Ụhịrẹyị 17:12 - IWE ỌNỊNỊ

¹² Ọ vana dahi ka ọza ọ na gẹrị ọdụmị ana za ezi anị hu ka ọ na va eyi ka anayọkatẹngụ ọnụra.

Ụhịrẹyị 17:12 ပူးပေါင်းရင်းမြစ်များ

2 Ịsamụwẹrị 17:8

Dị ọ rẹ ka Ẹwụ ụvọta ộ yẹ ada awụ ọnịrị aza ana yà pè e. Wâ yẹ ka isoja obooro ẹ vị nị. Ê divi anka ọdụmị ana a wụ̀ ezi. Wa rẹ yẹ ka o si kù ana ada awụ hụrẹ aa kụ̀ ịrẹkụ. Ọnịrị isoja anị ẹ yị vaa sụ aha ọnya ịrahụ.

2 Ohinọyị 2:24

Ọ́ mẹ̀ vara eyi di o re wa nị. Ộ sị ịrẹha Ẹnẹyịmavara chì hi wa nị. Ọdụmị ẹẹva ệ jịnẹ hụụnị avị vẹ, dị ẹ́ wụ ezi ẹnẹẹ ẹbẹẹva tụra ẹẹva nị.

Ụhịrẹyị 17:11

Aza ọhịmị vị enee si ka ẹnị ẹ̀ẹ kụ̀ụ hịrẹ ọdọvịdị, ama ụya anị vị ọnị ọ vaa rị ẹtẹẹtẹrẹ.

Ụhịrẹyị 27:3

Ẹngwẹngụ ọnị ọyịkụ ụraa kụ tu ọza o divi huni ka ọza o kune ịrẹta za, a vị ka ọza za ààrẹ nị.

Ụhịrẹyị 28:15

Ọdọvịdị odivi vị eneē chire onosiye nịnị angwa anka idu à vị ọdụmị anaa tụra ka uye naa avọọ.

Ụhịrẹyị 29:9

Ọza ana yẹ ịrẹyị ọ̀ọ sị ọnụra nị ikootu, vị ọnụra aa kụ ayị dị aa kụ ọ ụhụ, di e ne owu.

Ihoseya 13:8

Ọnị vaa nọ wa ịrẹvụ anka ọdụmị ọnị ozi anị vu avọọ nị. Ọnị aa gara wa chẹkẹ-chẹkẹ anka uye ịnị avị, dị ọnị rị wa anka idu avọọ nị.

Imatiwu 2:16

Ịjị Ịhẹrọdị sị yẹ ka ọyẹrẹyị ẹnẹnị ẹ sị ọnị vene, dị ayị anị aa dà ọva nị. Dị ọ mẹ ọda ka à na wụ̀ avaba ezinụvọ ana vị ịrayị ẹẹva vachi ene hi Ịbẹtịrẹhẹmị ọnịrị okokooro anị nị, anka ụmẹ ọnị ọ́ tangwa họ̀ use hụụnị ụvọ ọyẹrẹyị ẹnẹẹ nị.