Ụhịrẹyị 13:6 - IWE ỌNỊNỊ

⁶ Ịzẹyịza ọnịzẹyịza aa dọ ọ tụ nị ama ebira odivi ọza ọhịmị o vee vu ọ ẹtẹ nị.

Ụhịrẹyị 13:6 ပူးပေါင်းရင်းမြစ်များ

1 Ohinọyị 1:52

Di Isoromọnị tụ́ ohi dị ọ ka àa vị ọza ana nyị ebira obooro ọ vị nị, ẹyị ịrẹsụ anị ọ yị yaa hụrẹ tịtẹ. Ama aa nyị ebira odivi ene e re ịnị ụvọ anị, vi ee sú nị.

1 Ohinọyị 13:34

Ịrẹyị ọnọnị ọ vana sị vara ebira odivi tù ini eehi Ijerobowami. Ọnị ọ mẹ ka è vu avaba ẹnịnị ẹtẹ saka-saka hụụnị ẹtẹ ọnọọ nị.

2 Ịtọpa 28:23

Ộ mẹ̀ ịsọvọ yị ori irenyi-irenyi Anịdamasịkọsị ene hu ọ ẹtẹ. Ọ kà agụvị ka ori ẹnịnị ẹ gụ ohinọyị Aramị ụvọ, ọnị raa mẹ̀ ịsọvọ yi wa agụvị ẹnị ẹ rẹ gụ ọnị ụvọ. Ama dị ahịka ẹnị e vee vụ ọnịrị avaba Anisirẹrị nịnị ẹtẹ nị.

Ahẹ Ụgama 119:1

Aza ẹnẹ ẹ̀ yị mā mẹ akụvị dị ẹ yaa saasa ọda Ẹnẹyịmavara, ẹ̀ nyarị ịrẹsụ ọyịza.

Ahẹ Ụgama 140:11

Asị ụ zẹẹ ka ò zoza yị aza ana aa dà irechee kú ọza. Navọ ahịka odivi-odivi ò ve tù aza ene ee sì ka ẹnị ẹ̀ wụ̀ ọza nị, dị ahịka odivi ọnọọ ọ wụ̀ wa nị.

Ahẹ Ụgama 15:2

Ẹngụ aza ana zụ yà ịda amị yị Â nyị ka ọza ọnọọ ọ̀ọ saasa avaba ọda ọnị ẹmị Ohomorihi ọ̀ọ mẹ dị ọ̀ rẹẹ mẹ̀ ebira ana vọrọ ẹngụ ọza ọnọọ vị ana vaa kà ịzẹyịza obooro, oyi vee cheeche.

Ahẹ Ụgama 25:21

Navọ ịzẹyịza ọnịrị ebira ọyịza e vaa gụ mị agụvị ka ẹwụ mị sị ayị tụra nị.

Ahẹ Ụgama 26:1

Ẹnẹyịmavara, asị ụ jị ịvị mị agụvị ka mẹ yị zẹẹ ka ma mẹ akụvị Mẹ yị mẹ ayị ẹẹva, ẹwụ nya kẹnẹ mị sị ayị tụra nị.

Ụhịrẹyị 10:29

Ẹnẹyịmavara e sere ọza ana a mẹ ịzẹyịza ama aza ọhịmị vi ene vee vú ẹtẹ.

Ụhịrẹyị 11:20

Ẹnẹyịmavara vị anaā nyị ịhyẹrẹ aza ana nyị ayị odivi ama dị oō sì ịrẹyị ọnịzẹyịza nị.

Ụhịrẹyị 11:3

Ebira ọnịzẹyịza vị anaā zụ ọ oze ama anapẹ vị ene su usu apẹ.

Ụhịrẹyị 21:12

Ohomorihi ana vị ọnịrẹyịzẹyịza ọ̀ yẹ ịsa anaa na ịnị eehi ọza ọhịmị. Ọ́ vaa va aza edivi nọ ẹtẹ nị.

Ụhịrẹyị 5:22

Ebira odivi aza ọhịmị vị anaa va ịrẹpa ee zi wa. Ebira ịvị ọnị ẹ yaa mẹ̀ ọ vị ọha ana za wa nị.