Ụhịrẹyị 16:6 - IWE ỌNỊNỊ

⁶ Ọza eneē hí angwa Ẹnẹyịmavara vi ene zwe yi ebira odivi. Ohomorihi vaa vagu ebira odivi ẹngụ ọza ọnọọ agụvị ka o sì ịrẹyị anị, dị ọ wụ́ chire e nị.

Ụhịrẹyị 16:6 ပူးပေါင်းရင်းမြစ်များ

Oyinyima 20:11

Di Abụrahamị ka, “Ịsị ẹ mẹ ka ọnị ọ̀ vavọọ mẹ yị: ọnị o ro ka ẹ yị nyị ọza ene hí angwa Ohomorihi ịnị ẹkụra ọnọnị, di oni ro ka ẹ nyayịnẹ hụ agụvị ose anị dị ẹ wụ ọnị.

Inehemaya 5:15

Avaba Ịgọvọnọ nịnị ana vịdị rị di o ve tu mị vị ana vị ẹnya yị aza. Ẹnịnị vana sị ụkata-ụkata za aza ka è si ụta ịsọyịrị ọnịrị eche ẹnịnị. Dị aza e si akana-akana ẹkụhị-ẹkụhị nị. Avọọ ẹnịrị ọdọvịdị ẹkụra nịnị mẹ vị ẹngụkata yị aza nị. Ama agụvị ka mê hí angwa Ohomorihi, mẹ yị vavọọ mẹ.

Inehemaya 5:9

Dị mị kà a yị wa ka; ịsị ẹyaa mẹ aanị e yi zoza o. Â vọrọ ka ẹnịnị è hí angwahi Ohomorihi ịnị ịsị ẹ̀ẹ yaa mẹ, agụvị enyinyi anẹkụra ana vọ ana vị ọnịvị ẹnịnị.

Ijoovu 28:28

Dị Ohomorihi ka yị ọza ka: ịzẹyịza, ọza ọ̀ nyị angwahi anị ọ vị ịrẹyọyẹ nị. Ọza ana va hụụnị ebira odivi ọ yẹ ịsa aa mẹ nị.

Ahẹ Ụgama 85:10

Aza vaa nyị ayị ọnya, di e yee sì ịrẹyị ẹngụ, dị ẹ rẹ yaa mẹ̀ ebira ana vọrọ ini eyi Ohomorihi, dị ẹngụ ẹnịnị rọ.

Ọyịkụra 1:17

Ama anẹẹ ana aā mẹ ọgụvọọ yị anẹẹ Anihiburu aanị ẹnị ệ nyị angwahi Ohomorihi. Ẹnịnị ẹ yị sị ịrẹyị ohinọyị Anijipiti mẹ̀ ụkọrọ. Èe re ka ozi ana aa ma vị ọnọrụ, ẹnịnị ẹ yị wụ̀ ọ.

Ọyịkụra 20:20

Di Imosiisi ka, “Asị u rè hí angwa nịnị. Ohomorihi vị ana va zama wụ nịnị re. Ee sì ka wee hí angwa anị nịnị agụvị dị asị ụ na mẹ̀ ịvị nịnị.”

Ụhịrẹyị 14:16

Ọza ana yẹ ịrẹyị vị ene e zwe yị ịrẹyị ama ọnụra vị ene zwe huuru na gẹrị ọ.

Ụhịrẹyị 14:2

Ọza anaā ra a mẹ vọrọ vị eneē hí angwa Ẹnẹyịmavara ama ọza ana ra ẹhẹ akụvị vị anaā si eyi wụ ọ.

Ụhịrẹyị 14:27

Ẹnẹyịmavara ọọ̄ sị ẹhẹ obooro yị ọza ene hí angwa anị nị agụvị asị usu jị ọ hi.

Ụhịrẹyị 16:5

Ẹnẹyịmavara ọ nyị ịhyẹrẹ ọza anaā sịị ẹngụ anị tụ ẹba. Ọ yị vaa zẹ ka ọ mẹ̀ ẹ sị rị.

Ụhịrẹyị 20:28

Ohinọyị anaā mẹ ịzẹyịza dị ọ rẹ vayị ọza vị eneē ku orubo ịrẹsụ ode.

Ụhịrẹyị 3:3

Saasa ịrẹyị ẹnẹẹ, dị ọza ọ̀ zụ sị ayị tụra wụ. Sị ụvọ za a anka ọmọ ọnị aa sị tụ ọrọkọ avọọ. Asị ụ hi ayị anị.

Ụhịrẹyị 3:7

Asị u ro ka eyi awụ o hweyi, ama dọ ịrẹyị Ẹnẹyịmavara tụ ịzọọ, dị ụ waa nyị ịhyẹrẹ ebira odivi.

Ụhịrẹyị 8:13

Ọza ana sị ụbanyị yị Ẹnẹyịmavara ẹẹ̄ nyị ịhyẹrẹ ịsa edivi nị. Ẹngụ ọza ọnọọ ọọ̄ nyị ịhyẹrẹ aza ana sị ẹngụ tụ ẹba, dị ẹ rẹ mẹ ịkanggụ. Ọnị ọ nyị ịhyẹrẹ ebira odivi ọnịrị ịrẹyị kẹnẹ-kẹnẹ ọ yị ka nị.

Ịdanịyẹrị 4:24

Dị Ịdanịyẹrị ka: Taarụ! Iruvo ụra ọnọọ yị: Ohomorihi ene hu kere-kere ọ́ sị ọ kà ká ịsị e vee tù ohinọyị yị.

Ịdanịyẹrị 4:27

Dị Ịdanịyẹrị rẹ ka, Taarụ, ọ̀ navọ ọ̀ dọ ajuwe anị, dị ọ̀ hụụnị ebira odivi ọyịmẹ̀ dị ọọ mẹ̀ ebira ọyịza. Ọ kà ọọ vayị ọnụya nịnị bẹẹ, ọnọọ ọ vaa mẹ̀ ka ò zé yọ nị.

Ireevi 25:17

Ẹnẹyịmavara kà Anisirẹrị nịnị è hí angwa ọnị Ohomorihi, dị à sị ẹnịnị mẹ ẹngụ rị; agụvị ka, ọnị ọ vị Ẹnẹyịmavara Ohomorihi ẹnịnị nị.

Iruuku 11:41

Sị ịsa ana yà ịnị ako ọnịrị ịsa ana yà ịnị ịchacha awụ nịnị mẹ onosiye nịnị ẹyịza, ịjọnọọ avaba ịsa vaa nịị yị wụ nịnị.

Ịjọọnụ 15:2

Avaba avọ ọnị màa há, ẹnẹ ẹ̀ yị tụ́ ẹtụtụ, dị ọ dà a ne ta. Ama avọ ana àaa tụ́ ẹtụtụ, di o tenyi ọ, dị ọ̀ọ tụ́ hu avọọ.

Odeyi 15:9

O yi sị eyi irenyi re ẹyịrị wa. Ộ mẹ ayị ẹnịnị ọnịnị, agụvị ka ệ sị ayị tụra a.

2 Anịkọrịntị 7:1

Ẹwụ nịnị anda ayị, avaba ayị a kà a ka a vaa mẹ̀ ịsa ẹnẹẹ yị nị. Agụvị avọọ, à vẹ ya nyịna ẹngụ ayị hụụnị avaba ịsị ẹẹ̄ mẹ ka asị ẹngụ ọza ọnịrị ayị ọza nị! À vẹ ya vị Ohomorihi saka-saka ini oze angwahi Ohomorihi ọyịnyị.

Anẹhwẹsọsị 5:21

Waa sị ịrẹsụụ yị ẹngụ nịnị, agụvị ka wáa nyị angwahi Ikirisiti nịnị.

Iwe Ọhụhị Imosiisi ana aa hị́ Ọyịvatụrọda 30:13

Ẹ yị ya akẹnẹ oku. Ẹ yị nyị ka wee họ̀ use ka ẹnẹ aa jịnẹ oku na sị ọ va yị, agụvị yaa wụ ọ, dị yaa saasa a?

1Ipita 1:22

Wa sị ẹngụ awụ nịnị vara aza ọnịnị, agụvị ka waa saasa ịzẹyịza Ohomorihi nịnị; agụvị avọọ di u kuku ee sì ịrẹyị ọdọwụ anda ayị nịnị ẹtẹẹtẹrẹ nị. Agụvị avọọ, wa yịị sị avaba ayị awụ nịnịị sì ịrẹyị ẹngụ nịnị ẹtẹẹtẹrẹ.