Ụhịrẹyị 14:10 - IWE ỌNỊNỊ

¹⁰ Ọzọza ọ yẹ enee re nị, ọ vị ọyịza ọ vị odivi ẹ yị nyị ọza anaa gụ ọ ụvọ ẹnya anị.

Ụhịrẹyị 14:10 ပူးပေါင်းရင်းမြစ်များ

Oyinyima 42:21

Dị ẹnẹbẹnị Ijosẹẹhụ vaa kà a yị ẹngụ dị ẹ ka, ẹnị ẹ yẹ ka ẹnị ẹ sị ịvị rị agụvị ebira ọnị ẹnị mẹ hi ọhụva ẹnịnị. Ọ kà ẹnị ê re ọ màa rị ụya, dị aa dá ịpẹẹ yị ẹnị, ama ẹnị e yi tụ́ ohi. Dị ọ ka ọnị ọ mẹ ka ịrẹyị ẹnẹnị ẹ maanị tù ẹnị aanị nị.

2 Ohinọyị 4:27

Ama ịjị o ve si tu Erisa, dị ọ kú ẹtẹ ọvịdị anị, dị ọ sị ụvọ ngụ ọ ahụ nị. Igehazi ô sì ka ọnị ọ̀ tụ ọ ọ ụvọ kwooze, ama Erisa ka ọ̀ ná a vọ. Ọ kà aanị ka e yi re e ka, ọnịrị ayodu ọ vị̀ nịị? Ama Ẹnẹyịmavara ẹ yị kà a yị ọnị.

Ijoovu 10:1

Ijoovu kà ẹhẹ o si du ọnị eyi. Ọnị ẹ yị nẹngụ sị irenu anị kwooku. Ọnị aa ka a ịsị e du ọnị ayị.

Ijoovu 21:25

Aza ẹnyị ẹnịnị vana rị ụya pooro di o su ịrẹsụ ayodu.

Ijoovu 7:11

Agụvị avọọ, mẹ yị vaa sị irenu amii kú oku. Maa kà ịrẹyị agụvị ka ayị amị o si du. Maa kụ́ irenu amị agụvị ka ayị aa kụ mị.

Ijoovu 9:18

Aa sị ụya rị ọnị ka asị ẹngụ hi ahị.

Ahẹ Ụgama 25:14

Ẹngụ aza ana sị ụbanyị yị Ẹnẹyịmavara Ẹnẹyịmavara ọnị rẹ vaa sị ịnẹẹ zụ̀ nị Ọ vaa kà a zụ̀ wa ịsa ọnị ọ ka ọnị vaa mẹẹ yị wa.

Ụhịrẹyị 15:13

Ayohine ọọ̄ sị ọza nyinyi nị, ama ayodu vị anaā sịị ọza va ẹngụ hi.

Ụhịrẹyị 18:14

Ẹngụ aa zị ọza dị ọ sị tụ́ ọtụtụrụma nị, e yi vee su ama ọza ana ka ọnị ọ rẹ zụ, ọnị òo horo yị nị.

Ezikẹẹrị 3:14

Ọ kà Ẹnẹyịmavara ộ sị ụkata yị ọnị ẹtẹẹtẹrẹ, ịjị ụhwẹ Ohomorihi va sị ọnị kwooze, ayị anị sị du, dị ayị aa kụ ọnị nị.

Ịjọọnụ 12:27

Dị Ijeesu rẹ ka, “Ayị amị o si du booro aanị. Sị mị vaa kà? M máá vaa kà a ka Ada amị ọ̀ sị ịrẹyị ọnọnị hụrẹ mị ịrẹsụ nị? Ama agụvị avọọ mị sị vẹ ẹhẹ nị.

Ịjọọnụ 14:18

Mẹ yị vaa navọ wụ nịnị kẹnẹ anka ozi oku avọọ. Mị vaa vaavẹ ịdị awụ nịnị.

Ịjọọnụ 14:23

Dị Ijeesu tụ́ ọ ohi, dị ọ ka, “Ọza ene èe sì ịrẹyị amị, ọ vaa sị ụvọọ za ịrẹyị amị; Ada amị vee sì ịrẹyị anị. Dị ẹmịrị Ada amị dudu vẹ, dị ị va ra ịnị ayị anị.

Anihwiripi 4:7

Ịjọnọọ Ohomorihi vaa sị ẹngwọọrọọ wụ nịnị, ana ahịka ẹ yị nyị ọza ana zụ yẹ, ọ mẹmẹ yà. Ẹngwọọrọ ọnọọ vaa mẹ ọyịza ẹ yị ayị awụ ọnịrị ariro awụ nịnị agụvị Ijeesu Ikirisiti.

1Ipita 1:8

Wẹẹ̀ yị daka sị eyi awụ nịnị re Ijeesu Ikirisiti da, ama we yi sì ịrẹyị anị nịnị. We yi si eyi ree nịnị booro aanị, ama wáa sị ayị tụra a nịnị, ana ahịka ayị awụ nịnị ee hine ẹtẹẹtẹrẹ oni irenu ọ̀ yị zụ kà.

Ẹtore 2:17

Ọza ana àa nyị ụtọ, ọ̀ sị ụtọ pe ịrẹyị ọnị Ụhwẹ Ohomorihi aa kà a yị anịragụ Ohomorihi! Ọza ana àa nyị ehuna, ọnị vaa sị ịmana oni Ohomorihi sị tẹ̀, dị ọnị sị yọ ka ọọ rị ọọ. Ọnị rẹ vaa sị ịrẹta ọvwọọvụụ yọ; â chẹrẹ ịrẹha ọwọọwa tụ́ ịnị ịrẹta ọnọọ, ana ahịka ẹ yị nyị ọza ana zụ yẹ ẹ, ẹ̀ yị vị ọza ana nyị ọọ kẹnẹ.

1 Ịsamụwẹrị 1:10

Ayị Ịhaana vị ana nyayịnẹ du, di ee sụ ùnè ọ maa mẹ̀ aduwa hi Ẹnẹyịmavara.

1 Ịsamụwẹrị 1:15

Di Ịhaana ka, “Nda, me yi hú eche o! Ịrẹyị ịnị ẹngụ amị ana va mị ẹngụ hi m maa kà zụ̀ Ẹnẹyịmavara nị.