Ụhịrẹyị 10:28 - IWE ỌNỊNỊ

²⁸ Ayị ọza ọyịza vị ene hine tụra ịsa ana a tụra eyi ama ọza ọhịmị ọ yị vee re ịsa ene zi eyi anị.

Ụhịrẹyị 10:28 ပူးပေါင်းရင်းမြစ်များ

Ijoovu 11:20

Aza edivi e yi vee re ẹtẹ re wụ. Ẹnịnị e yi vee re aha zwe na tẹ̀, usu kẹnẹ e kuku e zi eyi nị.

Ijoovu 8:13

Avọọ ẹhẹ aza edivi ene hi ayị Ohomorihi mẹ vaa ya nị. Ẹnịnị vene vee vu.

Ahẹ Ụgama 112:10

Aza edivi vavọọ vee re e, dị ayị anị pooro, di e du ẹngụ ẹnịnị ha nị. Avaba ịsa ana aza edivi aa tụra eyi anị vị ana vaa tụ́ osusu.

Ahẹ Ụgama 16:9

Ọnọọ ộ mẹ̀ ka ịnẹ amị òo hine, dị maa jẹ ịrajẹ nị. Ma sị yẹ ka ẹ yị nyị ịsị ẹ zụ mẹ mị

Ahẹ Ụgama 68:4

Waā jị ahẹ kụ́ Ohomorihi avọ nịnị. Waā sị ụbanyịị yọ nịnị, dị wa jẹ ịrajẹ ịda anị nịnị Ọnị ọ vị Ẹnẹyịmavara anaā tụra eguhii zị nị.

Ụhịrẹyị 11:23

Ọza ọyịza vị anaa tụra eyi ọyịza-ọyịza, ama aza ọhịmị vị ene zi ayodu kẹnẹ.

Ụhịrẹyị 11:7

Ịhị ọza ọhịmị su ịhị ọnọọ anịị ta nị, ẹkẹhị ọnị ọ tụra eyi vị osusu.

Ụhịrẹyị 14:32

Ebira odivi aza ọhịmị e vu wa ẹtẹ nị ama ebira aza ọyịza ọọ̄ dọ wa tụ nị.

Ụhịrẹyị 29:6

Ụvọ vee ku ọza odivi anaa mẹ̀ ịrẹyị ọhịmị anka ịrẹpa mẹẹ̄ za uye avọọ, ama ọza anaa mẹ̀ ịzẹyịza vị ana va ha, dị a jẹ ịrajẹ.

Aniroomi 12:12

Agụvị ka wâ nyị ọyịtureyi nịnị, waa jẹ nịnị. Wàa daka aa rị ụya nịnị, re ka wâ nyị ọyịtureyi nịnị, waa jẹ nịnị! Wàa daka aa rị ụya nịnị, re ka wâ nyị isuuru nịnị, dụ wa yịị mẹ̀ aduwa nịnị!

Aniroomi 15:13

Ohomorihi anaā mẹ ka ọza ọ̀ nyị ọyịtureyi, ọ̀ sị ịrajẹ yị wụ nịnị ẹtẹẹtẹrẹ ọnịrị ẹngwọọrọ, ụ màa sị ayịị tụraa nịnị. Ọnọọ vaa mẹ ka ụkata Ụhwẹ Ọnịnị ọ̀ mẹ ka wâ nyị oyitureyii hu avọọ nịnị.

Aniroomi 5:2

Agụvị ka yâ sị ayị tụra Ijeesu, ọ raà mẹ ka ya va yẹ́ ayamva Ohomorihi. Ịnị ayamva Ohomorihi ọnọọ ị yà dị ị kụkụ aa sị ịrajẹẹ tụra eyi ka ị vaa nyị tụ́ ịnị ụbanyị Ohomorihi nị.

2 Anịtẹsaronika 2:16

Ijeesu Ikirisiti Ananyị yị ụvọta ọnịrị Ohomorihi Ada ayị ée sì ịrẹyị ayị. Ệ vayị ka ya nyị ayohunẹnẹ pooro zịna-zịna, dị ya rẹ nyị ọyịtureyi tụ́ ịnị ịsa ene zoza.