Ụhịrẹyị 16:17 - IWE ỌNỊNỊ

¹⁷ Ọza ọyịza vị ene zwe yi odivi, ọza ana sị ụvọ za ẹngụ anị vị anaa dọ ẹngụ anị tụ́.

Ụhịrẹyị 16:17 ပူးပေါင်းရင်းမြစ်များ

Ijoovu 1:1

 nyị ụmẹ ọnya ịnị ẹtẹ Uzi ana a nyị ọnọrụ ọnya aanị ọnị ịrẹha anị rị Ijoovu. Ọza anaā mẹ̀ ebira ana vọrọ dị ẹ̀ yị mā mẹ ịrẹyị ọhịmị ọ vị nị, ka oo hí angwa Ohomorihi ẹ̀ yị mẹ̀ ebira odivi.

Ụhịrẹyị 10:9

Ẹ yị nyị ịsị ee chire ọza ana aā mẹ ịrẹyị ana vọrọ angwa ama ụvọ vee ku ọza ana a mẹ asuvu.

Ụhịrẹyị 19:16

Ọza anaa saasa ọda Ohomorihi vị enee ku orubo, ọza anaa sị eyi wụ́ ịrẹyị anị vene vee su ne ta.

Ụhịrẹyị 21:23

Wàa sị irenu awụ kwoku, wẹ yị vaa ngụ ịrẹyị.

Ụhịrẹyị 22:5

Akanya ọnịrị ẹngụkata irenyi-irenyi vi ene zi ọza ọhịmị. Ọza ene sì ịrẹyị ẹhẹ anị vi eneē zwè yị ịrẹyị.

Ụhịrẹyị 4:23

Sị eyi pe ẹtẹ ụ mẹmẹ e ro ịrẹyị. Ọza mee ro ịrẹyị ọọ ra ẹhẹ anị nị.

Ayịsaya 35:8

A vaa nyị oze ọbanyị ọnya ịzọọ, ana a hị́ “Oze Ọnịnị”. Aza ana aa mẹ̀ ebira odivi ẹ yị vaa zị oze ọnọọ pàá. Aza edivi ana aa mẹ ụra ẹ yị vaa zị oze ọnọọ.

Imatiwu 24:13

Ama ọza ana àa sị ẹngụ dọ ọ pooro ne tù ẹzẹtẹ, ọnị a vaa dọ ọ há nị.

Odeyi 10:35

Ọza ene èe hí angwa anị, dị ọ mẹ̀ ịsa ana vọrọ nị, vị Ohomorihi aa dọ ọ nị, anẹkụra tụra anẹkụra ọnị ọ̀ọ vị.

Odeyi 24:16

Dị maa sịị vụrị ka me re ka ayị amị ộ nị ọ́vịdị Ohomorihi ọnịrị aza nị.

Anihiburu 10:39

Ama ẹyị ẹ yị vị ẹngụ aza anaā kà a nọ ịrẹma, dị è ne vu ẹtẹ. Ama ẹyị aa yịị sị ayịị tụra Ohomorihi, ka asị ụhwẹ ayị vú.

Ijudi 1:21

Sị ẹngụ awụ nịnị tụ́ ịnị ụvọ Ohomorihi, dị ụ wa tamayị ka ô sì ịrẹyị awụ nịnị, ụ mẹ jẹẹ ee zí ụmẹ ọnị Ijeesu Ikirisiti Ananyị yị vaa vẹ ịnị ayamva anị, dị ọ̀ va sị wụ nịnị ne pe ẹngụ ị́dị anị pooro zịna-zịna.

Ijudi 1:24

Ohomorihi ọ nyẹngụ sị eyi pe wu nịnị ka asị ụ hyẹdụ hụụnị oze anị; dị ọ sị́ wụ nịnị va tụ ịdị anị ịnị ụbanyị anị, wẹ́ yị vaa nyị ịvị vụrụ-vụrụ ịzọọ nịnị, dị ayị awụ nịnị ee hine ẹtẹẹtẹrẹ.

Ẹtore 3:10

Wa raà sị eyi pe ịrẹyị amị ọnị mị kà ka wa nyị isuuru; agụvị avọọ ẹmị rẹ vaa dọ ẹwụụ tụ́ụ hụụnị ụyọrị ana aa vẹ ịrẹsụ avaba anẹhẹ vaa zama avaba aza ene hi ịnị ẹhẹẹ re.