Ụhịrẹyị 14:32 - IWE ỌNỊNỊ

³² Ebira odivi aza ọhịmị e vu wa ẹtẹ nị ama ebira aza ọyịza ọọ̄ dọ wa tụ nị.

Ụhịrẹyị 14:32 ပူးပေါင်းရင်းမြစ်များ

Oyinyima 49:18

Ẹnẹyịmavara ẹwụ m mee zi ka ọ̀ va dọ mị ha nị.

Ijoovu 13:15

Ohomorihi ọ̀ọ daka aa wụ ọnị, ẹ́ yị nyị ịsị ọsa ọnị ọnị aa tụra eyi, ẹ̀ vị ọnị. Agụvị avọọ ọnị aa kụ irenu anị eyi anị aanị nị.

Ijoovu 18:18

Vị́ a vaa dụ wa hụụnị ẹhẹ ọnọnị, dị a dụ wa hụụnị ẹtohweyi na và hi ịnị ịrahụ nị.

Ahẹ Ụgama 16:11

Ụ vaa sịị zụ̀ mị oze ana vọrọ ka ma zị dị ma yàra Màa yà ịda awụ, ọnọọ vaa mẹ ka maa jẹ ịrajẹ dị ịnẹ amị òo hine pooro kẹnẹ nị.

Ahẹ Ụgama 17:15

Ama emi vee re wu agụvị ka wâ yẹ ka mẹ yị mẹ̀ ebira odivi Màa sị há ini uhwoto awụ, ọnọọ vaa há mị ịnẹ.

Ahẹ Ụgama 23:4

Màa daka a zị ụsẹ aha odivi ịnị ụmẹ odivi me yi vee hí angwa ka â nyị ịsa odivi ana vaa mẹ mị Mâ yẹ ka Ohomorihi vị ana yà pè mi Arubebe anị ọnịrị okutẹ anị eni eē sii sere mi ọ̀ sị ayị amị nẹtẹ.

Ahẹ Ụgama 37:37

Tangwa sị eyi pè aza ana aa mẹ̀ ebira ana vọrọ dị ẹ̀ yị mā mẹ akụvị ẹngụ aza ana vavọọ aa mẹ̀ ebira ozoza ệ nyị ẹhẹ tụ́ ịrẹma.

Ahẹ Ụgama 58:9

Ohomorihi, dị ẹ̀ va yẹ ka ịrẹyị ee vee tù ẹnị, navọ wa gara wa va ha chẹkẹchẹkẹ dị wa sị ọyịkụ-ọyịkụ kụ́ wa kwooze.

Ahẹ Ụgama 73:24

Wee pè mi juwe ana mẹ ka asị mi nyeeyi, mâ yẹ ka ụ vaa dọ mịị pè ẹngụ, dị ụ sị ụbanyị mị ịnị ụmẹ ọdịrẹma.

Ụhịrẹyị 11:5

Ịzẹyịza vị ana mẹ̀ ẹhẹ ọnịzẹyịza rọọ ẹngụ ama ebira odivi ọza ọhịmị aa tana yị usu nị.

Ụhịrẹyị 14:33

Ọza ana yẹ ịrẹyị vị eneē ro ịrẹyị ama ọnụra ẹ yị nyị ịrẹyọyẹ.

Ụhịrẹyị 24:16

Ọnịzẹyịza ọ̀ọ hyẹdụ pooro, ọ vaa kwẹẹtẹ ama akanya vi ene vee vu ọza ọhịmị ẹtẹ.

Ụhịrẹyị 5:22

Ebira odivi aza ọhịmị vị anaa va ịrẹpa ee zi wa. Ebira ịvị ọnị ẹ yaa mẹ̀ ọ vị ọha ana za wa nị.

Ụhịrẹyị 6:15

avọọ, odivi vị ana sụ wa avaavo, dị ẹ yị zụ ha.

Iruuku 2:29

“Ananyị mị, ẹmị ozi ahụ awụ ọ̀ọ kụkụ aa na booro aanị, ẹngwọọrọ ọ vị nị, agụvị ka ịsị ụ ka waa mẹ, wa sị ọọ mẹ.

Ịjọọnụ 8:21

Dị Ijeesu rẹ kà a yị wa ka, “Maa vaa na nịnị, u vee sì mi nịnị, ama di u sú tụ́ ịnị ịvị awụ nịnị. Ịzị maa nọ, wẹ yị va zụụ vẹ ịzọọ nịnị.”

Ịjọọnụ 8:24

Agụvị avọọ, mị kà a wụ nịnị ka u vee súu tụ́ ịnị ịvị awụ nịnị. Wẹ̀ yị dọ mị wụ́ nịnị ka ‘Ẹma vị Ẹmị’ nị, vi u vee súu tụ́ ịnị ịvị awụ nịnị nị.”

Aniroomi 9:22

Ohomorihi óo sì ka ọnị ọ̀ sị zụ̀ aza ẹnyị ka ọnịị̄ kụ́ ayị, dị ọnị rẹ nyị ụkata nị. O si tù ka à wụ̀ aza ẹnẹẹ, ama Ohomorihi ọ nyị nyị isuuru ẹtẹẹtẹrẹ, dị aa yịị sị ẹngụụ dọ ịrẹyị ẹnịnị ọnọọ vaa kụ́ ayịị hi.

2 Anịkọrịntị 1:9

Ye si o ro ka a sị ọkarẹyị isu mẹẹ yị da. Ama ọsọnị vị ana mẹ ka à sị kụkụ sị ayị tụra ẹngụ ayị, ama ya sị ayị tụra Ohomorihi anaā ha okuu hụụnị isu.

2 Anịkọrịntị 5:8

Mị ka yâ nyị ayọnẹtẹ, ị hyakụ ee sì ka ya sị ọchẹngụ ayị ọnọnị tịtẹ, dị ya nọ ịdị Ananyị yị ana vị eehi ayị.

Anihwiripi 1:21

Àa vị ẹmị yọ, màa yára, dị mè yị nyị Ikirisiti nị, ẹ yị nyị ka maa mẹ̀ ẹhẹ. Màa va nyị Ikirisiti, di mi sú nị, ọgụ ọ vị mị nị.

Anihwiripi 1:23

Ịrẹyị ẹyịva vị ene ee tura mị ị zị oze eyi ẹnyị eyi ọsa. Ama ịsị mee sì ọ vị ka ma hụụnị ẹhẹ ọnọnị, dị ị ma na yà ịdị Ikirisiti nị; ọnọọ ọ vị ene zoza hu nị.

1 Anịtẹsaronika 5:3

Ịjị aza àa kà a ka ẹ́ yị nyị ịrẹyị vụrụ-vụrụ, dị ịrẹyị vana ngụ tù wa kẹnẹ anka ọnẹẹ ọnị ịrẹẹ aa zị avọọ. Dị ẹnịnị ẹ́ yị zụ há.

2 Itimoti 4:18

Ananyị yị rẹ vaa dọ mịị hụrẹ ụvọ avaba ịsa odivi, dị ọ sị mị hẹẹ na ngụ ịzị ọ yà aa mẹ ịjọva ẹ́bẹẹba. Ọnị ọ nyị ụbanyị pooro zịna-zịna nị. Aamị.

Ẹtore 14:13

Dị mị wụ́ ọngwẹ hụrẹ ẹbẹẹba vẹ, dị ọ kà a mị ka, “Chẹrẹẹ ka aza ene èe sú agụvị Ananyị yị hụrẹ ọyaanị na, vaa daa jẹ! Dị Ụhwẹ Ọnịnị tụ́ ohi ka avọọ yịị yọ nị; ẹnịnị vaa tụ́ ụhwọ́ ịnị ụkọrọ ẹnịnị. Ẹyaa dọ ọgụ ụkọrọ ẹnịnị.”