Ụhịrẹyị 16:22 - IWE ỌNỊNỊ

²² Ịrẹyọyẹ sị mẹ anka oswe yị ọza ana yẹ ịrẹyị avọọ nị. Ọza anaa sị vụrị ka ọnị ọ pa ọnụra venee du ụmẹ anị ha kẹnẹ.

Ụhịrẹyị 16:22 ပူးပေါင်းရင်းမြစ်များ

Ụhịrẹyị 10:11

Ịrẹyị irenu ọnịzẹyịza vị ana rọ ọza ẹngụ, ama ọza odivi vị ana a sị ịrẹyị ẹnyị tụ ịnị ịnẹ ka ọsa.

Ụhịrẹyị 13:14

Ịrẹyị ọnị ọnịrẹyọyẹ ka vi ene e tenyi ẹhẹ ọza. Ịrẹyị ọnọọ vaa dọ ọ ha ịnị ụmẹ ẹngụkata.

Ụhịrẹyị 14:27

Ẹnẹyịmavara ọọ̄ sị ẹhẹ obooro yị ọza ene hí angwa anị nị agụvị asị usu jị ọ hi.

Ụhịrẹyị 15:2

Ọza ana yẹ ịrẹyị vị anaā ka ịrẹyị ịrẹyọyẹ ama ọnụra vị anaā kà ututu.

Ụhịrẹyị 15:28

Aza ọyịza vị eneē rò ịrẹyị dị e vee tu ọza ohi ịrẹyị ama aza edivi e mē rò o dị e tụ́ ohi akụvị eyiha-eyiha.

Ụhịrẹyị 16:21

Ịrẹyị ọyị yara ka vị anaa sị ịrẹyọyẹ zụ. Ẹngụ ịrẹyị ọnọọ vị anaā dọ ọza ayị.

Ụhịrẹyị 16:23

Ọza ana yẹ ịrẹyị vene rò ịrẹyị dị ọ vaa ka a. Ịrẹyị anị vị ana ngụ ọza ẹngụ.

Ụhịrẹyị 18:4

Ịrẹyị irenu ọza ọ zụ zụ ọza ịrẹyọyẹ; ịrẹyị ọnọọ ọ zụ nyịnẹ anka oku, dị o hunẹnẹ anka enyi ịnị okuha enee si.

Ụhịrẹyị 18:7

Irenu ọnụra ọọ̄ wụ ọ nị. Ịrẹyị irenu anị vị ọnị ọọ̄ sịị va ịrẹpa za ẹngụ anị.

Ụhịrẹyị 3:22

Ịrẹyọyẹ vaa mẹ̀ ẹhẹ hine dị ọ rọ wu ẹngụ, dị ọ̀ mẹ ọza ku orubo.

Imatiwu 15:14

Navọ wa, ka ogweyi ana aa zụ̀ ogweyi oze, ẹ vị nị. Ogweyi àaa zụ̀ ogweyi oze, ẹnị ẹyịva vị anaa hyẹdụ nee ngụ ini orosi.”

Ịjọọnụ 5:24

“Ịzẹyịza m maa kà a wụ nịnị nị, ọza ana àa wụ́ ịrẹyị amị, dị ọ sị ayị tụra ọza ana tụ́ mị vẹ ẹhẹ nị, ọ vaa yàra ị́dị Ohomorihi pooro zịna-zịna. Ọ yị kụkụ vaa rị ịvị, ama ọ sị ha hụụnị isu, ọ kụkụ vaa yàra ị́dị Ohomorihi pooro zịna-zịna.

Ịjọọnụ 6:63

Ụhwẹ Ọnịnị ọọ̄ mẹ̀ ka ọza ọ̀ yàra nị; ịrẹyị ọza vị osusu kẹnẹ-kẹnẹ. Ịrẹyị ọnị maa kà a wụ nịnị aanị vị Ụhwẹ Ọnịnị, ọ rẹ zụ mẹ ka aza ẹ̀ yàra.

Ịjọọnụ 6:68

Dị Ịsayịmọnị Ipita tụ́ ohi, dị ọ ka, “Ananyị yị, ẹnẹ ẹyị kụkụ aa káa na? Ẹwa nyị ịrẹyị ana zụ mẹ ka ọza ọ̀ yàra pooro zịna-zịna nị.