Ụhịrẹyị 15:32 - IWE ỌNỊNỊ

³² Ọza eneē yi ka ọnị ẹ mā kọsẹ vị anaā mẹ ẹngụ anị ọnya, ama ọza anaā dọ ka àa tụ ọnị ohuvọ vị anaā yẹ́ ịrẹyị hu avọọ.

Ụhịrẹyị 15:32 ပူးပေါင်းရင်းမြစ်များ

Ahẹ Ụgama 50:17

Ohomorihi ka aza ẹnẹẹ ẹ yị zẹẹ ka ẹnị ẹ̀ dọ ịrẹyị anị tụ́ ịzọọ, dị ẹ yaa sị ụvọọ kụ́ ịrẹyị anịị hi eyi ụvọha.

Ụhịrẹyị 1:7

Ịrẹyọyẹ vị ene nyima hụụnị angwa Ẹnẹyịmavara oyi hi. Ọnụra kẹnẹ ọọ̄ sị eyi wụ̀ ịrẹyọyẹ ọnịrị ajuwe ọza nị.

Ụhịrẹyị 10:17

Oō zee yị ọza ana wụ́ ịrẹyị ọza nị ama irezi ene vu ọ mā wụ eesi.

Ụhịrẹyị 13:18

Ọza ana ka ọnị ọ mā wụ́ ịrẹyị ọza vi ene e re, dị ụhị a nyị ọ, ama ọza anaā wụ́ ịrẹyị ọza vi ana nyị ụbanyị.

Ụhịrẹyị 15:14

Ọza ana yẹ ịrẹyị vi ene sì ka ọnị ọ yẹ huu avọọ ama ọnụra vị anaa va ụva ụra.

Ụhịrẹyị 15:21

Ọnụra vị ana ayị anị hine tụ ịnị ụra ana aa mẹ̀ ama ọza ana yẹ ịrẹyị vị anaa mẹ̀ ịsa ana vọrọ.

Ụhịrẹyị 15:31

Ọza ana tụ ohuvọ ka ẹhẹ anị ò zoza, dị ọ dọ vị ana vaa yẹ́ ịrẹyị.

Ụhịrẹyị 15:33

Ọza ọ̀ọ hí angwa Ẹnẹyịmavara vị a kọsẹ ịrẹyọyẹ nị. Ọza ana ka ẹngụ anị chi vị ana aā sị ụbanyị yị.

Ụhịrẹyị 15:5

Ọnụra kẹnẹ ọọ sị eyi wụ́ ịrẹyị ada anị nị, ama ọza ana yẹ ịrẹyị vị ana a dọ ịrẹyị ada anị wụ.

Ụhịrẹyị 17:16

Sị ẹ vẹ dị ọnụra à sị ẹkẹhị rị ụvọ ka a ná ịrẹyọyẹ yị ọnị, ịrẹma ọnị ọ ka ọnị ẹ yị kọsẹ.

Ụhịrẹyị 18:15

Aza ana yẹ ịrẹyị vị eneē sì ka ẹnị ẹ̀ẹ wụ́ ịrẹyị ịrẹyọyẹ dị ẹnị ẹ̀ẹ kọsẹ.

Ụhịrẹyị 19:20

Wàaa dọ ajuwe dị ụ tenyi ẹngụ ka waa kọsẹ nị, ụhụhwọọ ụ vaa yẹ ịrẹyị.

Ụhịrẹyị 29:1

Ọza anaa ka ọnị ọ mā dọ ohuvọ ọza, vị ana jị obo nee vu.

Ịrẹyị Ọzwọzịsa 7:5

Aza ana yẹ ịrẹyị ẹ̀ẹ tụ ọza ohuvọ o zoza hu ka ọnụra nịnị ẹẹ jị ahẹ gono ọza nị.

Ayịsaya 1:5

Sị ẹ vẹ dị waa yịị mẹ̀ ebira odivi hu avọọ nịnị? Aanị ka u wee sì ka à sịị sị ụyaa rị wụ nịnị hu avọọ nị? Ịrẹsụ awụ vị ụnava-ụnava, ewu aa vaa za ẹwụ nịnị ịnyẹmba.

Ayịsaya 3:9

Ẹ́ mẹmẹ ee re ẹtẹ ộ hyakụ sị zụ̀ ka ẹngụ ebira ẹnị ẹ yaa mẹ ọ vị ọnọọ nị. Ebira odivi ẹnị ẹ yaa mẹ ọ vị ọnọọ nị. Ebira odivi ẹnịnị vị ẹnị ẹ kụ́ tụra eyi anka Anisodọmị avọọ, ẹnịnị ẹ yị sị tẹ vụrụ-vụrụ. Ẹ sị dà ẹnị ụvọta ẹ sị ụvọ tura ụya ve kú ẹngụ ẹnịnị nị.

Ijeremaya 5:3

Ịzẹyịza, Ẹnẹyịmavara vị enee sì ka aza ẹẹ mẹ ịzẹyịza. Ộ nya wụ nịnị ịsa, ama ụ yị ka wẹ yị wụ́ ịrẹyị nịnị. Ộ sị ụya rị wụ nịnị ama we yi ka wẹ yị kọsẹ nịnị. Anayọkatẹngụ ụ vị nịnị nị, ụ ka wẹ yị và hụụnị ebira odivi awụ nịnị.

Iwe Ọhụhị Imosiisi ana aa hị́ Ọyịvatụrọda 21:18

Ọza ọ̀ọ ma ozi ana nyị ayị ọkatẹngụ, dị ẹ̀ yị ma wụ́ ịrẹyị ada anị ọnịrị ọnyị anị, ẹ̀ẹ da ka sị ụya rị ọ pooro nị.

Iwe Ọhụhị Imosiisi ana aa hị́ Ọyịvatụrọda 21:20

Ẹnịnị ẹ̀ kà a yị ọdọvịdị ẹkụra ẹnẹẹ ka ozi eyi yị; ayị anị ộ katẹngụ, ẹ yị ma wụ́ ịrẹyị ọza. Ọnịnọbanyị ọ vị nị, di o rẹ vị ohweche nị.

Anihiburu 12:15

Sị eyi pe ẹngụ awụ nịnị, agụvị asị a nyị ọza ana ahịka ọ rẹ̀ vaa dọ ayamva Ohomorihi! Asị a rẹ nyị ọza ana na yà anka ẹpa ọchị ọnyịrẹyị ana ha dị ọ̀ọ kụ́ ịrẹyịị hi ẹtẹ! Ẹngụ aza ẹnẹẹ vee du aza ọrụrụ-ọrụrụ ẹngụ.

Ijemiisi 1:22

Asị u vene ẹngụ awụ nịnị, dị ahịka ụ waa wụ́ ịrẹyị ọnọọ kẹnẹ nịnị nị; wa rẹẹ mẹ̀ ẹ nịnị bẹẹ.

Ẹtore 3:19

Avaba aza oni mi sì ịrẹyị anị vị oni miī tụ́ ohuvọ, dị mị sị ụya rị wa. Agụvị avọọ re ka wáa kụ́ ẹngụ hi ọọ, di u we ro ịnẹ varẹma.