Ụhịrẹyị 17:1 - IWE ỌNỊNỊ

¹ Akịka ẹnụ oyihù ọnị ọza sị ẹngwọọrọ rị, o dahi hu ịsa chọmị-chọmị ọnị ọza rị dị aa họ̀ ọ ọrọkọ nị.

Ụhịrẹyị 17:1 ပူးပေါင်းရင်းမြစ်များ

Ahẹ Ụgama 37:16

Ịsa chee ọnị ọza ana aa mẹ̀ ebira ana vọrọ ọ̀ọ nyị, ô huna ogu avaba aza edivi.

Ụhịrẹyị 15:16

O vene zoza ka ọza ọ nyị ịsa chee di o hí angwa Ẹnẹyịmavara huuni ka ọza nyị ogu ẹnẹmẹhị tụra ịrẹsụ akanya.

Ụhịrẹyị 15:17

Ọza ọ rị ụka ịdị ọza ene sì ịrẹyị anị, ọ mẹ hụụnị ka ọ na rị iya ịdị ọza anaa kụ ayị anị nị.

Ụhịrẹyị 16:8

Ịsa chee ọnị ọza sị ẹhị anị si ọ mẹ̀ hu ẹkẹhị ọdẹngụ ọnị ọza sị asuvu nyị nị.

Ụhịrẹyị 17:2

Ozi ahụ ana yẹ ịrẹyị vaa mẹ ọda tụra ozi anaā mẹ̀ ebira ụhị, dị a gà ogu tu ọ anka ozi avọọ.

Ụhịrẹyị 21:19

Ọza ọ̀ vana na raa ịnị ụnọmị ọ rọ̀ ọ ẹngụ hụụnị ka ọnịrị ọnyẹnẹẹ ọnịrẹyị anaa rị uhuhu ọ ra ịnị eehi ọnyara nị.

Ụhịrẹyị 21:9

Ọza o si oboka ọnya kara tụ́ ọ mẹ hu ka ọnịrị ọnyẹnẹẹ ọnịrẹyị ẹ raa ịnị eehi ọnyara nị.

Ụhịrẹyị 7:14

Ộ ka ajịnị ọnị mẹ̀ ịsa ịsọvọ ẹngwọọrọ ana aa rị. Ọnị o re si ụta ịzẹzẹ anị.