Ụhịrẹyị 13:3 - IWE ỌNỊNỊ

³ Ọza ana sị ụvọ za irenu anị vi ene sere ẹhẹ anị ama ọza anaa kà kẹnẹ-kẹnẹ vị enee vu ẹngụ anị ẹtẹ.

Ụhịrẹyị 13:3 ပူးပေါင်းရင်းမြစ်များ

Ahẹ Ụgama 141:3

Ẹnẹyịmavara, aarịhịnị sere irenu amịị mị, navọ wa sị ụvọ za mi irenu kú oku.

Ahẹ Ụgama 34:13

Ẹngụ ọza ọnọọ ọ̀ na hụụnị ịrẹyị odivi ọyịkà, dị asị ọ rẹ cheeche.

Ahẹ Ụgama 39:1

Mị ka maa si eyii pè ẹngụ amị, mẹ yị vaa sị irenu amịị mẹ ịvị Mẹ yị vaa kà ịrẹyị ịzị aza edivi èe hi.

Ụhịrẹyị 10:14

Ọyẹrẹyị vị ana kọ ịrẹyọyẹ pooro ama ịrẹyị irenu ọnụra aa wụ̀ ọ nị.

Ụhịrẹyị 10:19

Ireche ọ mā tara ọza ẹnẹ ẹ yị ma sị irenu anị kwoku, ama ọza ana yẹ ịrẹyị vị ana sị ụvọ za irenu anị.

Ụhịrẹyị 10:8

Ọnịrẹyọyẹ vị ana a wụ́ ịrẹyị ọza ama ọnụra ana ka kẹnẹ-kẹnẹ vị ana kụ ịrẹyị tu ẹngụ anị

Ụhịrẹyị 12:13

Ịrẹyị irenu aza ọhịmị ọọ va ịrẹpa zi wa nị, ọnịzẹyịza vị ana a ha hụụnị akanya.

Ụhịrẹyị 13:4

Ọza anaā nyị uworo o mē zụ re ịsị e si ama ọza anaā mẹ̀ vee re e tụra-tụra.

Ụhịrẹyị 14:3

Ịrẹyị irenu ọnụra ọọ̄ ku akanya tụ ọ nị ama ịrẹyị irenu ọyẹrẹyị o sere e nị.

Ụhịrẹyị 18:21

Ịrẹyị irenu ọza ọ nyị ụkata ọyị mẹ ka ọza ọ yara, dị ọ rẹ zụ wụ̀ ọza nị. Agụvị avọọ wàa ka irenu awụ ọ ma tịtẹ, ịsị ẹ̀ẹ jịnẹ vẹ ịnị anị dị ụ sị ẹngụ dọ.

Ụhịrẹyị 18:7

Irenu ọnụra ọọ̄ wụ ọ nị. Ịrẹyị irenu anị vị ọnị ọọ̄ sịị va ịrẹpa za ẹngụ anị.

Ụhịrẹyị 20:19

Ọza ọnị irenu anị ọ yị ma tịtẹ hẹẹ vị anaā kụ ọza iruvoo hi ẹhẹ. Asị ụ zị ògù anị o.

Ụhịrẹyị 21:23

Wàa sị irenu awụ kwoku, wẹ yị vaa ngụ ịrẹyị.

Ijemiisi 1:26

Ọza ene èe ro ka ọnị ọ́ọ nyị ahẹkẹ, dị ọ̀ yị sị ụvọ za ịrarẹ anị nị, ọza ọnọọ ee vene ẹngụ anị. Ahẹkẹ ẹngụ ọza ọnọọ vị ahẹkẹ osusu kẹnẹ-kẹnẹ.

Ọdọvịdị 16:11

Ịsamịsịnị tụ ọ ohi ka ẹnịnị ẹ̀ẹ sị obo ọwọọwa ọnị ọza ẹ yị sị sụ ịsa da sụ ọnị, ọnị aa tụ ọkụmị anka ọza kẹnẹ avọọ nị.

Ọdọvịdị 16:17

Ịjị ó si du Ịsamịsịnị eyi, dị ọ kà avaba iruvo ụkata anị zụ ọ nị. Ọ kà ọza ana a nyị tụ́ irenyi yị Ohomorihi ọnị vị dị a vaa yẹ ka aa ma ọnị nị. Agụvị avọọ ìrèkù ọ yị mā nọ ọnị ịrẹsụ. Àa kụ ọnị ịrẹsụ, ụkata anị aa hụrẹ ọnị ẹngụ, dị ọnị kụkụ ya anka aza ana vọ avọọ nị.