Ụhịrẹyị 10:9 - IWE ỌNỊNỊ

⁹ Ẹ yị nyị ịsị ee chire ọza ana aā mẹ ịrẹyị ana vọrọ angwa ama ụvọ vee ku ọza ana a mẹ asuvu.

Ụhịrẹyị 10:9 ပူးပေါင်းရင်းမြစ်များ

Oyinyima 17:1

Ẹkụhị ọnya Ẹnẹyịmavara o re ne tù Abụramị. Ịjọnọọọ, Abụramị ọ sị gụ ịrayị ẹnarẹwụ tụra ịhịịna. (909) Dị ọ kà a yị Abụramị dị ọ ka Ọnị ọ vị Ohomorihi Ochẹtẹẹngụ nị. Ọ kà Abụramị ọ̀ọ wụ́ ịrẹyị anị, asị ọ mẹ̀ ebira ene divi.

Ijoovu 8:20

Ohomorihi ọ mā va ịrẹma ọnịzẹyịza. Avọọ ọ mā rẹ gụ aza ọhịmị ụvọ nị.

Ahẹ Ụgama 23:4

Màa daka a zị ụsẹ aha odivi ịnị ụmẹ odivi me yi vee hí angwa ka â nyị ịsa odivi ana vaa mẹ mị Mâ yẹ ka Ohomorihi vị ana yà pè mi Arubebe anị ọnịrị okutẹ anị eni eē sii sere mi ọ̀ sị ayị amị nẹtẹ.

Ahẹ Ụgama 25:21

Navọ ịzẹyịza ọnịrị ebira ọyịza e vaa gụ mị agụvị ka ẹwụ mị sị ayị tụra nị.

Ahẹ Ụgama 84:11

Ẹnẹyịmavara ana vị Ohomorihi ọ vị ohinọyị ayị nị, ọnị aa dọ yịị tụ́ nị. Ẹnẹyịmavara ọọ̄ vayị ọza dị ộ sị ụbanyị yọ nị. Ịsa ozoza-ozoza Ohomorihii mẹẹ yị aza ẹnẹ ẹ̀ yị mā zị ụsẹ akụvị nị.

Ụhịrẹyị 17:20

É mē zee yi ọza eneē ro ịrẹyị edivi, ọza ọnị irenu anị ẹ yị mā kà ọyịza, e mē re ọyịza, odivi-odivi oō tu ọ nị.

Ụhịrẹyị 26:26

Ọọ daka jị oku ku ayamụkụ anị, ọzọza vee re ebira odivi anị ịjị ụmẹ òo tu.

Ụhịrẹyị 28:1

Ọza ọhịmị ọọ̄ mẹ̀ ụha za gigiri nị, ama ayị ọnịzẹyịza vị ana vị́ anka ẹzụ avọọ.

Ụhịrẹyị 28:18

Ọza anaā mẹ̀ ịzẹyịza vị ana vaa há ama ọza ọnị ẹ mā mẹ̀ ịzẹyịza vi ene vee su usu asigiri.

Ụhịrẹyị 3:23

Dị ụ mẹ ẹhẹ awụ hara, dị wẹ yị tụ ahụ.

Imatiwu 10:26

“Agụvị avọọ asị u hí angwa ẹnịnị nịnị! Agụvị ka ẹyị nyị ịsị a sị ịsa kú, ẹnẹ ẹ̀ yị vaa tụ́ ẹhẹ; ẹ yị nyị ịsị ẹ tẹ, ọnị ọza ọ̀ yị vaa yẹ.

1 Anịkọrịntị 4:5

Agụvị avọọ, asị ụ mẹ̀ ọkarẹyị yị ọzọnyị-ọzọnyị nịnị, ama jẹẹ tù ụmẹ ana Ananyị yị vaa vaa vẹ nịnị! Ọnị ọ vaa sị avaba ụkọrọ eweree vẹ ini eyigede nị, dị ọ rẹ sị ịsa ana aza sị tụ́ ịnị ayị tụ́ ẹhẹ. Ịhị ọnọọ, Ohomorihi vaa ga ọzọza, ọ mẹ̀ vọrọ.

1 Itimoti 5:25

Avọọ ụ́kọrọ ozoza ọnị ọ̀yị mẹ̀ rẹ zụ sị ẹngụ tẹ nị. Àa nyị ọnị ọza ọyị zụ re, ọyị vavọọ vaa tẹ pooro.