Ụhịrẹyị 13:2 - IWE ỌNỊNỊ

² Ọza ọyịza vị ana rị aha irenu anị ama ọza ọhịmị vị ene si oze ọyị chamayị yị ọza.

Ụhịrẹyị 13:2 ပူးပေါင်းရင်းမြစ်များ

Ahẹ Ụgama 140:11

Asị ụ zẹẹ ka ò zoza yị aza ana aa dà irechee kú ọza. Navọ ahịka odivi-odivi ò ve tù aza ene ee sì ka ẹnị ẹ̀ wụ̀ ọza nị, dị ahịka odivi ọnọọ ọ wụ̀ wa nị.

Ahẹ Ụgama 75:8

Ayị ana aa kụ́ Ohomorihi vị ana sị mẹẹ anka eche ana a kụ́ ịsa ana nyị ịrẹyị hi dị ọ sị tụ́ ini ako rị ụvọ. Avaba anị ọ vaa vàa yị aza edivi ene hi ịnị ẹhẹ ka è hú ọnị.

Ụhịrẹyị 1:18

Ama anako nịnị vi ene vee su usu ụkọrọ ụvọ ẹnịnị. Ebira odivi ẹnịnị vị anaa vụ ụhị tu wa.

Ụhịrẹyị 1:31

Ịsa ọnị ụ chire ụ vaa ha nị. Ịrẹyị ẹngụ awụ vee du wụ eyi.

Ụhịrẹyị 10:11

Ịrẹyị irenu ọnịzẹyịza vị ana rọ ọza ẹngụ, ama ọza odivi vị ana a sị ịrẹyị ẹnyị tụ ịnị ịnẹ ka ọsa.

Ụhịrẹyị 11:23

Ọza ọyịza vị anaa tụra eyi ọyịza-ọyịza, ama aza ọhịmị vị ene zi ayodu kẹnẹ.

Ụhịrẹyị 12:14

Ịrẹyị ọnị ọza ka ọọ̄ vụhị tu ọ nị. Ịsa ọnị ọza chire ọọ̄ ha nị.

Ụhịrẹyị 18:20

Wàa ka irenu awụ ọ ma tịtẹ, ịsị ẹ jịnẹ vẹ ịnị anị dị ụ sị ẹngụ dọ.

Ụhịrẹyị 18:21

Ịrẹyị irenu ọza ọ nyị ụkata ọyị mẹ ka ọza ọ yara, dị ọ rẹ zụ wụ̀ ọza nị. Agụvị avọọ wàa ka irenu awụ ọ ma tịtẹ, ịsị ẹ̀ẹ jịnẹ vẹ ịnị anị dị ụ sị ẹngụ dọ.

Ụhịrẹyị 4:17

Ebira odivi ọ vị ịsọyịrị ẹnịnị, dị ezigi ọyị mẹ̀ sị mẹ anka enyi oyihú yị wa avọọ nị.

Ihoseya 10:13

Ama ebira odivi ọnị ê chire ẹ vaa ha nị. Ireche ọ vaa vị ẹtụtụ ọnị ẹ vaa rị nị.

Ihabaku 2:17

Avaba ẹngụkata ọnị ọ kụ́ tu aza vee tu ọ. Ọnị ọ sẹ́ iruku Ịrẹbanọnị va ha nị, dị ọ wụ́ uye ịnị iruku ẹnẹẹ va ha. Uye vee chire e angwa. Ẹnịnị ẹ̀ yị vaa nyị ẹngwọọrọ agụvị ẹngụkata oni e ku tu aza, dị ẹ wụ́ aza va ha, dị ẹ rẹ dụ ẹkụra ha.

Ihabaku 2:8

Ẹnịnị vị anaā vịdị aa sị àko dọ aza ọnịrị anẹkụra ẹnya para hu, dị ẹ yaa wụ́ aza ha. Booro aanị aza ana ha hụụnị ụvọ ẹnịnị vaa vara eyii sị ụya rị wa agụvị aza ẹnẹ wụ̀ ọnịrị ezigi ẹnẹ ẹ kụ́ hi ẹtẹ.

Ẹtore 16:6

Ệ wụ̀ aza awụ beri ọnịsẹ awụ nịnị, dị e che anya ẹnịnị sẹ́ ẹtẹ nị. Ẹwa rẹ raà sị anya yị wa ka èe hụ́ ọọ. Ịsị ẹ vọrọ tụra wa gẹdẹ-gẹdẹ ọ vị ọnọọ nị.