Ụhịrẹyị 14:20 - IWE ỌNỊNỊ

²⁰ Onosiye vị ọnị ọzọza nyị ịhyẹrẹ anị ama opisa vị ana nyị ọta tuturutu.

Ụhịrẹyị 14:20 ပူးပေါင်းရင်းမြစ်များ

Ẹsịta 3:2

Dị ohinọyị mẹ ọda ka avaba ezi ahụ anị ene ee sere oze ọbanyị ẹ̀ẹ vàa kú ẹtẹẹ kụ́ ọ nị. Ịzẹyịza di avaba ezi ahụ ẹnẹẹ aa vàa kú ẹtẹẹ kụ́ ọ nị. Ama Imodekaya ẹ yị dọ ka ọnị ọ̀ và ku ẹtẹ yị ọ, ụ ọnya aanị.

Ijoovu 30:10

Ẹnịnị ẹ nyị ịhyẹrẹ anị, dị ẹ da ẹtẹ tịtẹ yị ọnị, a vị ka ẹ va jị atẹ kụ ọnị.

Ijoovu 42:11

Avaba ẹyịnyara Ijoovu, anọrụ ọnịrị anẹẹ ne beri ọta anị nịnị ê ve pe e jẹ ịrajẹ ịda anị di e dudu rị ịsa vabẹ nị. Dị ẹ yaa zị ẹngụ yi ọ ịnị avaba odivi ọnị Ẹnẹyịmavara kụ́ tu ọ. Dị ọzọza sị ẹkẹhị ọnịrị igooru mẹ̀ ẹ ẹyịza nị.

Ụhịrẹyị 10:15

Ẹkẹhị ọọ̄ dọ ọnyẹkẹhịị tụ nị ama iruwa ọọ̄ wụ̀ onosiye nị.

Ụhịrẹyị 19:4

Òo zee yị ọza vị ọnị ọọ̄ nyị anda ama oo divi yị ọza, ọ́ ma nyị anda.