Ụhịrẹyị 13:25 - IWE ỌNỊNỊ

²⁵ Ọnịzẹyịzaā nyị ẹhụ ịsa ana hụ ọ rị ama aza ọhịmị vị ọnị ụngwẹ kụ pooro.

Ụhịrẹyị 13:25 ပူးပေါင်းရင်းမြစ်များ

Ahẹ Ụgama 103:5

Ịsa ozoza oni mee sì vị ọnị ọ kụ́ mị dị ọ hụ̄ mị, dị mị kụkụ yà anka ozweyi avọọ, dị mị rẹ nyị ụkata anka ukokoro nị.

Ahẹ Ụgama 132:15

Ọ rẹ ka ọnị vaa mẹ ka ò zee yọ ẹtẹẹtẹrẹ, dị ọnị mẹ ka onosiye ene hi ịzọọ è re ịsa rị dị ịnẹ ọ̀ há wa.

Ahẹ Ụgama 34:10

Wáá yẹ ka ịjị ẹnyị ụngwẹ kụ̀ idu nịnị di e yi re ịsa rị? Ama aza ana ahịka ẹẹ̄ mẹ̀ ịsa ẹnẹ Ẹnẹyịmavara kà, ẹ yị nyị si e yee sì ẹnị è yi vee re.

Ahẹ Ụgama 37:16

Ịsa chee ọnị ọza ana aa mẹ̀ ebira ana vọrọ ọ̀ọ nyị, ô huna ogu avaba aza edivi.

Ahẹ Ụgama 37:3

Sị ayị tụra Ẹnẹyịmavara, dị waa mẹ̀ ebira ene zoza Tangwa ra ịnị ẹtẹ ọnị ọ sị wụ dị asị a nyị ịsị ẹ mẹ̀ wụ.

Ụhịrẹyị 10:3

Ẹnẹyịmavara ọ yị vaa zẹ ka ụngwẹ ọ kụ aza ọyịza, ama ọ yị vaa zẹ ka ọza ọhịmị ọ re ịsị e yee si.

Ụhịrẹyị 13:18

Ọza ana ka ọnị ọ mā wụ́ ịrẹyị ọza vi ene e re, dị ụhị a nyị ọ, ama ọza anaā wụ́ ịrẹyị ọza vi ana nyị ụbanyị.

Ụhịrẹyị 24:34

Osiye vị ana vaa ngụ tu ọ anka anako mẹẹ̄ ngụ tu ọza, dị avaba ịsa ọnị ọ nyị ta avọọ.

Ụhịrẹyị 6:11

Osiye vị ana vaa tụ wụ ahwaahụ anka anako nịnị mẹẹ̄ dọ ọza ịsa ọnị ọ nyị avọọ.

Iruuku 15:14

Ịjị ọ sị avaba ogu anị rị ta, dị ụngwẹ ọbanyị ọnya kwẹẹtẹ aa kụ̀ ịnị ẹtẹ ọnọọ nị. Di osiye sị ọọ za nị.

Iwe Ọhụhị Imosiisi ana aa hị́ Ọyịvatụrọda 28:48

Agụvị avọọ, ụ vanaa hẹkẹ ọnịvị awụ nịnị ọnị Ẹnẹyịmavara vaa và eyirazịị ka wụ nịnị. Avaba ịsa vị ana vaa zwọ wụ nịnị; ụngwẹ ọnịrị onyi vaa kụ wụ nịnị, di u waa zị ahwaahụ nịnị. Ẹnẹyịmavara vaa sị ụyaa rị wụ divi-divi pooro di ọ̀ vu wu nịnị ẹtẹ.

Iwe Ọhụhị Imosiisi ana aa hị́ Ọyịvatụrọda 32:24

Ụngwẹ vị ana vaa wụ̀ wa ha, dị ụkụ edivi-edivi za wa. Uye ịnị avị vị ana vaa va eyi ịrazị ka wa, Dị ẹwụ ẹnẹ ẹchịpa divi ẹ yaa mẹ wa.

2 Anịtẹsaronika 3:10

Ị mẹ̀ yà ịdị awụ nịnị, yáa vịdị mẹ ọda ọnọnịị wụ nịnị ka ọza ẹnẹ ẹ̀ yị mẹ̀ ụkọrọ, asị ọ rẹ rị ịsa.

1 Itimoti 4:8

Ọza èee tenyi ọchẹngụ anị, ọ́ọ nyị ọgụ chee. Ama ọza èee tenyi ebira ini oze ene zé Ohomorihi eyi, ọ́ọ nyị ọgụ ini oze tụra oze; agụvị ka ọ vaa mẹ ka ọza ọnọọ ọ̀ ra ẹhẹ obooro ịnị ẹhẹ ọnọnị ọnịrị ịnị ẹhẹ ana aa vẹ.

Anihiburu 13:5

Asị ụ zẹẹ ka wa họ́họ̀ha ẹkẹhị ịnị ẹhẹ awụ nịnị! Ama re ka ịsị ụ wàa nyị, ọ́ọ vavọọ hụ wụ nịnị! Wáa yẹ ka Ohomorihi ọ sị ọọ kà ka ọnị ọ yị vaa navọ wụ nịnị tịtẹ, ọnị ọ yị rẹ vaa sị ayịị hụụnị ịrẹyị awụ nịnị.