Ụhịrẹyị 13:10 - IWE ỌNỊNỊ

¹⁰ Ẹngụ ọ yị sị tụ ẹba vị ana kụ ẹngụkata hị́ ẹtẹ ama ọnịrẹyọyẹ vị ene họ̀ use ajuwe.

Ụhịrẹyị 13:10 ပူးပေါင်းရင်းမြစ်များ

1 Ohinọyị 12:16

Ịjị ọ maanị sị yà, Anisirẹrị nịnị ê re ka ohinọyị ọ yị wụ́ ịrẹyị ọnị ẹnị kà. Dị aza ẹnẹẹ ve tụ́ ohinọyị ohi dị ẹ ka, “Ẹ yi va nyị aayị rị tụ́ ini ozi Ijeese, o! Ẹwụ nịnị Anisirẹrị, ọzọza ọ̀ọ nọ ini eehi o! Idevidi, ẹwa rẹ na sị eyi pè irehi ẹwụ!” Ịzẹyịza di Anisirẹrị si hu aa nọ ini eehi ẹnịnị nị.

2 Ohinọyị 14:10

Amaziya, agụvị ka wâ nyị ẹbẹẹba Anedomi nịnị ụ kụkụ aà sị ẹngụụ tụ ẹba nị. Jẹẹ ịzị ụ ngụrẹyị ne tu aanị ọ̀ zee wu, dị ụ wa ya ịnị eehi awụ. Sị ẹ vẹ di u wee sì ịrẹyị ana vaa kụ́ ẹngụkataa tu ẹwụrị aza awụ?”

Ụhịrẹyị 13:11

Ẹkẹhị ịrịra o mē ku dị ọ ta ama ututo ẹkẹhị sị gụ nị.

Ụhịrẹyị 13:9

Ẹhẹ ọza ọyịza sị mẹ anka ịra ana a za avọọ ama ẹhẹ ọza ọhịmị vị ana sị mẹ anka ịra ene e mi avọọ nị.

Ụhịrẹyị 17:14

Ịraazị óo nyima, vị ọ sị mẹ anka ọza òo rere à há akata yị enyi avọọ nị, agụvị avọọ, và hụụnị ịrẹyị dị ọ va sụ ịraazị.

Ụhịrẹyị 19:20

Wàaa dọ ajuwe dị ụ tenyi ẹngụ ka waa kọsẹ nị, ụhụhwọọ ụ vaa yẹ ịrẹyị.

Ụhịrẹyị 20:18

Ajuwe ọyịza vị anaā sịị ọzaa ha. Ọza ọ̀ họ̀ use ajuwe obooro dị ọ vaa nọ ịrẹkụ.

Ụhịrẹyị 21:24

Ọza anaa sị ẹngụ tụ ẹba vene wu, dị aa mẹ̀ ọjịnọka.

Ụhịrẹyị 25:8

Asị ọza ha eyi sị ịrẹyị nọ ikootu, onivenu ọ̀ọ na kụ ịrẹka za wụ. Ụ́ụ́ ma mẹ̀ ụhị ọnọọ?

Ụhịrẹyị 28:25

Ọnọhọha vị anaa kụ ịrẹyị hi ẹtẹ ama ọza ana sị ayị tụra Ẹnẹyịmavara vị ọnị o vee zee yị.

Iruuku 22:24

Ezirẹma anị aa nyị ahankata ka ẹnẹ vị ene hu keekere ịnị ẹngụ ẹnịnị.

1 Itimoti 6:4

ẹngụ ọza ọnọọ vị ana aa sị ẹngụụ tụ́ ẹba, ayị rẹ nyị ịsị ọ yẹ. Ve ee sì ka ọnị ọ̀ọ nyị ahankata, dị ọnị ọ̀ọ zyaazịị tụ́ ịnị ịrẹyị pooro kẹnẹ nị. Ẹngụ aza ẹnẹẹ vị anaā mẹ ka aza ẹ̀ẹ kụ̀ ụhị, dị ẹyaa zyaazị, dị ẹ rẹ yaa kụ̀ ẹngụ ụhụ, dị ẹ rẹ yaa jị mọọ tụra ẹngụ,

Ijemiisi 4:1

Sị ẹẹ̄ kụ́ ịrẹkụụ vẹ, sị ẹẹ̄ mẹ ka waa zyaazị nịnị? Iruvo ịrazị awụ nịnị ọ vị ka ayị awụ nịnị ọ yị nẹtẹ agụvị oyisì odivi ẹngụ awụ nịnị.

Ọdọvịdị 19:30

Avaba aza ene re ịsa ọnị ọnọrụ ọnọọ mẹ vị ana kà a ka ẹ yị nyị ọza ana vavọọ mẹ̀ ọnị ẹnị re da hụrị ụmẹ ọnị ẹnị sị hụrẹ ẹtẹ Ijipiti ve tu ịhị ọnọọ. Ịjọnọọ dị ọnọrụ ana vị evere Ịbẹnjamịnị ọnọọ tụ́ ohi ka, ee ro ịnẹ ịnị ịpa ịrẹyị ọnọọ, dị a zama a re, dị a kà a ịsa a vọrọ ka a mẹ tụ ọ.