Ụhịrẹyị 13:8 - IWE ỌNỊNỊ

⁸ Ọza ọbanyị vị ana sị ẹkẹhị dọ ẹngụ anị ha, ama a yi nyị ịsị ẹ vị angwahi onosiye.

Ụhịrẹyị 13:8 ပူးပေါင်းရင်းမြစ်များ

2 Ohinọyị 24:14

Ộ kụ́ avaba Ijerusarẹmị nọ ẹkụra ọsa. Ộ kụ́ avaba ọdọvịdị nịnị, isoja nini ọnịrị avaba ọnụkọrọ ụvọ nịnị beri anịngẹrẹ nịnị. Avaba aza ọnị ọ kụ vị akawụ-akawụ oze ẹẹhị. Aza ọnị ọ navọ hi ẹtẹ kẹnẹ vị onuruwa nini.

2 Ohinọyị 25:12

Ama dị Inebuzaradani navọ onuruwa ẹnyị ẹnẹ ẹ yị nyị ogu ụvọta ẹnịnị ka ẹẹ mẹ̀ ụkọrọ ịnị ụbazị ịvayịnị ọnịrị ịnị aarẹ.

Ijoovu 2:4

Dị Echu tụ Ẹnẹyịmavara ohi ka, ẹ yị nyị ịsị ọnị ọza ọyị zụ sị zune ụhwẹ anị. Sị ụvọ kanyị ọchẹngụ anị kẹ!

Ọyịkụra 21:30

Àa vị a ka àa dà a ẹkẹhị nị, o vee si ọpa ẹkẹhị ana àa dà a dị ọ̀ dọ ụhwẹ tụ́.

Ụhịrẹyị 13:7

Ọza ẹnyị vị ana mẹ̀ eyi ụbanyị ọnị ọ yị nyị ama di ọza ẹnyị aa sị ẹngụ anị tẹ.

Ụhịrẹyị 13:9

Ẹhẹ ọza ọyịza sị mẹ anka ịra ana a za avọọ ama ẹhẹ ọza ọhịmị vị ana sị mẹ anka ịra ene e mi avọọ nị.

Ụhịrẹyị 14:24

Ịrẹyọyẹ ọ vị ogu ọnịrẹyọyẹ nị ama ututu a sị yẹ ọnụra nị.

Ụhịrẹyị 6:35

Ọ yị vaa dọ ịsa ẹnyẹẹnyị sị ụta ịsị ana mẹ̀ ẹ. Ọ yị vaa dọ ochirerenu, ọ̀ọ daka banyị.

Ijeremaya 39:10

Ộ navọ onosiye nịnị ẹnẹ ẹ̀ yị nyị ịsa vụrụ-vụrụ hi Ijerusarẹmị. Dị ọ sị ụbazị ene e chire ọchị ịvayịnị hi yị wa nị. Ộ rẹ sị ẹtẹ yị wa bẹẹ.

Ijeremaya 41:8

Ama â nyị aza ẹnị ẹẹwụ ịnị aza ẹnẹẹ. Ẹnịnị ệ kà a yị Isimẹrị ka, aarịhịnị, asị ọ wụ ẹnị de. Ẹ ka ẹnị aa sị ihwiti, ibaari ọnịrị angwẹ orivi beri ẹhụ ẹnẹ ẹnị kụ́ tẹ̀ ịnị aarẹ. Ịzẹyịza, dị Isimẹrị navọ wa nị.

Ịzẹhwanaya 3:12

Dị Ẹnẹyịmavara kà ọnị vaa navọ aza ana ka ẹngụ ẹnịnị chi di e zwe va rị ọnị ka ẹ̀ ra ịzọọ.

Imatiwu 16:26

Ọza ọ̀ọ sị avaba ẹhẹ rị ọgụ, dị ụhwẹ anị vene si vú nị, ọgụ ịsị ọza ọnọọ kụkụ va rị? Sị ọza vaa sị vara ụhwẹ anị?

Iruuku 12:23

Ụhwẹ ọza ô huna ịsọyịrị, ẹngụ ọza o re huna ịta.