Ụhịrẹyị 12:11 - IWE ỌNỊNỊ

¹¹ Ọgẹrẹva ana da aarẹ banyị ọọ rị vọ ku nị ama ọnụra ọ̀ọ du ụmẹ anị ha nị.

Ụhịrẹyị 12:11 ပူးပေါင်းရင်းမြစ်များ

Oyinyima 3:19

Ọ kà dị ọ ve re ịsa rị, ọ vaa sị ụvọọ ka ẹhịị mi. Ọ rẹ ka avọọ ọ mẹ vaa mẹ pooro dị ọ̀ varẹma nọ ịnị eteesu nị, agụvị ka ezi a sị mẹ ẹ nị. Ezi ọnọọ ọ rẹ vaa vàa nọ ịnị anị nị.

Ahẹ Ụgama 128:2

Ịsị ụ wàa sị ụvọ awụ mẹ vị ọnị ụ vaa rị. Vi o vee zee wụ ẹtẹẹtẹrẹ nị.

Ahẹ Ụgama 26:4

Ẹmịrị enevene nịnị ẹ mā rị ẹ yị rẹ nyị ịsị ẹẹ kụ́ ẹmịrị onogevegevee gẹ.

Ụhịrẹyị 13:20

Ọza anaā zị ògù ọyẹrẹyị vị ana yẹ ịrẹyị ama ọza ene e pe ọnụra za ọta vị anaā mẹ ẹngụ anị ịrẹyị.

Ụhịrẹyị 13:23

Ịsa ịnị aarẹ onosiye ọ̀ọ daka mẹ ẹtẹẹrẹ ama amẹrị ẹ yị vaa zẹ ka ò re e rị.

Ụhịrẹyị 14:23

Ọza ọ̀ọ mẹ̀ dị ọ nyị ama ọza anaa kụ ịrẹka kẹnẹ vị enee re osiye.

Ụhịrẹyị 14:4

Ọza anaa da aarẹ ọọ nyị ịsa ọyịna tụ ịnị ụhwọ nị, ama ọza ẹnị ẹ yị da aarẹ vị ọnị ụhwọ anị tụ osusu.

Ụhịrẹyị 20:13

Ọza anaā sịị avaba ụmẹẹ sụ ara vị enee re osiye, ọza anaā mẹ̀ ịsa ọọ̄ rịị vọ ku nị.

Ụhịrẹyị 27:27

Enyi ịrẹva ẹvụ awụ ana vọ vaa hụ ẹwụrị aza awụ mẹ ịsọyịrị. Dị ezi ahụ awụ anẹẹ ẹnị raa rị bẹẹ.

Ụhịrẹyị 28:19

Ọgẹrẹva ana ha ẹngụ ta kụ ụrụkụ vị anaā rị ịsa vọọ ku, ama ọza anaā nyị uworo vị ọnị iruwa zá.

Ụhịrẹyị 6:32

Ọnọrụ ana aa sị ose ọza ọ yị yẹ ịrẹyị. Ẹngụ anị kẹnẹ aa va nẹtẹ nị.

Ụhịrẹyị 7:7

Ô re ọmụha ọnya ịnị akakana ẹnịnị ana vọ ana mẹ ụra.

Ụhịrẹyị 9:13

Ọnẹẹ ọnụra vị anaā kụ́ ịrẹka zịị kẹnẹ. Oneyogu ọ vị nị. Ọ yị nyị ụ̄hị vụrụ-vụrụ.

Ụhịrẹyị 9:16

“Ọnụra nịnị va ngụ eehi”. Anọrụ ẹnẹ ẹ yị yẹ ịrẹyị vị ana aa kà a yị ka,

Ụhịrẹyị 9:6

Ọ kà ọnụra ọ va hụụnị ututu anị di oo hu ahụ ịrẹyọyẹ.

Ijona 2:8

Dị ọ ka aza ana aa hẹkẹ ịsa ọsa kẹnẹ-kẹnẹ ẹnẹ ẹ yi nyị ịsa ọ vị, ẹ raà va hụrẹ ịrẹma Ẹnẹyịmavara.

Anẹhwẹsọsị 4:28

Ọza eneē vidii yi oyi, ọ̀ na hụụnị oyi oyiyi! Ọ̀ kụkụ naa sị ụvọ anịị mẹ̀ ụkọrọ ini oze ene zoza, dị ọ̀ zụ nyị, dị ọ̀ hyakụụ mẹ ọgụvọọ yị onosiye nịnị bẹẹ!

2 Anịtẹsaronika 3:8

Yẹ yị dọ ọza ịsa rị kẹnẹ, dị asị i sí ọọ ụta. Ama yáa mẹ̀ ụkọrọ ẹtẹẹtẹrẹ ọọdụ ọnịrị ịrahụ ka asị ị na vị ẹnya yị ọzọnyị-ọzọnyị awụ nịnị.

Ọdọvịdị 9:4

Dị Anịsẹkẹmị nịnị sị ẹkẹhị isiriva ẹtarẹwụ hụụ ịnị irehi ori ẹnịnị ana aā hị́ Ịbaarị-Iberiti yị Abimẹrẹkị nị. Dị Abimẹrẹkị dọ wa ẹkẹhị ọnọọ, dị ọ dọ aza kẹnẹ-kẹnẹ ọnị ọ kụkụ a kụ tụra ẹngụ aa zịịzị nị.