Ụhịrẹyị 15:10 - IWE ỌNỊNỊ

¹⁰ Ẹnẹyịmavara vaa pa ịva yị ọza anaa mẹ̀ ebira odivi, ọza ọnị ẹ mā dọ ịrẹyị ọza wụ vị enee vú ẹtẹ.

Ụhịrẹyị 15:10 ပူးပေါင်းရင်းမြစ်များ

1 Ohinọyị 18:17

Ahabị mè re Erija, dị ọ ka, “Te! Erija, ẹwụ ana maanị aa kụ́ ẹngụkata tù Anisirẹrị wáá yị?”

1 Ohinọyị 21:20

Ịjị Erija maanị na kà ụtụ yị Ahabị, dị Ahabị tụ́ ohi dị ọ ka, “We re si mi ree, ẹwụ ọnịvị amị?” Di Erija ka, “Hiin, me si wu re, agụvị ka wa sị ẹngụ awụ ná tụ́ ini ebira odivi ọnị waa mẹ ini eyi Ẹnẹyịmavara.

1 Ohinọyị 22:8

Di ohinọyị Anisirẹrị kà a yị Ijehosahwati dị ọ ka, “A nyị nyị ọza ịnya ana vọ ọnị ị zụ họ̀ use ka Ẹnẹyịmavara mẹ̀ kà. Ama ayị ọnọrụ ọnọọ vị anaā kụ́ mị, agụvị ka ọ mā kà ịsẹ ọyịza mị, à yị vị odivi. Ọnọrụ ọnọọ ọ vị Imikaya ana vi ozi Imira nị.” Di Ijehosahwati va kà a yị ohinọyị dị ọ kà, “Asị ụ vavọọ kà dè, ohinọyị.”

Ijoovu 34:27

Ẹnịnị é yi ka ẹnị ẹ yị saasa a, dị ẹ si eyi wụ̀ avaba ọda anị nị.

Ahẹ Ụgama 50:17

Ohomorihi ka aza ẹnẹẹ ẹ yị zẹẹ ka ẹnị ẹ̀ dọ ịrẹyị anị tụ́ ịzọọ, dị ẹ yaa sị ụvọọ kụ́ ịrẹyị anịị hi eyi ụvọha.

Ụhịrẹyị 1:25

Ẹnịnị ẹ yị mā dọ ịrẹyị ọza tụ ịzọọ. Ẹ yị mā dọ ka aa tụ ẹnị ohuvọ.

Ụhịrẹyị 1:30

Wẹ yị dọ ịrẹyị ọza tụ ịzọọ. Àa tụ wụ ohuvọ, wẹ yi mā wụ.

Ụhịrẹyị 10:17

Oō zee yị ọza ana wụ́ ịrẹyị ọza nị ama irezi ene vu ọ mā wụ eesi.

Ụhịrẹyị 12:1

Ọza anaā dọ ohuvọ ọọ yẹ ịrẹyị nị ama ọnụra vị anaa nyị ịhyẹrẹ ohuvọ.

Ụhịrẹyị 13:1

Ozi ana yẹ ịrẹyị vị anaā wụ́ ịrẹyị ada anị, ama anaamọvị ọ mā dọ ka ọnị o nyeeyi.

Ụhịrẹyị 15:11

Ẹnẹyịmavara mẹ re avaba ịsa ana na ịda aneku, avọọ o me re ré ayị ọzọza nị.

Ụhịrẹyị 15:9

Ẹnẹyịmavara ọ nyị ịhyẹrẹ ọza ana a mẹ̀ odivi ama o sì ịrẹyị ọza anaa mẹ̀ ịsa ana vọrọ.

Ụhịrẹyị 23:35

Ohweche kà, â nya mị ịsa ọ yị zị mị. Ê tú mị, mẹ yị hyakụ yẹ. Ịjị maa ha, di me ne hú eche ọsa kẹ.

Ụhịrẹyị 5:12

Ịjọnọọ dị ụ kụkụ aa su ụmayịyẹ ka wẹ yị vịdị dọ ịrẹyị ọza tụ ịzọọ.

Ijeremaya 2:17

Ẹnẹyịmavara kà, Anisirẹrị, ẹwụ nịnị ọ kụ ọsọnị tu ẹngụ awụ nịnị nọ. Ka vị ọnị Ẹnẹyịmavara ana vị Ohomorihi awụ nịnị aa zụ ụ nịnị oze dị ụ vana và hụrị ọnị ịrẹma nịnị kẹnẹ nị.

Ezikẹẹrị 33:9

Ama ọnị ọ̀ọ ka ọza odivi ọnọ, dị ẹ̀ yị hụụnị ebira odivi ọ̀ yị mẹ nị, ọza ọnọọ vee sú isu ebira odivi anị, ama ọnị vaa há.

Ịjọọnụ 3:20

Ọza anaā mẹ̀ ịsa odivi, o mē sì ịrẹyị ẹtohweyi, ọ mā rẹ vẹ ịnị anị, agụvị ka e ve re ịsa odivi ana aa mẹ.

Ịjọọnụ 7:7

Anẹhẹ ẹ yị zụ nyị ịhyẹrẹ awụ nịnị, ama ẹyaa nyị ịhyẹrẹ ẹmị, agụvị ka mịị̄ kà a yị wa ka ẹ yaa mẹ̀ ịsa odivi.