Ụhịrẹyị 15:25 - IWE ỌNỊNỊ

²⁵ Ọza anaā sịị ẹngụ tụ ẹba vị ọnị Ẹnẹyịmavara gara irehi anị, ama ogu osoku vị ọnị oō sere.

Ụhịrẹyị 15:25 ပူးပေါင်းရင်းမြစ်များ

Ijoovu 24:21

Avọọ e me ve re nị agụvị ka ẹnịnị ẹ yị vayị yị osoku ọnịrị ọbọrị nịnị.

Ahẹ Ụgama 10:14

Ohomorihi, wee re aza ana aa rị ụya di e hi ịnị ẹngụkata Mâ yẹ ka ụ vaa gụ wa ụvọ Ọnụyọrị nịnị vị ana sị ẹngụ ẹnịnị chire wụ ụvọ Ẹwụ a gụ ezi-oku nịnị ụvọ nị.

Ahẹ Ụgama 138:6

Ịzẹyịza Ẹnẹyịmavara vị ana yà ẹbẹẹba, ama ọ yị kà ka ẹ yị nyị ịzị ịrẹyị onosiye gẹ ọnị. Aza ana aa mẹ eyii zi ẹ yị zụ kà ka wẹ yị yẹ ịsị ẹnị aa mẹ.

Ahẹ Ụgama 146:9

Ẹnẹyịmavara vi ene ree sere ọzọga, ọnị aa mẹ ọgụvọọ yị ozi oku ọnịrị osoku nị. Ama ịsa ana aza edivi ee ro vị ọnị ọ vaa dọ waa gara.

Ahẹ Ụgama 52:1

Sị ẹ vẹ dị waa sị ebira odivi wo oto ẹwụ ene ro ka wâ nyị ụkata? Sị ẹ vẹ dị ụ maanị ee wo oto pooro wáá yẹ ka wa sị tẹ ini eyi Ohomorihi?

Ahẹ Ụgama 52:5

Ohomorihi vị ana vaa sị wụụ hụụnị ajẹngụ awụ dị ọ mẹ ka awụ ọ̀ ta ịnị ẹhẹ pàá.

Ụhịrẹyị 12:7

Ẹnẹyịmavara oō vu aza ọhịmị ẹtẹ nị ama ovwoovu aza ọyịza o mē vu.

Ụhịrẹyị 14:11

Ovwoovu ọza ọhịmị ọ yị vaa nọ orubo ama ovwoovu ọnịzẹyịza vị ọnị o vee zee yị.

Ụhịrẹyị 15:26

Ịsị eenyisi aro aza edivi vị yị Ẹnẹyịmavara nị, ama ịrẹyị irenu aza ọyịza vị enee hine e ayị.

Ụhịrẹyị 23:10

Asị ụ tụ̀ ịsa ọnị ohiku sị tọ ẹtẹ ẹhwị, dị asị ụ dọ ezi-oku nịnị ẹtẹ.

Ayịsaya 1:17

dị waa mẹ̀ ebira ene zoza. Na sị ụvọ hụụnị amẹrị. Wèe re ka aa chamayịị yị ọza, ụ na gụ ọ ụvọ. Asị ụ rẹ mẹ ehuna yị ozi oku. Ọza aa mẹ ehunaa yi osoku dị ụ na dọ ọ tụ́.

Ayịsaya 2:12

Ẹnẹyịmavara ọ nyị avaba ụkata nị. Ọ raà jị ẹkụhị ọnya tịtẹ. Ịhị ọnọọ ọ vaa za avaba aza ene ee wu ịka zị dị ọ kà wa chi, dị ọ mẹ̀ ụhị nyị wa.

Ijeremaya 5:28

Ẹnịnị ẹ ta banyị dị ẹ ta swa nị. Ebira odivi ẹnịnị ẹ ma nyị ẹhwị. Ẹnịnị ẹ ma mẹ̀ ọkarẹyị ịzẹyịza yị ezi-oku nịnị ka ụ vị ò zee yị wa. Ẹnịnị ẹ ma mẹ ịzẹyịza hi aza anaa rị ụya.

Ịdanịyẹrị 5:20

Ama agụvị ka ô nyima aa sị ẹngụ tụ ẹba, ọza ẹ yị kụkụ zụ ka ịrẹyịị yọ, dị ọ ra a mẹ̀ ebira odivi nị, Ohomorihi ộ dụ ọ hụụnị ohinọyị anị nị, dị ọ rẹ dọ ọ ụbanyị anị nị.

Iwe Ọhụhị Imosiisi ana aa hị́ Ọyịvatụrọda 19:14

Asị u hu ọtẹhwị ẹtẹ ọnọhụva awụ hụrẹ udi anị ọnị anịyẹẹyẹ sị tẹ ẹhwị ẹtẹ ọnị Ẹnẹyịmavara Ohomorihi awụ nịnị aa sị yị wụ ka ọ vị awụ nịnị.

Ijemiisi 1:27

Ahẹkẹ obooro ana gụ ini eyi Ohomorihi Ada ayị yị: Mẹ ọgụvọ yị ozi oku nịnị ọnịrị osoku nịnị, ẹ̀ẹ yaa rị ụya; asị ụ rẹ zẹẹ ka ịsa edivi ene hi ịnị ẹhẹ ọnọnị è du wu ha.

1Ipita 5:5

Ẹwụ nịnị ezweyi bẹẹ, re ka waa ka ịrẹsụ hi yị azọkụ nịnị. Avaba awụ nịnị ọ̀ọ sị ụbanyị yị ẹngụ nịnị, dị ụ waa sị ịrẹsụ ọkahii mẹ awuru chire nịnị, agụvị ka Iwe Ohomorihi ộ kà a ka: Ohomorihi ó yi sì aza anaā sịị ẹngụụ tụ́ ẹba, ama ọọ̄ mẹ̀ ọyịzaa yị aza anaā kà ẹngụ ẹnịnịị chi.