Ụhịrẹyị 10:22 - IWE ỌNỊNỊ

²² Ẹnẹyịmavara ọ ga ize tu ọza, ọ mā nyị ayodu.

Ụhịrẹyị 10:22 ပူးပေါင်းရင်းမြစ်များ

Oyinyima 12:2

Ohomorihi ka ọnị vaa mẹ ka ọ̀ vara anẹkụra ọbanyị, dị ọnị mẹ ka ò zee yọ, dị mị mẹ ka ịrẹha anị ọ̀ yārā. Ohomorihi ka agụvị anị ọnị vaa mẹ ka ò zee yị avaba anẹhẹ nị.

Oyinyima 13:2

Abụramị vị ọzọbanyị ẹtẹẹtẹrẹ. Ộ nyị imaaru, ọnịrị atẹmẹ beri ẹvụ dị ọ rẹ nyị igooru ọnịrị enyusẹ ẹkẹhị-ẹkẹhị nị.

Oyinyima 14:23

ka ọnị ẹ yị vaa sị owu ihihine ọnya àa vị obo adava. Ọ kà a yị nyị ịsa anị ikonya ọnị ọnị aa sị. Ọ kà ọ yị va naa kà a ka ọnị mẹ ka Abụramị ọ̀ nyị ụbanyị nị.

Oyinyima 24:35

Ẹnẹyịmavara ọ raà mẹ ka ò zee yị ọga anị ẹtẹẹtẹrẹ. Ọ kà ọga anị ọ sị vara ọzọbanyị. Ohomorihi ộ kụ́ ịsụpa mẹ̀ ẹ ẹyịza: atẹmẹ, ẹvụ ọnịrị imaaru. Ọ rẹ nyị ịnyaakụmị ọnịrị ịkẹrịkẹtẹ. Avọọ ọ mẹ̀ rẹ nyị igooru, isiriva, ezi ahụ ọnọrụ ọnịrị anẹẹ vị ọnị ọ rẹ nyinyi.

Oyinyima 26:12

Ịnị ịrayị ọnọọ, Ayiziiki ô chire ịsa tụ́ ịnị ẹtẹ ọnọọ, dị ọ mẹ ẹtẹẹtẹrẹ. Ịsị o chire ọ varẹma re e sị oze ẹchẹhị. Ẹnẹyịmavara ộ mẹ̀ ka ò zee yọ,

Oyinyima 26:13

dị ọ sị vara ọzọbanyị nị. Avọọ ọ màa yịị rị ọgụ tụ́ ịnị ọgụ, dị ọ sị vara opisa nị.

1 Ohinọyị 21:19

Wèe tù ịzọọ dị wụ kà a yọ ka, ‘Ẹnẹyịmavara kà wa kà a yọ ka ọ sị ọza wụ̀, ọ rẹ raà kụ́ ogu anị. Rẹ kà a yọ ka Ẹnẹyịmavara kà ịzị irezi yà rèé anya Ịnabọtị avọọ, ịzọọ irezi rẹ vaa yàa rèé anya anị bẹẹ nị.’ ”

1 Ịtọpa 4:10

Ama Ijabezi ộ mẹ̀ aduwa hi Ohomorihi Anisirẹrị, dị ọ ka, kwogwo, ọ̀ navọ ọ̀ mẹ ka ò zé yị ọnị, dị ọ̀ dà ẹtẹ gana yị ọnị de. Ọ kà Ohomorihi ọ̀ navọ ọ̀ yà ọnị ịrẹma, dị ò sere ọnị, asị ọ zẹ̀ẹ ka odivi ọnyọọnyị ọ kụ́ ẹngụkata tu ọnị. Ịzẹyịza dị Ohomorihi mẹ̀ ịsa o họ̀ use anịị yọ nị.

2 Ịtọpa 25:9

Ịzẹyịza, dị Amaziya họ̀ ọza Ohomorihi ọnọọ ka sị ọnị ọọ mẹ ịnị ẹkẹhị ọnị ọnị sị yị wa aanị? Dị ọ va ohi yọ ka, Ẹnẹyịmavara ọ zụ mẹ ene huna avọọ yọ.

2 Ịtọpa 32:27

Ộ vana zee yị Ihezekaya ẹtẹẹtẹrẹ, dị aza sị ụbanyị yọ nị. Dị ọ da aku rụrụ-rụrụ ọnị ọ kụ́ igooru, isiriva, ịrẹta ozozoza, eturare ohuru-ohuru, ogonto ọnịrị ogu anị avọ hị́.

2 Ịtọpa 32:29

Ịrẹma ịsa ẹnẹnị, Ohomorihi ộ sị atẹmẹ ọnịrị imaaru ne beri ogu ẹnẹmẹhị, dị ọ dà ẹkụra ọrụrụ-ọrụrụ nị.

Ahẹ Ụgama 107:38

Ohomorihi ộ mẹ̀ ka ò zee yị wa, ẹnịnị ệ rụrụ ẹtẹẹtẹrẹ. Ọ yị hyakụ zẹẹ ka ịsụpa ẹnịnị ẹ̀ jị ha.

Ahẹ Ụgama 127:2

Ọza ọ nyẹngụ hara ẹnẹnẹ viri-viri dị ọ mẹ̀ ụkọrọ pooro, o yi jintu sụ, ka ọnị ọ̀ rị rị ịsa kẹnẹ. Ụya kẹnẹ aa sịị rị ẹngụ anị nị. Aza ẹnị Ẹnẹyịmavara sì ịrẹyị anị vị ọnị ọọ̄ sị ịsọyịrịị yị ẹ̀ẹ daka aa sụ ara.

Ahẹ Ụgama 37:22

Aza ẹnị Ẹnẹyịmavara ọ̀ọ kà ka ò zee yi ẹnị ẹ vaa nyị ẹtẹ ọnọọ nị ama aza ọnị òo reè chi hi vị ọnị vaa dụụ hụụ ịzọọ.

Ụhịrẹyị 14:24

Ịrẹyọyẹ ọ vị ogu ọnịrẹyọyẹ nị ama ututu a sị yẹ ọnụra nị.

Ụhịrẹyị 20:21

Ọza ọ zụ sị ọhọha ne si ogu ẹnẹnẹ viri-viri ama ẹzẹtẹ anị o me zoza.

Ụhịrẹyị 28:22

Eneyiche nịnị vị anaā ha eyi ka ẹnị ẹ hụra nyị ẹkẹhị, dị asị ẹ yị yẹ ka osiye aa za a ịrẹsụ yị ẹnị nị.

Ụhịrẹyị 8:21

Ọza ene sị ịrẹyị anị vị ọnị ọnị kụ oguu yị, dị irehi anị vị ohihi yị ogu ọyịza-ọyịza.

Ịdanịyẹrị 1:15

Ịrẹma ẹkụhị ẹẹwụ ọnọọ dị e re ka Ịdanịyẹrị ọnịrị ọta anị ẹyịta ẹnẹnị ẹ banyị, dị ọchẹngụ ẹnịnị rẹ swa huni ẹnị anaa rị ịsọyịrị ohinọyị nị.

Ịzakaraya 5:4

Ẹnẹyịmavara Ochẹtẹẹngụ kà, ọnị vaa tụ́ ọ ahị hi ẹhẹ, dị ọ ngụ ịnị eehi oyi ọnịrị ọza ana hị́ eku uruku, dị ọ jị irehi ẹnịnị eburu.

Iwe Ọhụhị Imosiisi ana aa hị́ Ọyịvatụrọda 26:10

Agụvị avọọ mị sị ịsa ịnị aarẹ ịpaapa ọnị Ẹnẹyịmavara sị yị mị va yọ aanị nị. Wàa vavọọ sị ka a, dị ụ sị uji tịtẹ ọvịdị Ẹnẹyịmavara dị ụ hẹkẹ ẹ nịnị.

Iwe Ọhụhị Imosiisi ana aa hị́ Ọyịvatụrọda 28:11

Ẹnẹyịmavara vaa mẹ ka wa ma ezi rụrụ nịnị, dị imaaru awụ nịnị rẹ rụrụ. Ịsị ịnị aarẹ awụ nịnị vaa mẹ ẹtẹẹtẹrẹ ịnị ẹtẹ ọnị ọ wo oto anị yị ohiku awụ nịnị ka ọnị vaa sịị yị wụ nịnị.

Ijosuwa 6:18

Ọ kà, asị ẹ na sị ịsa ọnyị-ọnyị hụụnị avaba ịsa ana ka e du ha aanị, ka ẹyị vavọọ ẹnị nyẹmba vị ene ve vú ẹtẹ saka-saka, dị ẹ ra kụ ẹngụkata ve tu avaba Anisirẹrị.