Ụhịrẹyị 12:1 - IWE ỌNỊNỊ

¹ Ọza anaā dọ ohuvọ ọọ yẹ ịrẹyị nị ama ọnụra vị anaa nyị ịhyẹrẹ ohuvọ.

Ụhịrẹyị 12:1 ပူးပေါင်းရင်းမြစ်များ

Ahẹ Ụgama 119:27

Navọ ma zụ yẹ ịrẹyị awụ ọnị waa sịị kọ mị, ịjọnọọ di mee ro ịrẹyị ịsa ẹbanyị-ẹbanyị ọnị waa mẹ.

Ahẹ Ụgama 141:5

Mâ dọ ka aza ana aa mẹ ịzẹyịza è vene tụ́ mị dị ẹ̀ẹ tụ́ mị ohuvọ. Mâ yẹ ka vi e sì ịrẹyị amị nị. Ẹngụ ẹnẹẹ vị ana sị mẹẹ angwẹ ozoza ana a sịị̄ sisi ọza ịrẹsụ Mẹ yị vaa kà ka mẹ yị dọ ẹngụ ẹnẹẹ. Ama aza edivi vị ọnị maa mẹ̀ aduwa ịnị ẹhẹ amị ka asị ẹ̀ zụ mẹ̀ ebira odivi ẹnịnị.

Ahẹ Ụgama 32:9

Ohomorihi rẹ ka asị mị na mẹ ụra anka umaata ọnịrị ịkẹrịkẹtẹ ẹnẹ ẹ̀ yị mā yẹ ịrẹyị avọọ. À yị vị a maanị sị enyusẹ chee aanị tụ́ umaata irenu, dị asị obo tụ́ ọ ọ mā wụ́ ịrẹyị ọza.

Ahẹ Ụgama 50:17

Ohomorihi ka aza ẹnẹẹ ẹ yị zẹẹ ka ẹnị ẹ̀ dọ ịrẹyị anị tụ́ ịzọọ, dị ẹ yaa sị ụvọọ kụ́ ịrẹyị anịị hi eyi ụvọha.

Ahẹ Ụgama 92:6

Ọnụra nịnị ẹnẹ ẹ̀ yị yẹ ịrẹyị, ẹ yị yẹ ka aza edivi ẹ̀ẹ daka aa yara anka avị avọọ, dị ẹhẹ ẹnịnị ee zoza nị, ẹnịnị vene vee vú ẹtẹ pooro zịna-zịna.

Ụhịrẹyị 10:8

Ọnịrẹyọyẹ vị ana a wụ́ ịrẹyị ọza ama ọnụra ana ka kẹnẹ-kẹnẹ vị ana kụ ịrẹyị tu ẹngụ anị

Ụhịrẹyị 11:31

Ọnịzẹyịza àa rị aha ebira anị ịnị ẹhẹ ọnọnị, avọọ aza ọhịmị nịnị mẹ rẹ vaa rị ụya ebira odivi ẹnịnị nị.

Ụhịrẹyị 12:2

Ayị Ẹnẹyịmavara hine tu ọza ọyịza ama ọza ọhịmị ene ro ịrẹyị odivi vị ọnị ọ sị ụya rị.

Ụhịrẹyị 15:10

Ẹnẹyịmavara vaa pa ịva yị ọza anaa mẹ̀ ebira odivi, ọza ọnị ẹ mā dọ ịrẹyị ọza wụ vị enee vú ẹtẹ.

Ụhịrẹyị 18:1

Wee re ka aza ẹ yà dị ẹnị rị aza ana vọ ẹ yị ma zụ mẹ uzee nị, ịrẹyị ẹngụ ẹnịnị kẹnẹ ọọ jị wa areyi nị. Ẹnịnị ẹ mā dọ yị ịsị aza ana vọ ka a ka ọ gẹ.

Ụhịrẹyị 30:2

Ộ ka ụra vị ana nyayịnẹ chi ọnị ẹngụ, ọnị ọ yị nyị apara ọza tụ ẹngụ.

Ụhịrẹyị 8:17

Ộ ka ọnị o sì ịrẹyị aza ene sì ịrẹyị anị; aza ene si ọnị obooro vee ré ọnị.

Ụhịrẹyị 8:32

Wụ́ ịrẹyị amị, ẹwụ nịnị ọmụha. Waa mẹ ịsị maa ka wụ nịnị, ka ayị awụ nịnị vee hine.

Ụhịrẹyị 8:36

Ọza ẹnẹ ẹ yị nyị ịrẹyọyẹ vị anaa tọ̀ ẹngụ anị ụnava. Ọza anaa nyị ịhyẹrẹ ịrẹyọyẹ vị anaa hị́ isu tu ẹngụ anị.

Ayịsaya 1:3

Ọ rẹ ka ọkọnị imaaru ệ yẹ ọza ana nyị wa, dị ịkẹrịkẹtẹ ẹnị rẹ yẹ ịzị ẹ yàa rị ịsa nị. Ama Anisirẹrị nịnị ẹ yị vavọọ yẹ ịrẹyị. Ẹ yị nyị ịsị ẹ yẹ vụrụ-vụrụ.

Ireevi 13:10

Ọ vaa zama a re, àa nyị ịtahụ ọvwọọvụ hi ịnị ụpẹngụ anị ana sị ngụ enyi, dị ẹ́ mẹ ka ẹyị ene hi ịzọọ ẹ̀ vara ọvwọọvụ nị,

2 Anịtẹsaronika 2:10

Ịnị ịsa odivi anị, ọ vaa sị irechee vene aza ene vee vụ ẹtẹ. E vee vu ẹtẹ kẹnẹ, agụvị ka ẹnịnị e yi sì ịrẹyị ịzẹyịza, ana zụ mẹ ka à yaanị dọ wa há.