Ụhịrẹyị 12:15 - IWE ỌNỊNỊ

¹⁵ Ọnụra vị ene ro ka ọnị yẹ ịrẹyị, ama ọnịrẹyọyẹ ọọ dọ ajuwe ọza nị.

Ụhịrẹyị 12:15 ပူးပေါင်းရင်းမြစ်များ

Ụhịrẹyị 1:5

Ọza ana àa yẹ ịrẹyị ọ sị ụtọ pe ụhịrẹyị ẹnẹnị, dị ọ yẹ ịrẹyị hu avọọ. Ọza ọnị eyi anị hweyi vaa nyị eyohweyi hu avọọ,

Ụhịrẹyị 13:1

Ozi ana yẹ ịrẹyị vị anaā wụ́ ịrẹyị ada anị, ama anaamọvị ọ mā dọ ka ọnị o nyeeyi.

Ụhịrẹyị 13:10

Ẹngụ ọ yị sị tụ ẹba vị ana kụ ẹngụkata hị́ ẹtẹ ama ọnịrẹyọyẹ vị ene họ̀ use ajuwe.

Ụhịrẹyị 14:12

Ọza ọ nyẹngụ rò ka anị ọ vị nị ama dị ahịka ọ sị ọ ne vu nị.

Ụhịrẹyị 14:16

Ọza ana yẹ ịrẹyị vị ene e zwe yị ịrẹyị ama ọnụra vị ene zwe huuru na gẹrị ọ.

Ụhịrẹyị 16:2

Avaba ịsa ọnị ọzaā mẹ vị ọnị o rò ka ọ̀ vọrọ, ama Ẹnẹyịmavara e re ayị ọza nị.

Ụhịrẹyị 16:25

Ọza ọ̀ọ nyẹngụ e rò ka oze anị ọ gẹ nị ama dị ahịka ọ sị ọ ne vu nị.

Ụhịrẹyị 19:20

Wàaa dọ ajuwe dị ụ tenyi ẹngụ ka waa kọsẹ nị, ụhụhwọọ ụ vaa yẹ ịrẹyị.

Ụhịrẹyị 21:2

Ọza ọ nyẹngụ e ro ka ịsị ọnị aa mẹ ọ vọrọ, ama Ẹnẹyịmavara ọ zama ayị ọza re nị.

Ụhịrẹyị 26:12

Ọnụra ọ dahi huu ọza ẹnẹẹ yị yẹ ịrẹyị ene ro ka ọnị ọ yẹ ịrẹyị nị.

Ụhịrẹyị 26:16

Onuworo vi ene ro ka ọnị ọ yẹ ịrẹyị huu aza ana vọ nị.

Ụhịrẹyị 28:11

Ọnyẹkẹhị nịnị vị ene ro ka ẹnị ẹ nyị ịrẹyọyẹ, ama onosiye ọnị eyi anị hweyi ọ́ọ yẹ iruvo anị.

Ụhịrẹyị 3:7

Asị u ro ka eyi awụ o hweyi, ama dọ ịrẹyị Ẹnẹyịmavara tụ ịzọọ, dị ụ waa nyị ịhyẹrẹ ebira odivi.

Ụhịrẹyị 30:12

Aza ẹnyị vị ene ro ka ẹnị ẹ gụ ịnị eyi ẹnịnị, ama ẹnịnị e divi anka ụsẹmụsẹ ịnị ututu.

Ụhịrẹyị 9:9

Wàa sị ịrẹyọyẹ zụ ọnịrẹyọyẹ, dị ọ yẹ ịrẹyị huna avọọ. Wàa zụ ọnịzẹyịza ịsa, dị ọ yẹ ịsa ọnọọ huna avọọ.

Ịrẹyị Ọzwọzịsa 4:13

Ozweyi ọ̀ọ vị onuruwa dị ọ yẹ ịrẹyị nị, ọ dahi huna ohinọyị ọzọkụ ana vị ọnụra dị ẹ̀ yị ma dọ ajuwe ọza nị.

Iruuku 18:11

Dị Anihwarisi ọnọọ kwẹẹtẹ jẹẹ aha anị irenyi, dị ọ maanị aa mẹ̀ aduwa nị ka: ‘Ohomorihi, mâ kụ́ wụ avọ ka mẹ yị yà aza ana vọ mẹ̀ yà: aza anaā họ́họ̀ha, dị ẹyaa mẹ irikichi, dị ẹ rẹ yaa sẹ̀ ịrẹka. Mẹ yị hyakụ yà anka ọdẹkẹhirehi ọnọnị bẹẹ.

Anigaratiya 6:3

Àa nyị ọza ene ro ka áa nyị ịsị ọnị vị, ịnị ụmẹ ana ahịka ẹ yị nyị ịsị ọ vị, ọza ọnọọ ee vene ẹngụ anị.