Ụhịrẹyị 16:18 - IWE ỌNỊNỊ

¹⁸ Ụhị ọọ̄ nyị ọza anaā sịị ẹngụ tụ ẹba nị. Ịrẹsụ ọyị sị tụ́ ẹba vị anaā va ọza nẹtẹ.

Ụhịrẹyị 16:18 ပူးပေါင်းရင်းမြစ်များ

Ẹsịta 3:5

Ịjị Ịhamanị re ka ịzẹyịza Imodekaya e yi sì ka ọnị ọ̀ và kú ẹtẹ yị ọnị, dị ayị anị aa dà ọva ẹtẹẹtẹrẹ nị.

Ẹsịta 6:6

Ịjị Ịhamanị ne tù ohinọyị, dị ohinọyị họ̀ use ka, “sị a vọrọ ka à mẹ̀ yị ọza ọnị ohinọyị òo sị ka ọnị ọ̀ sị ụbanyị yị?” Dị Ịhamanị ro o ka ẹnị a vaa sị ụbanyị yị ọsa ẹ̀ yị vị ọnị.

Ẹsịta 7:10

Ịzẹyịza, dị e zù Ịhamanị obo gẹ ịrẹsụ ọchị ọnị o hi agụvị Imodekaya nị. Ịjị a maanị si Ịhamanị mẹ, dị ayị ohinọyị va nẹtẹ nị.

Ụhịrẹyị 11:2

Ọza anaā sịị ẹngụ anị tụ ẹba vị anaā tẹ, ama ọnịrẹyọyẹ vị anaā zị hẹẹ.

Ụhịrẹyị 17:19

Ọza eneē sì ịrẹyị ebira odivi vị eneē si ka ọnị ọọ̄ zyaazị. Wàa sị avaba ụmẹ wo oto ẹngụkata ụ waa hị́ tu ẹngụ awụ nị.

Ụhịrẹyị 18:12

Ọza ana ka ẹngụ anị chi ọọ̄ nyị ụbanyị nị, ọza ọ̀ọ sị nyima àa sị ẹngụ tụ ẹba à vaa mẹ̀ ụhị nyị ẹngụ anị.

Ụhịrẹyị 29:23

Ọza anaā sịị ẹngụ anị tụ ẹba vị ọnị ụhị nyị. Ama ọza ana ka ẹngụ anị chi vị ọnị a vaa sị ụbanyị yị.

Ụhịrẹyị 8:13

Ọza ana sị ụbanyị yị Ẹnẹyịmavara ẹẹ̄ nyị ịhyẹrẹ ịsa edivi nị. Ẹngụ ọza ọnọọ ọọ̄ nyị ịhyẹrẹ aza ana sị ẹngụ tụ ẹba, dị ẹ rẹ mẹ ịkanggụ. Ọnị ọ nyị ịhyẹrẹ ebira odivi ọnịrị ịrẹyị kẹnẹ-kẹnẹ ọ yị ka nị.

Ayịsaya 37:38

Ẹkụhị ọnya, ộ yà ini irehi ori anị ana aā hị́ Inisirochi aa mẹ ahẹkẹ. Â nyị ẹẹva ini ezi anị ana aā hị́ Adiramẹrẹkị, ọnịrị Ịsarẹzẹrị. Ẹnịnị ệ tụ̀ ụhwọ, dị ẹ wụ̀ ọ nị. Ẹ sị ọ wụ, di e zwe ne hi ẹtẹ Ararati nị. Dị ozi anị ọsa ana aā hị́ Esahadoni rị ohinọyị dọ ọ ịrẹsụ nị.

Ijeremaya 49:16

Ẹngụ awụ nịnị ọnị waa sịị tụ ẹba, ọ sị wụ nịnị vene. Ẹ yị nyị ọza ene kuku è hí angwa awụ nịnị anka ụ me rò o nịnị. Waa na ra ịnị anaha ịrẹta nịnị, ịrẹsụ ataba. Ama Ẹnẹyịmavara kà, wàa daka na ra ẹbẹẹba huu anka inomi ana aā hị́ ọkasịmẹ avọọ, ọnị vee tura wụ nịnị hụụ ịzọọ vaa nyẹtẹ nị.

Ijeremaya 50:32

Ẹkụra awụ nịnị ana maanị aa sị ẹngụ anịị tụ ẹba aanị vaa vangga, dị ọ sẹ ẹdụ. Ẹ́ yị nyị ọza ana vaa sị ọ kwẹẹtẹ. Ọnị vaa jị ịraa dá ẹkụra-ẹkụra ene hi ịnị anị, dị ịra ọnọọ vu avaba ịsa ana kara a ẹtẹ.

Ezikẹẹrị 28:17

Wâ sị ẹngụ tụ ẹba agụvị ka wee zoza, dị ọ̀yị ngụrẹyị ọnị ụ ngụrẹyị mẹ ka wa kụkụụ mẹ̀ ebira anka ọnụra avọọ nị. Ọsọnị ọ mẹ ka ọnị ọ̀ tụ̀ wụ okoko va nya ẹtẹ nị. Ọnị ộ sị ịrẹyị awụ kà ohinọyị ana vọ nịnị ọnọ.

Ezikẹẹrị 29:9

Ijipiti vaa tụ́ osusu, di wa yẹ nịnị ka ọnị ọ vị Ẹnẹyịmavara nị. Ọ kà agụvị ka ụ ka ẹ wa nyị irehu Ịnayịrị nị. Ụ ka ẹ wa hyakụ mẹ̀ ẹ nị,

Ịdanịyẹrị 11:12

Ịjị ọ̀ọ maanị sị ọkọnị aza ẹnẹnị za, dị ọ kụkụ e wu zị agụvị ka ọnị ọ raa nyị ẹbẹẹba. O re vee wu agụvị aza ọnị ọza ẹ yị zụ za ịrịka ọnị ọ wụ̀ va ha. Ama ẹ yị vavọọ va zụ nyị ẹbẹẹba pooro.

Ịdanịyẹrị 5:22

Dị Ịdanịyẹrị rẹ ka, ẹwụ ozi anị Iberisaza ộ maanị yẹ avaba ịrẹyị ẹnẹnị ama wẹ yị va hụvị avọọ kà ẹngụ awụ chi.

Ịdanịyẹrị 5:24

Ọ kà agụvị avọọ Ohomorihi tụ ụvọ ọnọnị ka ọ̀ va chẹrẹ ịsa ẹnẹnị nị.

Imatiwu 26:74

Dị Ipita kwẹẹtẹ, di ee chìi hi ẹngụ anị, dị aa hyeku nị, dị ọ ka, “Mẹ yị yẹ ọza ọnọọ!” Kẹnẹ, dị ụkọkọrọ nowu nị.

Iruuku 14:9

Dị ọza ana hị́ ẹwụ nịnị ẹyịva vẹ, dị ọ ka: ‘Sị aha yị ọza ọnọnị!’ Dị ụ kụkụ sị ụhị-ụhị aa naa yaayịtẹ aha ene weyi hu keekere.

Aniroomi 11:20

Ịzẹyịza yọ. Ẹnịnị ẹ yị sị ayị tụra Ohomorihi, agụvị avọọ Ohomorihi dà wa kwooze nị. Ộ sị ẹwụ nịnị va tụ́ udi ẹnịnị, agụvị ka ẹwụ nịnị ộ sị ayị tụra Ohomorihi. Asị ụ na sị ọnọọ mẹ eyi zịịzị nịnị, ama â vọrọ ka wa nyị angwahi nịnị!

1 Itimoti 3:6

Ọza ana vaa vị ọdọvịdị, áa vọrọ ka ò si kù ọnị ọ sị ayị tụra Ijeesu. Àyị vị avọọ, dị aa mẹ eyi, dị aa sị ẹngụụ tụ́ ẹba, dị Ohomorihi jị ịvị yọ, anka ọ mẹ̀ jị ịvị yị Echu avọọ.

Ọdọvịdị 11:28

Ama ohinọyị Anamọnị ẹ yị dọ ịrẹyị ọnị Ịjẹhwịta maanị tụ na ka yị ọ aanị.

1 Ịsamụwẹrị 17:42

Dị Anihwirisiti ọnọọ kana eyi, di o re Idevidi dị ọ maanị si eyi ịyẹyẹ re e nị. Ô re ka ozweyi ọ vị nị, di o re vi, di o zoza nị.