Ụhịrẹyị 14:19 - IWE ỌNỊNỊ

¹⁹ Aza ọhịmị vị ene vee hi ụvọ zi aza ọyịza. Ẹ vaa ya enoze aza ọyịza pa ịsa nị.

Ụhịrẹyị 14:19 ပူးပေါင်းရင်းမြစ်များ

Oyinyima 42:6

Ijosẹẹhụ ọ kụkụ sị eyi pè ẹtẹ Ijipiti nị. Ọnị aa ná ịsaa yị avaba aza ana àa vẹ ka ọnị àa vaa hị́ ịsa nị. Dị ẹnẹbẹnị Ijosẹẹhụ nịnị vẹ, dị ẹ tana tụra ẹtẹ kụ́ ọ nị.

Oyinyima 43:28

Dị ẹ ka, “Ada ẹnịnị yị yà ịzọọ, ộ da hi.” Dị ẹ rẹ ka ịrẹsụ hi, dị ẹ kụ́ ọ nị.

2 Ohinọyị 3:12

Ohinọyị Ijehosahwati ka, ọ́ zụ kà a yị ẹnị ịsị Ẹnẹyịmavara kà nị. Ịzẹyịza dị ẹnị ohinọyị ẹyịta kụ ẹngụ ne tù ọ nị.

Ahẹ Ụgama 49:14

Ẹnịnị vi ene vee sú kẹnẹ anka atẹmẹ avọọ Di Iswọọza kụ́ wa aa nọ ini ikuta Ọza ana aa mẹ̀ ebira ana vọrọ ọ vaa nyị ẹbẹẹba ẹnịnị Ịjị eyi ọ̀ọ sị nị̄ nị Aza edivi vị ana vaa vụụ hi ini ikuta. Ẹnịnị ẹ yị kụkụ vaa yà anka ụbanyị ẹnị ẹ vịdị nyị tụ́ ini irehi ẹnịnị ana vịdị vavọọ zoza.

Ọyịkụra 11:8

Dị ọ rẹ ka Ẹnẹyịmavara kà avaba anụkọrọ Ihwarawo vaa vẹ dị ẹ va tana tụra ẹtẹ yị ọnị Imosiisi, dị ẹ dị ẹ ka ọnịrị avaba aza ana saasa ọnị, ẹnị ẹ̀ẹ na. Di Imosiisi ka ọ̀ọ vavọọ sị mẹ, dị ọnị aa na ọgọnị. Ịjọnọọ ayị ọ sị kụ́ Imosiisi, dị ọ jị ayị hụụ ịda Ihwarawo nị.

Ọyịkụra 8:8

Di Ihwarawo va tụ́ na hị́ Imosiisi ọnịrị Eerọnị dị ọ ka: Aarịhịnị ẹ̀ dá ịpẹ yị Ẹnẹyịmavara kà ọ̀ kụ́ ọnyọ ẹnẹnị kwooze yị ọnịrị aza anị. Ọ kà ọ̀ọ raà kụ́ wa ọnị vaa zẹẹ ka aza Imosiisi nịnị ẹ̀ na dị ẹ̀ na mẹ̀ ịsọvọ yị Ẹnẹyịmavara.

Ụhịrẹyị 11:29

Aza anaā kụ́ akanya tu ovwoovu anị vị anaā tụ́ avosusu. Ọnụra vị anaa vị ozi ahụ ọyẹrẹyị.

Ụhịrẹyị 14:18

Ọza ọnị eyi anị ọ yị hweyi vị ana kụ ụra ogu ama ọyẹrẹyị vị ọnị ịrẹyọyẹ vị ahaa yị.

Ayịsaya 60:14

Ezi ọnịvị awụ nịnị ana nyị ịhyẹrẹ awụ nịnị, dị ẹ sị ụya rị wụ nịnị vee ku ẹtẹ agada awụ nịnị. Ẹ vaa hị́ Ijerusarẹmị Ịzayọnị, ẹkụra Ẹnẹyịmavara, aha ọnịnị Isirẹrị.

Ịmarakayị 4:3

Dị Ẹnẹyịmavara Ochẹtẹẹngụ ka ẹkụhị ọnị ọnị maanị va mẹ, ẹ vaa nyị ẹbẹẹba aza ọhịmị. Ẹ vaa sị mẹẹ anka atịtọ iruvo ahụ ẹnịnị nị.

Odeyi 16:39

Dị ẹ va kụ́ Ịpọọrụ nịnị nyarọyịkụ, dị ẹ kụ́ wa hụụnị ẹngwa, dị ẹ dá ịpẹ yị wa ka ẹ̀ hụụnị ẹkụra ọnọọ nị.

Ẹtore 3:9

Re, aza ana vị ezirẹma Echu ene ee cheeche ka Aniju ẹ́nị vị nị, dị ẹ̀yị vị Aniju avọọ, mị vaa mẹ ka è ve ku ẹtẹ ọ́vịdị awụ, dị ẹ̀ yẹ ka mée sì ịrẹyị awụ.

1 Ịsamụwẹrị 2:36

Àa na nyị anovwoovu awụ ana vọ tụ́ ẹhẹ, ẹnịnị vị ana vaa nọ ịda ohirẹsụ irehi Ohomorihi ọnị maa kà aanị, dị ẹ naa pà ẹkẹhị ọnịrị ịsọyịrị. Ẹ va naa dá ịpẹ ka à navọ ẹnị ẹ̀ẹ mẹ ọgụvọọ yị ohirẹsụ irehi Ohomorihi ịsavọọ ẹnị è zụ re ịsa rị.