Ụhịrẹyị 12:5 - IWE ỌNỊNỊ

⁵ Ọnịzẹyịza vị anaā mẹ̀ ịsa ana vọrọ ama ọza ọhịmị vị ene si ka ọnị o vene ọza kẹnẹ.

Ụhịrẹyị 12:5 ပူးပေါင်းရင်းမြစ်များ

Ahẹ Ụgama 119:15

Ọda awụ ọnịrị ịrẹyị ọnị ụ sị zụ̀ aza vị ọnị mịị̄ raa nọ ịnị anị.

Ahẹ Ụgama 139:23

Ohomorihi, zama mi re, dị wa yẹ ayị amị. Mị ka wa zama mi re dị wa yẹ ịsị mee ro.

Ụhịrẹyị 11:23

Ọza ọyịza vị anaa tụra eyi ọyịza-ọyịza, ama aza ọhịmị vị ene zi ayodu kẹnẹ.

Ụhịrẹyị 12:4

Ọnẹẹ obooro ọ vị okurẹsụ ọva anị nị ama ọnẹẹ ana mẹ̀ ụhị nyị ọva anị sị mẹ anka ịtahụ ọ̀ọ tụra ọza avọọ nị.

Ụhịrẹyị 12:6

Ịrẹyị aza ọhịmị vi ene vene ọza yi usu ama ọnịzẹyịza vị anaā ka ịrẹyị ana a sị ọza ha.

Ụhịrẹyị 14:8

Ịrẹyọyẹ ọyẹrẹyịị̄ sịị mẹ̀ ẹhẹ anị nị, ama ọnụra vị anaā sịị ụraa vene ẹngụ anị.

Ụhịrẹyị 24:9

Avaba eto ọnị ọnụra aa mẹ̀ vị ọhịmị. Aza vị anaā nyị ịhyẹrẹ ọza anaa sị ọzaa mẹ enyinyi.

Ayịsaya 55:7

Navọ ọza ọhịmị ọ và hụụnị ẹhẹ odivi anị, dị ọza odivi ọ̀ và hụụnị aro odivi anị. Navọ ẹnịnị ẹ̀ và ka Ẹnẹyịmavara vẹ ka ọ vaa vayị ẹnịnị. Ẹnịnị ẹ̀ và ka Ohomorihi ayị vẹ, ka ọ vaa vaa gu wa ẹtẹẹtẹrẹ.

Ijeremaya 4:14

Ẹwụ nịnị Anijerusarẹmị, hụụnị ebira odivi awụ nịnị dị wa ha. Ịzị ụ maanị vaa sị ịrẹyị odivi tụ ịnị ayị nee tu nịnị?

Ijeremaya 9:3

Ẹnịnị venee ne ịrarẹ ẹ nịnị tịtẹ ò yị cheeche Irikichi ẹ yaa mẹẹ ngụ ẹkụra ẹnịnịị zị nị; ẹnịnị ẹ ma ka ịzẹyịza. Ẹnẹyịmavara kà, aza anị vanaa hụrị ụvọ ebira odivi ẹnyị dị ẹ yaa sị ọsa. Ẹnịnị ẹ yị yẹ ọnị.

Ijeremaya 9:5

Ọta-ọta venee vene ẹngụ; ẹ yị nyị ọza anaa kà ịzẹyịza. Ireche oyi che vị ẹnẹ kọsẹ anị. Ẹnịnị ẹ ma và hụụnị ebira odivi ọyị mẹ.

Imatiwu 2:16

Ịjị Ịhẹrọdị sị yẹ ka ọyẹrẹyị ẹnẹnị ẹ sị ọnị vene, dị ayị anị aa dà ọva nị. Dị ọ mẹ ọda ka à na wụ̀ avaba ezinụvọ ana vị ịrayị ẹẹva vachi ene hi Ịbẹtịrẹhẹmị ọnịrị okokooro anị nị, anka ụmẹ ọnị ọ́ tangwa họ̀ use hụụnị ụvọ ọyẹrẹyị ẹnẹẹ nị.

Imatiwu 26:4

Dị ẹ gẹ eyi ka ẹnị èe weree za Ijeesu, dị ẹnị ẹ̀ wụ ọọ nị.

1 Anịkọrịntị 4:5

Agụvị avọọ, asị ụ mẹ̀ ọkarẹyị yị ọzọnyị-ọzọnyị nịnị, ama jẹẹ tù ụmẹ ana Ananyị yị vaa vaa vẹ nịnị! Ọnị ọ vaa sị avaba ụkọrọ eweree vẹ ini eyigede nị, dị ọ rẹ sị ịsa ana aza sị tụ́ ịnị ayị tụ́ ẹhẹ. Ịhị ọnọọ, Ohomorihi vaa ga ọzọza, ọ mẹ̀ vọrọ.

2 Anịkọrịntị 4:2

Ya raà hụrẹ ụvọ avaba ịsa ini ewere ọnịrị ịsị ẹẹ̄ mẹ ụhịị nyị ọza. Ye yi vene ọza, ya yi re sima ịrẹyị Ohomorihi. Ohomorihi vị onivenu ayị ka, ịzẹyịza kẹnẹ ịị̄ kà nị. Oze avọọ ị ya zịị mẹ ka aza ẹ̀ yẹ ịnị ayị ẹnịnị ka ya wụra sị ayị tụra nị.