Ụhịrẹyị 15:21 - IWE ỌNỊNỊ

²¹ Ọnụra vị ana ayị anị hine tụ ịnị ụra ana aa mẹ̀ ama ọza ana yẹ ịrẹyị vị anaa mẹ̀ ịsa ana vọrọ.

Ụhịrẹyị 15:21 ပူးပေါင်းရင်းမြစ်များ

Ijoovu 28:28

Dị Ohomorihi ka yị ọza ka: ịzẹyịza, ọza ọ̀ nyị angwahi anị ọ vị ịrẹyọyẹ nị. Ọza ana va hụụnị ebira odivi ọ yẹ ịsa aa mẹ nị.

Ahẹ Ụgama 111:10

Ọza ọ̀ọ nyị angwahi Ohomorihi, o si nyima aa yẹ ịrẹyị. Avaba aza ana a saasa ọda anị vi ana nyayịnẹ ẹ yẹ ịrẹyị Ohomorihi a vọrọ ka àa kụ́ avọ pooro zịna-zịna nị.

Ụhịrẹyị 10:23

Ebira odivi vị ene hine ọnụra ama ebira ịrẹyọyẹ vị ene hine ọnịrẹyọyẹ ayị.

Ụhịrẹyị 11:12

Ọnụra oo du ọza nị ama ọza ana yẹ ịrẹyị vị ana a sị ụvọ za irenu anị.

Ụhịrẹyị 14:16

Ọza ana yẹ ịrẹyị vị ene e zwe yị ịrẹyị ama ọnụra vị ene zwe huuru na gẹrị ọ.

Ụhịrẹyị 14:8

Ịrẹyọyẹ ọyẹrẹyịị̄ sịị mẹ̀ ẹhẹ anị nị, ama ọnụra vị anaā sịị ụraa vene ẹngụ anị.

Ụhịrẹyị 14:9

Ọnụra vị anaā sịị irenu kụ ebira odivi ha ama ayị Ohomorihi vị eneē hine tu aza anaa mẹ̀ ịsa ana vọrọ.

Ụhịrẹyị 15:22

Ọza ọnị ẹ yị dọ ajuwe ọza vị anaa hyẹdụ, ama ọza anaa dọ ajuwe aza ọ yị me nyee eyi.

Ụhịrẹyị 4:25

Navọ ịsị ụ và tụ ọvịdị kẹnẹ ọ jị wụ areyi.

Ụhịrẹyị 4:26

Sị eyi pe oze ọnị waa zị, agụvị wa yẹ ịsị waa mẹ.

Anẹhwẹsọsị 5:15

Agụvị avọọ sị eyi pe ẹngụ awụ ịnị avaba ebira ọnị ụ waa mẹ nịnị! Asị ụ rẹ̀ mẹ anka aza ẹnẹ ẹ̀ yị nyị ịsị ẹ yẹ; ama waa mẹ̀ ebira ọza ana yẹ ịrẹyị nịnị!

Ijemiisi 3:13

Àa nyị ọza ana ka ọnị ọ́ọ yẹ ịrẹyị, ene eyi anị hweyi ịnị ẹngụ awụ nịnị, ọza ọnọọ ọ̀ mẹ̀ ebira ozoza, dị ọ̀ rẹ ká ịrẹsụ hi. Ịrẹsụ ọkahi ọnọọ ọ vaa sị zụ̀ ka ọ́ọ yẹ ịrẹyị nị.