11 Ẹkẹhị ịrịra o mē ku dị ọ ta ama ututo ẹkẹhị sị gụ nị.
Aza Odivi vị ana va hẹrẹ ogu ọza ene e yi.
Ịsị ụ wàa sị ụvọ awụ mẹ vị ọnị ụ vaa rị. Vi o vee zee wụ ẹtẹẹtẹrẹ nị.
Ogu ọnị ọza sị ebira odivi si ọ mā nyị ịrẹma ama ịzẹyịza vị ana sị ọza ku orubo.
Ẹngụ ọ yị sị tụ ẹba vị ana kụ ẹngụkata hị́ ẹtẹ ama ọnịrẹyọyẹ vị ene họ̀ use ajuwe.
Ịsa ọnị ọza e si ee tura ẹtẹ ayị anị vaa zị nị, ama ọza ene re ịsị ee si vị ọnị ayị anị hine.
Ọza ọ zụ sị ọhọha ne si ogu ẹnẹnẹ viri-viri ama ẹzẹtẹ anị o me zoza.
Ọgụ ọnị ọza sị asuvu nyị vị anaa ta hi ẹtẹ anka areyi avọọ, usu vị ọnị ọ sịị gẹ ọbẹ.
Ọnịzẹyịza vị ọnị óo zee yị, ama ọza anaā dụ ẹkẹhị ịjịjọọ vị ana vaa rị ụya anị.
Eneyiche nịnị vị anaā ha eyi ka ẹnị ẹ hụra nyị ẹkẹhị, dị asị ẹ yị yẹ ka osiye aa za a ịrẹsụ yị ẹnị nị.
Ọza anaa dọ ọtụrarẹsụ ẹkẹhị erere agụvị ọnị ọ nyị ẹkẹhị hu avọọ, ọ yị vaa sị mẹ̀ ẹhẹ. Áa kụ ẹkẹhị ọnọọ gụ zi ọzẹnẹsa ana vaa vayị onuruwa nịnị.
À vị ka ịrẹyị odivi ọ mẹ ka avaba ogu ọnị ọza nyị ọ̀ jị ọ ụvọ dị asị a nyị ịsị ẹ vọ ana vọrọ ka hụrẹ ụvọ tịtẹ yị ozi anị.
Ijeremaya ka, ọza anaa sị irikichii nyị ẹkẹhị; vị ana sị mẹẹ anka irekwose enee kú ajẹ ẹnẹ ẹ yị vị ọnị ọ tụ́ avọọ. Avaba ogu anị vana vaa taa hi ọ ụvọ ẹhẹ anị ọọ maanị ta jẹẹ yị ọ kẹnẹ. Ọvavẹ ịrẹma anị dị o ne tù ka ọnụra kẹnẹ ọnị vị nị.
