụna ọọtọta ana sị ayị yị ẹngụ nị.

Ụhịrẹyị 18:24

Aza ẹnyị vị eneē vene ẹngụ ka ọta ẹnị vị nị ama a nyị ọta ẹnyị ana gụrị ẹngụ huna ẹyịnyara.

Ụhịrẹyị 19:13

Ọnụra vị ana kụ ẹngụkata tu ada anị, ọnẹẹ ana zyaazị vị ene du ọza ayị anka orihi ẹnẹ ẹ yị zẹ ka ọnị ọ jị avọọ.

Ụhịrẹyị 19:7

Ọza ọnị o divi yị vị ana anda anịị ree zwè; óo nee hi u eyi ọta anị è yèe zwèe yọ. Ẹ́ yị nyị ịsị ọ mẹhịị mẹ̀ dị ẹ̀ dọ ka ẹnị aa gụrị ọ.

Anihiburu 2:11

Ijeesu ana mẹ ka aza ẹ̀ vị ọnịnị, ọnịrị aza ọnị ọ mẹ ka ẹ̀ vị ọnịnị vi ene dudu nyị Ada ọnya. Agụvị avọọ ụhị ọyị nyị Ijeesu ọyịhị́ wa ẹyịnyara anị.

Iruutu 1:16

Ama dị Iruutu tụ́ o ohi ka, “Asị ụ rẹ kụ́ ọ hi mi ẹngụ ka ma navọ wụ dị ma varẹma. Ịzị wàa nọ kẹnẹ ẹmị raa nọ nị, ịzị waa ra ẹmị raa ra nị. Anda awụ nịnị ẹ rẹ vaa vị anda amị nị. Ohomorihi awụ ọ rẹ vaa vị Ohomorihi amị nị.

1 Ịsamụwẹrị 18:3

Ijonatani ô sì ịrẹyị Idevidi pooro dị ẹ kụkụ hị́ eku yị ẹngụ ka vị ẹnị vaa sị ayịị yị ẹngụ pooro nị.

1 Ịsamụwẹrị 19:2

Dị ọ na kà a yị Idevidi dị ọ ka, “Ada amị ee sì ka ọnị ọ̀ wụ̀ wụ. Re ka waa sị eyi pè ẹngụ awụ, o! Ẹnẹnẹ ụhwọọ viri-viri zwe di we sì aha dị wa na tẹ̀ tụ́ ịzọọ.

1 Ịsamụwẹrị 19:3

Mị vaa jịnẹ dị mị na jẹẹ pè ada amị ịnị avị ịzị ụ yà. Mị vaa kà ịrẹyị awụ yọ, ịsị ọ̀ọ kà, dị mị va kà a wụ.”

1 Ịsamụwẹrị 20:17

Dị Ijonatani ka Idevidi ọ̀ rẹ hị́ eku ka ọnị ô sì ịrẹyị ọnị Ijonatani nị. Ijonatani vị ana nyayịnẹ sì ịrẹyị Idevidi anka ẹngụ anị ụvọta.

1 Ịsamụwẹrị 23:16

Di Ijonatani ozi Ịsọọrụ ne tù Idevidi, dị ọ naa tụ́ ọ ọtụtụrụma ka Ohomorihi vee sere e nị.