Ụhịrẹyị 17:15 - IWE ỌNỊNỊ

¹⁵ Ẹnẹyịmavara ọ nyị ịhyẹrẹ aza anaā jị ịvị yị ọnị ịzẹyịza, dị ọ̀ jị ịhị yị ọza ana rị ịvị.

Ụhịrẹyị 17:15 ပူးပေါင်းရင်းမြစ်များ

1 Ohinọyị 21:13

Di aza kẹnẹ-kẹnẹ ẹyịva ẹnẹẹ vẹ, dị ẹ va yaayịtẹ pè Ịnabọtị nị. Dị ẹ yà eyi aza ana gụ, di e yee cheeche kú Ịnabọtị ka ộ kụ̀ Ohomorihi ọnịrị ohinọyị ụhụ nị. Di a sị Ịnabọtị jịnẹ hụụnị ẹkụra, di e ne e ịrẹta, di o sú nị.

Ahẹ Ụgama 94:21

Ệ va iruvo bẹ ẹ yaa gẹ eyi aza ana aa mẹ̀ ebira ana vọrọ, ẹ̀ẹ za ọza ẹnẹ ẹ̀ yị nyị ịsị ọ mẹ, dị ẹ ka à na wụ ọ.

Ọyịkụra 23:7

Asị ụ dà ịrẹyị kú ọza. Asị ụ rẹ na wụ̀ ọza ẹnẹ ẹ̀ yị nyị ịsị ọ mẹ. Ọza ana àa vavọọ mẹ, ọ vaa rị ịvị amị.

Ụhịrẹyị 11:1

Ẹnẹyịmavara ọ nyị ịhyẹrẹ aza ana mẹ̀ ọza rị ịnị ịsa ẹnẹ yaa ná ama o sị ịrẹyị aza ana a sị ịzẹyịza ná ịsa.

Ụhịrẹyị 15:8

Ẹnẹyịmavara ọ nyị ịhyẹrẹ ịsọvọ ọza ọhịmị ama ọọ̄ wụ́ aduwa ọza ọyịza.

Ụhịrẹyị 17:26

Ẹ́ yị zoza ka àa dà ọza ọnị ẹ̀ yị nyị ịsị ọ mẹ ẹkẹhị. Ẹ́ yị mẹ ka aa sị ụya rị ọza ọyịza.

Ụhịrẹyị 18:5

Ẹ yị vọrọ ka ọmọkarẹyị ọ̀ jị ịhị yị ọza odivi, dị ọ jị ịvị yị ọnịzẹyịza.

Ụhịrẹyị 31:5

Ẹyị vị avọọ ọ vaa mẹ ka asị ẹ saasa ọda Ohomorihi dị ẹ kụkụ à mẹ ẹvaya yị onosiye nịnị.

Ụhịrẹyị 6:16

Aa nyị ịsa ịhịnọnyị ọnị Ẹnẹyịmavara nyị ịhyẹrẹ anị. Dị a nyị ịhịmba ana vị enyisi yị ọ nị.

Ayịsaya 5:20

Wa sị dà nịnị, ẹwụ nịnị ana ka ịsa odivi ọ kụkụ vị ịsa ozoza, dị ịsa ozoza ọnị kụkụ vị ịsa odivi nị. Wa raà sị ịrahụ vara ọọdụ, dị ụ sị ọọdụ vara ịrahụ nịnị nị. Ụ ka ịsa ene hine ọnị kụkụ vị ọnyịrẹyị nị.

Ayịsaya 5:23

Ọza ọ̀ọ rị ịvị ịrẹyị di o ve chire wụ nịnị irenu, dị ụ jị ịvị yọ nịnị, dị ahịka ọza ana yaanị rị ịhị ọ kụkụ rị vị nị.

Arụwẹ 3:35

Ọọ yẹ aza aa dọ yị ịsị ana vọrọ tụra yị ọnị ọ mẹ yị.

Ezikẹẹrị 13:19

Ọ kà, waa hụ agụvị ayị ibaari uvoku ọnya ọnịrị ịbụrẹẹdị ẹjịjị wẹ́ yị sị ụbanyị yị ọnị eyi aza anị nịnị. Waa wụ̀ aza ẹnẹ ẹ̀ yị vọrọ ka è sú nịnị, dị ụ navọ aza ẹnẹ ẹ̀ yị vọrọ ka ẹ̀ yara ka ẹ yara nịnị nị. Avọọ u mee cheeche yị ọza anị, dị ẹnịnị dọ wụ nịnị wụ́ nị.

Emọsị 5:12

Ẹnẹyịmavara kà ọnị ọ yẹ ebira odivi ọdẹngụ ọnị ẹ yaa mẹ̀. Ẹ yaa mẹ̀ ọnịzẹyịza rị, dị ẹ yaa dọ ochirerenu, dị ẹ yaa mẹ̀ ọkarẹyị irikiti yị onosiye nịnị nị.

Emọsị 5:7

Ẹnịnị ẹ ree jesi ịzẹyịza, dị ẹ yaa mẹ̀ ẹvaya yị ọnịzẹyịza nịnị, dị ẹ kụ́ ọ ka wa ụhwẹ nị.

Emọsị 6:12

Umaata ọ yị ma tụ́ ahụ ịrẹsụ ịda, dị ọza ọ yị ma jị ịrụkụ tụ́ ịnị oku nị. Ama ẹnịnị ẹ raa vara ịzẹyịza ẹchịpa ọnyịrẹyị.

Aniroomi 4:5

Ama ọza ẹnẹ ẹ̀ yị sị ayị tụra ụkọrọ ụvọ anị, dị ọ sị ayị tụra Ohomorihi anaā jị ịhị yị aza ẹnẹ ẹ̀ yị vị ọnịrẹyịzẹyịza nị, Ohomorihi vaa za a ịrịkaa tụ ịnị ọnịrẹyịzẹyịza, agụvị ka ộ sị ayị tụra a.

Iwe Ọhụhị Imosiisi ana aa hị́ Ọyịvatụrọda 25:1

Imosiisi ộ kà a yị Anisirẹrị nịnị ka, A kà a ka aza ẹnị ẹẹva ệ kụ́ ẹngụ tụ ini ikootu, dị ọmọkarẹyị ka ọza ịnyara ộ rị ịvị, dị ọsa rị ịhị nị.

Ijemiisi 5:6

Aza ẹnẹ ẹ̀ yị nyị ịsị ẹ mẹ̀, wâ jị ịvị yị wa, wâ wụ̀ wa, ẹnịnị e yi tụ́ ohi.