Ụhịrẹyị 15:29 - IWE ỌNỊNỊ

²⁹ Ẹnẹyịmavara wụ́ aduwa aza ọyịza, ama aza edivi vị ọnị ọọ̄ sị eyi jịnẹ.

Ụhịrẹyị 15:29 ပူးပေါင်းရင်းမြစ်များ

Ijoovu 35:13

Ịzẹyịza, Ohomorihi ẹ́ ma wụ orere kẹnẹ-kẹnẹ, Ohomorihi Ochẹtẹẹngụ.

Ahẹ Ụgama 10:1

Ẹnẹyịmavara, ịrẹyị o tù yị aanị nọ Navọ asị ụ sị ẹngụ tẹ Aarịhịnị navọ wa kà pè yị.

Ahẹ Ụgama 138:6

Ịzẹyịza Ẹnẹyịmavara vị ana yà ẹbẹẹba, ama ọ yị kà ka ẹ yị nyị ịzị ịrẹyị onosiye gẹ ọnị. Aza ana aa mẹ eyii zi ẹ yị zụ kà ka wẹ yị yẹ ịsị ẹnị aa mẹ.

Ahẹ Ụgama 18:41

E yee nowu, ama e yi re ọza ba wa owu Ê nowu na za Ẹnẹyịmavara ama o yi tụ́ wa ohi.

Ahẹ Ụgama 73:27

Aza ẹnẹ ẹ̀ yị gụrị ẹwụ vi ene vee vú ẹtẹ. Avaba aza ẹnẹ ẹ̀ yị sị ịnẹ zụ̀ wụ vị ọnị ụ vaa wụụ vaa ha.

Ụhịrẹyị 1:28

Ịrẹyọyẹ kà, ẹ́ vaa hị́ ọnị ịnị ụmẹ ọnọọ, dị ọnị e yi tu wa ohi. Ẹ vaa sị avaba ẹngụ-ẹngụ si ọnị, di e yi re ọnị.

Ụhịrẹyị 15:30

Eyirẹsụ ọza anaa jẹ ịrajẹ vị anaā sịị ayị ọzaa hine, dị enube ọyịza ọnị ọza wụụ mẹ ka ẹngụ ọza òo hi ahị hu avọọ nị.

Ụhịrẹyị 15:8

Ẹnẹyịmavara ọ nyị ịhyẹrẹ ịsọvọ ọza ọhịmị ama ọọ̄ wụ́ aduwa ọza ọyịza.

Ayịsaya 59:2

Eyee, ịvị awụ nịnị ọ vị ọchị jị oze ịnị akakana ẹwụrị ọ nị. Ebira odivi awụ nịnị ọ ha ẹwụrị Ohomorihi hi, dị ẹ yị zụ wụ̀ nịnị nị.

Imatiwu 25:46

Dị aa kụ́ aza ẹnẹẹ ne hi ịnị ụyọrị ẹnẹ ẹ̀ yị mā ta pooro zịna-zịna, ama dị ọnịrẹyịzẹyịza nịnị ẹnị aa nọ ịnị ẹhẹ ẹnẹ ẹ̀ yị mā ta pooro zịna-zịna.”

Ịjọọnụ 9:31

Yâ yẹ ka Ohomorihi ọ mā sị ụtọ pe ịrẹyị ọnịvị. Ọza ana àa hẹkẹ Ohomorihi, dị ọ raa mẹ̀ ịsa oni Ohomorihi sì nị, ọnị Óhomorihiī sị ụtọọ pe nị.

1Ipita 3:12

Ananyị yịị̄ sị eyi pe ọnịzẹyịza, ọọ̄ sị ụtọọ pe wa ẹ̀ẹ yaa dá ịpẹ. Ama ọọ̄ và eyi ịrazịị kà aza anaa mẹ̀ ịsa odivi.